រាជធានីភ្នំពេញ ៖ ជនសង្ស័យ៤នាក់ ក្នុងនោះមានស្ត្រីម្នាក់ផងត្រូវកងកម្លាំងសមត្ថកិច្ចការិយាល័យប្រឆាំងបទល្មើសគ្រឿងញៀននៃស្នងការដ្ឋាននគរបាលរាជធានីបានចាប់ឃាត់ខ្លួនភ្លាមៗ នៅក្នុងបន្ទប់លេខ១៤បេ ផ្ទះលេខ៣៤៧ ក្រុមទី៣១ ភូមិទី៥ សង្កាត់ផ្សារដើមថ្កូវ ខណ្ឌចំការមន កាលពីវេលាម៉ោង១និង១០នាទី រសៀលថ្ងៃទី១៧ មិថុនា ខណៈក្រុមជនសង្ស័យកំពុងធ្វើសកម្ម
រាជធានីភ្នំពេញ ៖ ជនសង្ស័យ៤នាក់ ក្នុងនោះមានស្ត្រីម្នាក់ផងត្រូវកងកម្លាំងសមត្ថកិច្ចការិយាល័យប្រឆាំងបទល្មើសគ្រឿងញៀននៃស្នងការដ្ឋាននគរបាលរាជធានីបានចាប់ឃាត់ខ្លួនភ្លាមៗ នៅក្នុងបន្ទប់លេខ១៤បេ ផ្ទះលេខ៣៤៧ ក្រុមទី៣១ ភូមិទី៥ សង្កាត់ផ្សារដើមថ្កូវ ខណ្ឌចំការមន កាលពីវេលាម៉ោង១និង១០នាទី រសៀលថ្ងៃទី១៧ មិថុនា ខណៈក្រុមជនសង្ស័យកំពុងធ្វើសកម្មភាពជួញដូរនិងប្រើប្រាស់ ។
ក្នុងប្រតិបត្តិការបង្ក្រាបក្រុមជួញដូរគ្រឿងញៀនខាងលើនេះ ដឹកនាំដោយលោកហោ លីណា ព្រះរាជអាជ្ញារងអមសាលាដំបូងរាជធានីភ្នំពេញ និងលោកវរសេនីយ៍ទោ សោម ប៊ុន្នី នាយការិយាល័យប្រឆាំងបទល្មើសគ្រឿងញៀន ព្រមទាំងមានការចូលរួមពីសមត្ថកិច្ចមូលដ្ឋានផងដែរ ។
លោកនាយការិយាល័យបានឱ្យដឹងថា ជនសង្ស័យ៤នាក់ដែលឃាត់ខ្លួនមាន ១-ឈ្មោះធឿន ភារៈ ភេទប្រុស អាយុ២៨ឆ្នាំ ២-ឈ្មោះវិចិត្រ ស្រីពៅ ភេទស្រី អាយុ២០ឆ្នាំ ៣-ឈ្មោះយូ ម៉ារ៉ាឌី ភេទប្រុស អាយុ២៧ឆ្នាំ និង៤-ឈ្មោះចាន់ រស្មី ភេទប្រុស អាយុ២៨ឆ្នាំ ។ ក្នុងប្រតិបត្តិការនេះសមត្ថកិច្ចឆែកឆេររកឃើញថ្នាំញៀនក្រាមសថ្លា ចំនួន៨កញ្ចប់ថង់តូច និងម្សៅពណ៌សមួយចំនួន ដាវសាម៉ូរ៉ៃ១ដើម ឧបករណ៍ប្រើប្រាស់ថ្នាំញៀនមួយកំប្លេរ និងរបស់របរមួយចំនួនទៀត ។ លោកបានបន្តថា មុននឹងឈានដល់ការបើកប្រតិបត្តិការបង្ក្រាប ក្រុមជួញដូរគ្រឿងញៀនខាងលើនេះ សមត្ថកិច្ចចម្រុះបានធ្វើការស្រាវជ្រាវ អស់រយៈពេលជាយូរណាស់មកហើយ រហូតទទួលបានដំណឹងនិងតម្រុយថា ក្រុមជនសង្ស័យកំពុងលាក់ខ្លួននៅចំណុចខាងលើ ទើបរូបលោកបានសុំដីកាពីព្រះរាជអាជ្ញារងអមសាលាដំបូងរាជធានីភ្នំពេញ ដើម្បីចុះមកឆែកឆេរចាប់ខ្លួនជនសង្ស័យទាំងនេះ ។
ខណៈដែលសមត្ថកិច្ចចម្រុះចុះមកឡោមព័ទ្ធ បង្ក្រាបជនសង្ស័យនេះគឺឈ្មោះធឿន ភារៈ និងវិចិត្រ ស្រីពៅ រួមជាមួយឈ្មោះយូ ម៉ារ៉ាឌី កំពុងធ្វើសកម្មភាពទិញ-លក់និងប្រើប្រាស់ថ្នាំញៀន ក្នុងបន្ទប់លេខ១៤បេ ។ ដោយឃើញជាក់ស្តែងសមត្ថកិច្ចបានចាប់ឃាត់ខ្លួននិងធ្វើការសាកសួររួមទាំងឆែកឆេរ រកវត្ថុតាងរហូតឈានទៅដល់ការឃាត់ខ្លួនជនសង្ស័យឈ្មោះចាន់ រស្មី ដែលកំពុងពួនស្នាក់នៅផ្ទះលេខ៤៥០ ក្នុងសង្កាត់បឹងទំពុន ខណ្ឌមានជ័យ ។
បន្ទាប់ពីធ្វើការឃាត់ខ្លួន និងឆែកឆេររកឃើញវត្ថុតាងជាក់ស្តែងខាងលើនេះ លោកព្រះរាជអាជ្ញាបានសម្រេចកសាងសំណុំរឿងបញ្ជូនខ្លួនពួកគេទៅឃុំខ្លួនបណ្តោះអាសន្ននៅការិយាល័យប្រឆាំងបទល្មើសគ្រឿងញៀន ដើម្បីបន្ត
ការសាកសួរស្វែងរកមេខ្លោងរបស់ពួកគេ ៕
ចែករំលែកព័តមាននេះ