ខេត្តព្រះសីហនុ ៖ បុរសម្នាក់ទំនងជាខ្យល់គហើយបានស្លាប់ ក្រោយពេលបញ្ជូនដល់គ្លីនិកឯកជនមួយ បន្ទាប់ពីបុរសនោះចេញពីហូបមីហិរក្នុងហាងមួយកន្លែង ក្នុងភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ នៅវេលាម៉ោងជាង៣រសៀល…
ខេត្តព្រះសីហនុ ៖ បុរសម្នាក់ទំនងជាខ្យល់គហើយបានស្លាប់ ក្រោយពេលបញ្ជូនដល់គ្លីនិកឯកជនមួយ បន្ទាប់ពីបុរសនោះចេញពីហូបមីហិរក្នុងហាងមួយកន្លែង ក្នុងភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ នៅវេលាម៉ោងជាង៣រសៀល ថ្ងៃទី២៦ វិច្ឆិកា ២០១៨នេះ។ ជនរងគ្រោះឈ្មោះ អ៊ុន ដារ៉ា ភេទប្រុស អាយុ៣៦ឆ្នាំ មុខរបរបុគ្គលិកក្រុមហ៊ុនឯកជន មានទីលំនៅភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ។
តាមសម្ដីស្ត្រីម្នាក់ឈ្មោះ គង់ សុឃឿន ត្រូវជាប្រពន្ធជនរងគ្រោះ បានឲ្យដឹងថា ពាក់ព័ន្ធសុខភាពប្តីរបស់គាត់មុននឹងស្លាប់នេះមិនមានជំងឺអ្វីឡើយ ត្រង់គាត់ជាប្តីមិនប្រាប់ឲ្យដឹង ឬយ៉ាងណានោះមិនដឹងដែរ តែសម្រាប់គាត់ត្អូញថាឈឺដូចជាគ្មានទេ។ ប្រភពពីសាច់ញាតិសពបានឲ្យដឹងថា បន្ទាប់ពីហូបមីហិរហើយ ជនរងគ្រោះថា ដូចវិលមុខ ភ្លាមនោះមិត្តភក្តិដែលទៅជាមួយក៏ដឹកមកកាន់គ្លីនិកឯកជនមួយនៅចម្ងាយប្រមាណជា២គីឡូម៉ែត្រ។
តែជាអកុសលជនរងគ្រោះបានស្លាប់ភ្លាមទាំងដែលបុគ្គលិកគ្លីនិកមិនបានចាក់ថ្នាំ ឬឲ្យលេបថ្នាំនៅឡើយ ។ ប្រភពដដែលបានបន្ថែមថា ចំពោះរឿងនេះ ខាងសាច់ញាតិមិនទាន់សម្រេចយ៉ាងណា ថាតើមកពីពុលមីហិរ ឬខ្យល់គ មូលហេតុអ្វីនោះទេ ដោយគិតរឿងរៀបចំបុណ្យសពតាមប្រពៃណីសិន៕
ចែករំលែកព័តមាននេះ