ខេត្តរតនះគីរី ៖ បុរសល្មោភកាមម្នាក់បានចាប់រំលោភក្មេងស្រីអាយុ៨ឆ្នាំម្នាក់ ហើយត្រូវបាននគរបាលចាប់វាយខ្នោះ។ ហេតុការណ៍រឿងចាប់រំលោភខាងលើនេះបានកើតឡើង នៅថ្ងៃទី២៧ ខែវិច្ឆិកា ឆ្នាំ២០១៨ វេលាម៉ោង៧ព្រឹក ក្រោយពីកើតហេតុបាន១ម៉ោង សមត្ថកិច្ចនគរបាលបានចាប់បានជនសង្ស័យ នៅចំណុចកើតហេតុស្ថិតនៅចម្ការម្រេច ក្នុងភូមិលូត ឃុំទីងចាក់ ស្រុកបរកែវ។ ទាក់ទិនករណីខាងលើនេះ ត្រូវបានសមត្ថកិច្ចនគរបាលស្រុកបានឲ្យដឹងថា ជនសង្ស័យមានឈ្មោះ ហន ហាង អាយុ២៧ឆ្នាំ ជនជាតិខ្មែរ មានមុខរបរកម្មកបេះផ្លែម្រេច។ រីឯក្មេងស្រីរងគ្រោះមានអាយុ៨ឆ្នាំ ជនជាតិខ្មែរ មានមុខរបសិស្ស។ ទាំងជនសង្ស័យ និងជនរងគ្រោះស្នាក់នៅក្នុងចម្ការម្រេចស្ថិតនៅភូមិឃុំ កើតហេតុខាងលើ។
ស្ត្រីជាម្តាយបានរៀបរាប់ប្រាប់សមត្ថកិច្ចថា នៅមុនពេលកើតហេតុ នៅម៉ោងប្រហែលជា៦ និង៣០នាទីព្រឹក ថ្ងៃខែដដែលគាត់បានចេញពីផ្ទះក្នុងចម្ការម្រេច រួមទាំងកម្មករ៣-៤នាក់ទៀត ទៅបេះផ្លែម្រេចឲ្យថៅកែ។ ដោយឡែកជនសង្ស័យខាងលើ មិនព្រមទៅជាមួយនោះទេ ដោយគាត់ទុកកូនស្រីរងគ្រោះខាងលើឲ្យនៅចាំរោងម្នាក់ឯង ពេលគាត់ជាម្តាយដើរបានប្រហែល១០ម៉ែត្រ បានឮកូនស្រីរបស់គាត់ស្រែកហៅម្តាយ ឲ្យជួយ ពេលឮកូនស្រែកបែបនេះក៏បានត្រឡប់មកវិញ ឃើញជនសង្ស័យបានចាប់ដៃកូនគាត់ចូលក្នុងបន្ទប់ចាក់គន្លឹះទ្វារខាងក្នុងជាប់ ពួកគាត់ឃើញដូច្នេះយកជើងធាក់បណ្តាលឲ្យរបើកទ្វារហើយចាប់ជនសង្ស័យប្រគល់ឲ្យសមត្ថកិច្ចស្រុកបរកែវ។
ក្រោយពីឃាត់ខ្លួនបានសមត្ថកិច្ចបានសួរចម្លើយជនសង្ស័យបានសារភាពប្រាប់សមត្ថកិច្ចថា ខ្លួនពិតជាបានចាប់រំលោភក្មេងនោះ ពិតប្រាកដមែនតែមិនទាន់បានសម្រេចត្រូវម្តាយមកទាន់។ ហើយនៅក្នុងនោះផងដែរការត្រួតពិនិត្យរបស់សមត្ថកិច្ចទៅលើជនរងគ្រោះឃើញមានស្នាមជាំក ជាំដៃទាំង២ ដោយជនសង្ស័យយកដៃវាយកុំឲ្យស្រែកសំណាងដែលម្តាយមកជួយទាន់ពេលវេលាកុំអីជីវិតក្មេងស្រីរងគ្រោះមិនដឹងទៅជាយ៉ាងណា។ បច្ចុប្បន្នសមត្ថកិច្ចបានបញ្ជូនជនសង្ស័យទៅសាលាដំបូងខេត្តរតនគិរីនៅព្រឹកថ្ងៃទី២៨ ខែវិច្ឆិកា ឆ្នាំ២០១៨៕
ចែករំលែកព័តមាននេះ