ខេត្តស្វាយរៀង ៖ រឿងរ៉ាវនៃការស្លាប់អ្នកបើករថយន្តតាក់ស៊ីម្នាក់ដឹកភ្ញៀវពីភ្នំពេញទៅកាស៊ីណូ សៀង ហៃ ស្ថិតនៅក្នុងស្រុកចន្ទ្រា រហូតមកដល់ថ្ងៃទី២៧ ខែវិច្ឆិកា ឆ្នាំ២០១៨ តុលាការខេត្តស្វាយរៀងបា…
ខេត្តស្វាយរៀង ៖ រឿងរ៉ាវនៃការស្លាប់អ្នកបើករថយន្តតាក់ស៊ីម្នាក់ដឹកភ្ញៀវពីភ្នំពេញទៅកាស៊ីណូ សៀង ហៃ ស្ថិតនៅក្នុងស្រុកចន្ទ្រា រហូតមកដល់ថ្ងៃទី២៧ ខែវិច្ឆិកា ឆ្នាំ២០១៨ តុលាការខេត្តស្វាយរៀងបា នសម្រចឃុំខ្លួនបណ្តោះអាសន្នជនសង្ស័យចំនួន៤នាក់ស្រី២នាក់។ ដែលសង្ស័យថា ជាប់ពាក់ព័ន្ធ ទៅនឹងអំពើមនុស្សឃាតដែលបានប្រព្រឹត្តឡើងកាលពីយប់ថ្ងៃទី៨ ខែតុលា ឆ្នាំ២០១៨ ត្រង់ចំណុចភូមិ គុម្ពោតលៀប សង្កាត់ព្រៃអង្គុញ ក្រុងបាវិត បណ្តាលឱ្យបុរសជាអ្នកបើករថយន្តតាក់ស៊ីម្នាក់ឈ្មោះ គុជ សំអៀត អាយុ៣៦ឆ្ន្នាំ បានប្រទះឃើញស្លាប់នៅក្នុងចម្ការប្រេងខ្យល់ក្រោយពីមានគ្រោះថ្នាក់ ចរាចរណ៍រវាងម៉ូតូនឹងរថយន្តរបស់ជនរងគ្រោះរួចមកជិត២ខែមកហើយមិនឃើញតុលាការបើកសវនាការកាត់ទោសជនត្រូវចោទទើបប្រពន្ធធ្វើការអំពាវនាវរកយុត្តិធម៌។
បើតាមការឱ្យដឹងពី ស្ត្រីឈ្មោះ សន សុខា អាយុ២៤ឆ្នាំ មុខរបរកម្មការិនីរោងចក្រ ជាប្រពន្ធជនរងគ្រោះ(អ្នកបើកតាក់ស៊ី) មាន ទីលំនៅភូមិព្រៃឈើទាល ឃុំប្រសូតិ ស្រុកស្វាយទាប បានប្រាប់ក្រុមអ្នកសារព័ត៌មានឱ្យដឹងថា ចាប់តាំងពីពេលកើតហេតុរហូតមកដល់ថ្ងៃទី២៧ ខែវិច្ឆិកា ឆ្នាំ២០១៨នេះ តុលាការខេត្តស្វាយរៀងនៅពុំទាន់បានលើកយកសំណុំរឿងប្តីរបស់គាត់យកមកធ្វើការជម្រះក្តីទេ។ ហើយមិនដឹងថាតុលាការនឹង ចាត់ការនៅពេលណាទេ បើទោះបីជាក្រុមគ្រួសារគាត់បានដាក់ពាក្យបណ្តឹង ទៅបណ្តាស្ថាប័ននានា ដែលមានការពាក់ព័ន្ធឱ្យជួយរកយុត្តិធម៌យ៉ាងណាក៏ដោយ តុលាការបានត្រឹមធ្វើការឃុំខ្លួនជនសង្ស័យ ចំនួន៤នាក់ជាបណ្តោះអាសន្នតែប៉ុណ្ណោះ។
ទើបស្ត្រីជាប្រពន្ធសូមធ្វើការអំពាវនាវក៏ដូចជាសំណូមពរ សូមឱ្យសាលាដំបូងខេត្តស្វាយរៀង មេត្តាជួយពន្លឿនក្នុងការកាត់សេចក្តីរកយុត្តិធម៌ដល់សពប្តីរបស់នាងផង។ ទាក់ទិនករណីខាងលើនេះ មន្ត្រីសាលាដំបូងខេត្តស្វាយរៀងបានឱ្យដឹងថា នៅក្នុងសំណុំរឿងឃាតកម្មអ្នករត់តាក់ស៊ី តុលាការកំពុងបន្តចាត់ការទៅតាមនីតិវិធី ដោយបានធ្វើការកោះហៅ សាក្សីប្រហែលជា៣០នាក់ ដើម្បីមកធ្វើការសាកសួរបន្ថែមទៀត ហើយការបើកសវនការជម្រះរឿងក្តី អាចដំណើរការចន្លោះពេល ពី៦ខែទៅ១ឆ្នាំ ឬរហូតដល់១៨ខែក្រោយ ពេលធ្វើការឃុំខ្លួនជនសង្ស័យ បណ្តោះអាសន្នរួចហើយនោះ។
សូមបញ្ជាក់ថា ជនសង្ស័យទាំង៤នាក់ដែលត្រូវបានសាលាដំបូងខេត្តស្វាយរៀងធ្វើការឃុំខ្លួននោះ ទី ១.ឈ្មោះ ទិត រាជ ភេទប្រុស អាយុ១៩ឆ្នាំ មុខរបរសិស្សថ្នាក់ទី១១ ទី២. ឈ្មោះ ជួន សុជាតិ ភេទប្រុស អាយុ៤៣ឆ្នាំ មុខរបរពេទ្យសត្វទី៣.ឈ្មោះ ប្រាក់សារ៉ាន ភេទស្រី អាយុ៥២ឆ្នាំ មុខរបរលក់ដូរ និងទី៤.ចាន់ ធូ ភេទស្រី អាយុ៣៥ឆ្នាំ មុខរបរលក់ដូរ៕
ចែករំលែកព័តមាននេះ