រាជធានីភ្នំពេញ ៖ យុវជន ២នាក់ ត្រូវបានប្រជាពលរដ្ឋព្រួតគ្នាវាយរហូតបែកក្បាលហូរឈាមដេកសន្លប់ស្តូកស្តឹងលែងដឹងខ្លួន ខណៈដែលមានយុវជនម្នាក់ បានអះអាងថា ខ្លួនជាជនរងគ្រោះ ត្រូវជនសង្ស័យខាងលើគំរាមប្លន់យកម៉ូតូរបស់ខ្លួន ដែលហេតុការណ៍នេះ បានកើតឡើងកាលពីវេលាម៉ោង ២ និង ៣០នាទី យប់
រាជធានីភ្នំពេញ ៖ យុវជន ២នាក់ ត្រូវបានប្រជាពលរដ្ឋព្រួតគ្នាវាយរហូតបែកក្បាលហូរឈាមដេកសន្លប់ស្តូកស្តឹងលែងដឹងខ្លួន ខណៈដែលមានយុវជនម្នាក់ បានអះអាងថា ខ្លួនជាជនរងគ្រោះ ត្រូវជនសង្ស័យខាងលើគំរាមប្លន់យកម៉ូតូរបស់ខ្លួន ដែលហេតុការណ៍នេះ បានកើតឡើងកាលពីវេលាម៉ោង ២ និង ៣០នាទី យប់រំលងអាធ្រាត្រឈានចូលថ្ងៃទី២០ មិថុនា ២០១៣ នៅភូមិតានួន ជិតមណ្ឌលសុខភាពពោធិ៍ចិនតុង ក្នុងសង្កាត់កាកាប ខណ្ឌពោធិ៍សែនជ័យ ។
តាមសម្តីយុវជនឈ្មោះ សំរិទ្ធ សេរី អាយុ ២៦ឆ្នាំ ដែលអះអាងថាជាជនរងគ្រោះ បានឱ្យដឹងថា ខ្លួនបានជិះម៉ូតូស្កុបពី ពណ៌ឈាមជ្រូកលាយទឹកប្រាក់ ១គ្រឿង ពាក់ស្លាកលេខ ភ្នំពេញ 1AU-7474 ចេញទៅញុំាបង្អែមនៅមុខផ្សារចេនជូរីផ្លាហ្សា លុះត្រឡប់មកផ្ទះនៅចំណុចកើតហេតុខាងលើ ស្រាប់តែមានជនសង្ស័យ ៣នាក់ ជិះម៉ូតូ ១គ្រឿង បានធ្វើសកម្មភាពគំរាមប្លន់ម៉ូតូរបស់ខ្លួន ភ្លាមៗជនរងគ្រោះបានស្រែកចោរៗ ក៏ត្រូវបានប្រជាពលរដ្ឋម្តុំនោះឮ នាំគ្នាព្រួតវាយទំលាក់ជនសង្ស័យ ២នាក់ ធ្លាក់ពីលើម៉ូតូ ឯម្នាក់ទៀតបានជិះម៉ូតូរត់បាត់ ។ ក្រោយកើតហេតុ ជនសង្ស័យ ២នាក់ ដែលប្រជាពលរដ្ឋព្រួតវាយដល់សន្លប់ ត្រូវបានសមត្ថកិច្ចនាំទៅសង្រ្គោះនៅមន្ទីរពេទ្យលោកសង្ឃ ៕
ចែករំលែកព័តមាននេះ