ខេត្តកំពង់ចាម ៖ ផ្ទះឈើប្រក់ស័ង្កសីទំហំ៤មែ៉ត្រគុណ៦មែ៉ត្រ ត្រូវបានកូនប្តីមុនដុតឱ្យឆាបឆេះឡើងដោយសារខឹងនឹងឪពុកចុង ។ ប៉ុន្តែអគ្គិភ័យនេះត្រូវបានរលត់ទៅវិញ ដោយសារតែប្រជាពលរដ្ឋនាំគ្នាដងទឹកជះពន្លត់ទាន់ពេលវេលា ។ េហតុការណ៍នេះបានកើតឡើងកាលពីវេលាម៉ោង៩និង១០នាទីព្រឹកថ្ងៃទី១៧ មិថុនា ស្ថិតនៅក្នុងភូមិស្រែលើសែនជ័យ ឃុំជាំក្រវៀន ស្រុកមេមត់ ។
ខេត្តកំពង់ចាម ៖ ផ្ទះឈើប្រក់ស័ង្កសីទំហំ៤មែ៉ត្រគុណ៦មែ៉ត្រ ត្រូវបានកូនប្តីមុនដុតឱ្យឆាបឆេះឡើងដោយសារខឹងនឹងឪពុកចុង ។ ប៉ុន្តែអគ្គិភ័យនេះត្រូវបានរលត់ទៅវិញ ដោយសារតែប្រជាពលរដ្ឋនាំគ្នាដងទឹកជះពន្លត់ទាន់ពេលវេលា ។ េហតុការណ៍នេះបានកើតឡើងកាលពីវេលាម៉ោង៩និង១០នាទីព្រឹកថ្ងៃទី១៧ មិថុនា ស្ថិតនៅក្នុងភូមិស្រែលើសែនជ័យ ឃុំជាំក្រវៀន ស្រុកមេមត់ ។
លោកអនុសេនីយ៍ទោ ស រិទ្ធី នាយប៉ុស្តិ៍រដ្ឋបាលឃុំជាំក្រវៀនបានឱ្យដឹងថា កូនប្រុសដែលដុតផ្ទះនោះឈ្មោះ មាស ចាន់នី ត្រូវបានសមត្ថកិច្ចចុះទៅឃាត់ខ្លួនបញ្ជូនទៅកាន់ប៉ុស្តិ៍រដ្ឋបាល ។
លោកនាយប៉ុស្តិ៍បានបន្តទៀតថា នៅមុនពេលមានអគ្គិភ័យកើតឡើង គេឃើញបុរសជាឪពុកចុងឈ្មោះ ឌួង ម៉ន អាយុ៥២ឆ្នាំ បានឈ្លោះប្រកែកជាមួយប្រពន្ធឡើងតឹងសរសៃក ស្ទើរតែផ្ទុះហិង្សា ។ នៅពេលមើលឃើញពីទង្វើរបស់ឪពុកចុងស្រវឹងស្ទើររាល់ថ្ងៃ និចេះតែរករឿងក្នុងគ្រួសារ សូម្បីតែកូនប្រុសរូបនេះក៏ត្រូវបានឪពុកចុងដេញវាយផងដែរ ។ ហេតុការណ៍នេះ ទំនងមិនអាចទ្រាំបានទើបកូនប្រុសឈ្មោះ ចាន់នី បានយកភ្លើងទៅដុតផ្ទះនៅជ្រុងខាងត្បូងឆៀងខាងកើត បង្កឱ្យឆេះហុយផ្សែងខ្មួលខ្មាញ់ទៅលើអាកាស ។ ភ្លាមៗនោះ ប្រជាពលរដ្ឋនៅក្បែរនោះបានឃើញនាំគ្នារត់មកជួយពន្លត់ទាន់ពេលវេលា ដោយគ្រាន់តែឆេះអស់បន្តិចបន្តួចប៉ុណ្ណោះ ។
លោក ស រិទ្ធី បានបញ្ជាក់ថា ក្រោយពីហេតុការណ៍នេះកើតឡើងកម្លាំងសមត្ថកិច្ចបានចុះទៅឃាត់ខ្លួនកូនម្ចាស់ផ្ទះនាំទៅប៉ុស្តិ៍ ប៉ុន្តែត្រូវបានម្តាយមកសុំអង្វរយកទៅវិញ គ្រាន់តែណែនាំនិងអប់រំបានហើយ ។ ជាមួយនោះដែរ បានសុំគោលការណ៍ លោកវរសេនីយ៍ត្រី ឯម កុសល អធិការនគរបាលស្រុកមេមត់ នាថ្ងៃទី១៧ មិថុនា នោះឈ្មោះ ចាន់នី ត្រូវបានឱ្យវិលត្រឡប់មកផ្ទះវិញ ។ សមត្ថកិច្ចក៏បានណែនាំឪពុកចុងកុំឱ្យផឹកស្រវឹងរករឿងប្រពន្ធកូនបន្តទៅទៀត ៕
ចែករំលែកព័តមាននេះ