រាជធានីភ្នំពេញ ៖ បន្ទាប់ពីបញ្ចប់ពិធីប្រគល់ និងទទួលទឹកខ្មៅលុបលាងមិនជ្រះពីសារសាធារណរដ្ឋឥណ្ឌាផ្តល់មកគ.ជ.បលោកអគ្គលេខាធិការគណៈកម្មាធិការជាតិរៀបចំការបោះឆ្នោតទេព នីថា បានមានប្រសាសន៍ប្រាប់ក្រុមអ្នកសារព័ត៌មានកាលពីព្រឹកថ្ងៃទី១៩ មិថុនា ២០១៣ ថា ចំពោះគណបក្សនយោបាយណាដែលដាក់បេក្ខភាពចូលរួមប្រកួតប្រជែងក្នុងការបោះឆ្នោតជ្រើសរើស
រាជធានីភ្នំពេញ ៖ បន្ទាប់ពីបញ្ចប់ពិធីប្រគល់ និងទទួលទឹកខ្មៅលុបលាងមិនជ្រះពីសារសាធារណរដ្ឋឥណ្ឌាផ្តល់មកគ.ជ.បលោកអគ្គលេខាធិការគណៈកម្មាធិការជាតិរៀបចំការបោះឆ្នោតទេព នីថា បានមានប្រសាសន៍ប្រាប់ក្រុមអ្នកសារព័ត៌មានកាលពីព្រឹកថ្ងៃទី១៩ មិថុនា ២០១៣ ថា ចំពោះគណបក្សនយោបាយណាដែលដាក់បេក្ខភាពចូលរួមប្រកួតប្រជែងក្នុងការបោះឆ្នោតជ្រើសរើសតំណាងរាស្ត្រនីតិកាលទី៥ ហើយប្រកាសថា មិនទទួលស្គាល់ពីលទ្ធផលនៃការបោះឆ្នោតនៅក្នុងអាណត្តិលើកនេះ មានលក្ខណៈខុសពីលើកមុន ព្រោះថា ការងារនេះគ.ជ.ប នឹងទៅធ្វើតាមច្បាប់ស្តីពីការបោះឆ្នោត ។
លោកអគ្គលេខាធិការបន្តថា ទៅតាមច្បាប់ស្តីពីការបោះឆ្នោតជ្រើសរើសតំណាងរាស្ត្រគ.ជ.ប បានរៀបចំនីតិវិធីនៃការចុះបញ្ជីគណបក្សនយោបាយ និងបេក្ខជនឈ្មោះបោះឆ្នោត ហើយនៅក្នុងសំណុំឯកសារដែលគណបក្សនីមួយៗដាក់ ដើម្បីចូលរួមប្រកួតប្រជែងក្នុងការបោះឆ្នោតមានសេចក្តីប្រកាសមួយបានបញ្ជាក់ថា នៅពេលដែលគណបក្សណាមួយចូលរួមបោះឆ្នោត ហើយគណបក្សនោះត្រូវទទួលស្គាល់លទ្ធផលនៃការបោះឆ្នោតដែលប្រព្រឹត្តទៅដោយសេរី ត្រឹមត្រូវ និងយុត្តិធម៌ គោរពច្បាប់បោះឆ្នោតនីតិវិធីបោះឆ្នោតក្រមនីតិវិធី ដែលទាក់ទងនឹងការបោះឆ្នោត ។ ដូច្នេះនេះអ្វីដែលមានសរសេរនេះ គឺជាសេចក្តីប្រកាសមួយដែលយើងអាចនិយាយបានថា កិច្ចសន្យាមួយតាមផ្លូវច្បាប់សម្រាប់ឱ្យគ.ជ.បអនុវត្ត ៕
ចែករំលែកព័តមាននេះ