ខេត្តបាត់ដំបង ៖ ស្ថិតក្នុងស្រុកមោងប្ញស្សី ត្រូវគេមើលឃើញថា ហាក់បានក្លាយជាស្រុកសំរាមទៅហើយ ព្រោះគរចោលដូចភ្នំគ្មានដំណោះស្រាយ ហើយរូបភាពនេះ ក៏កំពុងធ្វើឱ្យប្រជាពលរដ្ឋធ្វើតាមគ្នា ដោយសារតែបោះចោលពាសវាលពាសកាល បំពុលខ្លួនឯងនេះ ។
ជាក់ស្តែង សំរាមបានគរចោលគ្រប់ទីកន្លែង តាមរបងវត្តអារាម, របងបក្ស, របងសាលារៀន, តាមដងផ្លូវតូច ផ្លូវធំ ជួរមាត់ស្ទឹងមោង ជាពិសេសនៅក្នុងមន្ទីរពេទ្យបង្អែកមោងប្ញស្សីតែម្តង គឺមានក្លិនស្អុយរលួយ រាប់ខែមកហើយ ។
ដោយសារមិនបានទទួលដំណោះស្រាយណាមួយនោះ និងទ្រាំក្លិនស្អុយលែងបានទៀត ប្រជាពលរដ្ឋក៏បានសុំឱ្យជួយផ្សព្វផ្សាយ ដើម្បីឱ្យខាងស្ថាប័នពាក់ព័ន្ធចុះមកពិនិត្យផ្ទាល់ផង ។ បញ្ហានេះ ប្រជាពលរដ្ឋ សុំមិនរកអ្នកណាខុសអ្នកណាត្រូវនោះទេ តែអ្វីដែលពួកគាត់ចង់បាននោះ គឺការដោះស្រាយ ដើម្បីគ្រប់គ្រងបញ្ហាសំរាមក្នុងស្រុកមោងប្ញស្សីនេះឱ្យបានល្អឡើងវិញ ។
ពួកគាត់និយាយទៀតថា តើឱ្យទៅពឹងពាក់អ្នកណា បើខាងស្រុក ខេត្ត ម្ចាស់តំបន់ មិនបានអើពើទៅហើយ ឬចង់ឱ្យពួកគាត់បន្តទ្រាំដេកហិតក្លិនស្អុយនេះទៅទៀតឬ?
វីដេអូ
https://www.facebook.com/KohSantepheapFireBuzz/videos/209789723254925/
ចែករំលែកព័តមាននេះ