ខេត្តកំពត ៖ ព្រឹកថ្ងៃពុធទី១៩ មិថុនា លោកបណ្ឌិតទេសរដ្ឋមន្ត្រី ប៉ែន ស៊ីម៉ន ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រតិភូរាជរដ្ឋាភិបាលទទួលបន្ទុកជាអគ្គនាយកគយ និងរដ្ឋាករកម្ពុជាបានអញ្ជើញជាអធិបតីក្នុងពិធីសម្ពោធ អគារសិក្សាថ្មី១ខ្នង កម្ពស់២ជាន់ មាន១០បន្ទប់ នៅវិទ្យាល័យ ហ៊ុន សែន បរិវាស ស្ថិតនៅក្នុងឃុំ
ខេត្តកំពត ៖ ព្រឹកថ្ងៃពុធទី១៩ មិថុនា លោកបណ្ឌិតទេសរដ្ឋមន្ត្រី ប៉ែន ស៊ីម៉ន ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រតិភូរាជរដ្ឋាភិបាលទទួលបន្ទុកជាអគ្គនាយកគយ និងរដ្ឋាករកម្ពុជាបានអញ្ជើញជាអធិបតីក្នុងពិធីសម្ពោធ អគារសិក្សាថ្មី១ខ្នង កម្ពស់២ជាន់ មាន១០បន្ទប់ នៅវិទ្យាល័យ ហ៊ុន សែន បរិវាស ស្ថិតនៅក្នុងឃុំសំរោងលើ ស្រុកបន្ទាយមាស ។
លោកចាន់ ជាលី អភិបាលស្រុកបន្ទាយមាសបានគូសបញ្ជាក់ថា អគារដែលនឹងសម្ពោធឱ្យប្រើប្រាស់នៅពេលនេះជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិតប៊ុន រា៉នី ហ៊ុន សែន ផ្តល់ជូនតាមរយៈលោកបណ្ឌិតទេសរដ្ឋមន្ត្រី ប៉ែន ស៊ីម៉ន និងលោកជំទាវ ដោយមានការជួយឧបត្ថម្ភសាងសង់ពីសំណាក់ក្រុមហ៊ុន NCX HONDA ។ លោកអភិបាលស្រុកបានបន្តថា ក្នុងចំណោមវិទ្យាល័យទាំងបីក្នុងស្រុកបន្ទាយមាស ត្រូវបានលោកបណ្ឌិត ទេសរដ្ឋមន្ត្រី បែ៉ន ស៊ីម៉ន និងលោកជំទាវ ងី ស៊ុនសុភាព ផ្តល់ជូនការកសាងអគារសិក្សាថ្មី១ខ្នង ២ជាន់មាន១០បន្ទប់ រួចហើយក្នុងចំណោមវិទ្យាល័យទាំង២០ ក្នុងខេត្តកំពត ។
មានប្រសាសន៍សំណេះសំណាលលោកបណ្ឌិតទេសរដ្ឋមន្ត្រី ប៉ែន ស៊ីម៉ន បានពាំនាំការនឹករលឹកសាកសួរសុខទុក្ខពីសំណាក់សម្តេចប្រមុខដឹកនាំទាំងបី នៃគណបក្សប្រជាជនកម្ពុជា ពិសេសសម្តេចតេជោ ហ៊ុន សែន ជានាយករដ្ឋមន្ត្រីដែលបានធ្វើឱ្យគ្រប់ផ្នែក គ្រប់វិស័យមានការរីកចម្រើនជាលំដាប់ ក្នុងនោះវិស័យអប់រំសិក្សាធិការត្រូវបានលើកកម្ពស់ ។ លោកបណ្ឌិត បានបន្តទៀតថា ពីមុនក្នុងចំណោម៤ស្រុក យើងមានវិទ្យាល័យតែ១កន្លែង តែពេលនេះមានវិទ្យាល័យ៣ទៅ៤កន្លែង ក្នុង១ស្រុក ។
លោកបណ្ឌិត ប៉ែន ស៊ីម៉ន បានបញ្ជាក់ច្បាស់ថា នៅថ្ងៃទី២៨ កក្កដា សូមពុកម៉ែ បងប្អូនអញ្ជើញទៅបោះឆ្នោតជូនគណបក្សប្រជាជនកម្ពុជាដែលមានសញ្ញាទេវតាបាចផ្កា ស្ថិតនៅលំដាប់លេខរៀងទី៤ ឱ្យបានគ្រប់ៗគ្នាដើម្បីសម្តែងមតិគាំទ្របក្សយើង ពួកយើង គ្នាយើង ដើម្បីបានសម្តេចតេជោ ហ៊ុន សែន បន្តធ្វើជានាយករដ្ឋមន្ត្រីសម្រាប់អាណត្តិទី៥ និងអាណត្តិក្រោយៗទៀត ។ លោកបណ្ឌិតទេសរដ្ឋមន្ត្រី បានក្រើនរំលឹកដល់លោកគ្រូ អ្នកគ្រូ ក្មួយៗសិស្សានុសិស្ស រួមគ្នាថែរក្សារាល់សមិទ្ធផលដែលបានកសាងរួចឱ្យមានប្រយោជន៍ប្រើប្រាស់យូរអង្វែង ។
នៅចុងក្រោយលោកបណ្ឌិតបានឧបត្ថម្ភថវិកាជូនលោកសាស្ត្រាចារ្យ លោកគ្រូ អ្នកគ្រូ និងគ្រូចូលនិវត្តន៍សរុបចំនួន១២៤នាក់ ក្នុងម្នាក់ៗប្រាក់៥០.០០០រៀល ។ សិស្សវិទ្យាល័យហ៊ុន សែន បរិវាសចំនួន១.១០១នាក់ ក្នុងម្នាក់ៗសៀវភៅ២ក្បាល ប៊ិក ១ដើម ប្រាក់ ៥.០០០រៀល ។ សិស្សបឋមសិក្សាបរិវាស២២៥នាក់ ក្នុងម្នាក់ៗសៀវភៅ ២ក្បាល ប៊ិក១ដើម ប្រាក់៣.០០០រៀល ។ សិស្សកាយឫទ្ធិ និងក្រុមកាកបាទក្រហមកម្ពុជាចំនួន៧០នាក់ ក្នុងម្នាក់ៗប្រាក់១០.០០០រៀល ។
កម្លាំងការពារ៩០នាក់ ក្នុងម្នាក់ៗប្រាក់២០.០០០រៀល ។ ព្រមទាំងប្រកាសប្រគល់ជូនសាលាបឋមសិក្សា បរិវាសកុំព្យូរទ័រ ២គ្រឿង ម៉ាស៊ីនព្រីនធ័រ១ ម៉ាស៊ីនថតចម្លង១ ។ ជូនវិទ្យាល័យហ៊ុន សែន បរិវាស កុំព្យូរទ័រ២គ្រឿង មាស៊ីនព្រីនធ័រ១ ម៉ាស៊ីនថតចម្លងនិងអគារទីចាត់ការ១ខ្នង បរិវាសកុំព្យូទ័រ២គ្រឿង មា៉ាស៊ីនព្រីនធ័រ ១ ម៉ាស៊ីនថតចម្លងនិងអគារទីចាត់ការ១ខ្នងផងដែរ ។ ទន្ទឹមនឹងនេះលោកបណ្ឌិតក៏បានប្រកាសដូចគ្នានេះដែរ ដើម្បីផ្តល់ អាហារូបករណ៍ដល់និស្សិតចំនួន២០០នាក់ក្នុង១ឆ្នាំមកពីគ្រប់ស្រុកក្នុងខេត្តកំពត ៕
ចែករំលែកព័តមាននេះ