ខេត្ដតាកែវ ៖ ខណៈពេលដែលភ្លៀងបង្អុរធ្លាក់ស្ទើរតែរាល់ថ្ងៃនោះ នៅបរិវេណសាលាខេត្ដ តែងតែមានទឹកជន់លិចមិនដែលខានឡើយ ហើយអាជ្ញាធរហាក់បីជាធ្វើមិនដឹងមិនឮដដែល ។ មន្ដ្រីសាលាខេត្ដមួយរូបនិយាយថា សម្រាប់ខេត្ដតាកែវពាក្យស្លោក «ទីក្រុងស្អាត រមណីយដ្ឋានស្អាត» នៅមានសភាពស្មុគស្មាញ ព្រោះបើក្រឡេកមកមើលនៅតាមមុខផ្ទះ ឬហាងលក់គ្រឿងស៊ីផឹក
ខេត្ដតាកែវ ៖ ខណៈពេលដែលភ្លៀងបង្អុរធ្លាក់ស្ទើរតែរាល់ថ្ងៃនោះ នៅបរិវេណសាលាខេត្ដ តែងតែមានទឹកជន់លិចមិនដែលខានឡើយ ហើយអាជ្ញាធរហាក់បីជាធ្វើមិនដឹងមិនឮដដែល ។ មន្ដ្រីសាលាខេត្ដមួយរូបនិយាយថា សម្រាប់ខេត្ដតាកែវពាក្យស្លោក «ទីក្រុងស្អាត រមណីយដ្ឋានស្អាត» នៅមានសភាពស្មុគស្មាញ ព្រោះបើក្រឡេកមកមើលនៅតាមមុខផ្ទះ ឬហាងលក់គ្រឿងស៊ីផឹកវិញ មានគំនរសំរាមស្អុយរលួយទាល់តែ៥ទៅ៧ថ្ងៃ ទើបមានរថយន្ដដឹកយកទៅចោលម្ដង ។
មន្ដ្រីដដែលបានបន្ដថា បើទោះជាអ្នកទទួលបន្ទុកប្រមូលសំរាមគេទុកគរចោលរហូតស្អុយរលួយ ទើបមកប្រមូលម្ដងបែបណាក៏ដោយ ក៏អាជ្ញាធរមិនខ្វល់ដែរ ។ ដោយឡែកសូម្បីតែកន្លែងដែលលោកអភិបាលខេត្ដ ចេញ-ចូលធ្វើការងារព្រឹក-ល្ងាច ឱ្យតែមានភ្លៀងធ្លាក់ម្ដងៗ តែងតែលិចនៅមុខសាលាខេត្ដជានិច្ច អត់ដែលខានម្ដងណាឡើយ ហើយបើមានភ្លៀងខ្លាំង អាចលិចពី២ទៅ៣ថ្ងៃ ទើបស្រក ។ បញ្ហានេះកើតមានអស់រយៈពេលច្រើនឆ្នាំហើយ ព្រោះអត់មានប្រព័ន្ធលូបញ្ចៀសទឹកមិនឱ្យលិចបាន ហើយ កន្លែងដែលមានទឹកលិចនោះ គឺនៅពីខាងត្បូង និងខាងជើងច្រកចូលសាលាខេត្ដ ។
ទាក់ទិននឹងបញ្ហាខាងលើនេះ លោក ស្រី បេន អភិបាលខេត្ដតាកែវ បានប្រាប់កោះសន្ដិភាពតាមទូរស័ព្ទថា អ្វីៗនឹងល្អស្អាតក្រោយពេលបោះឆ្នោត ហើយទឹកនៅមុខសាលាខេត្ដ ដែលភ្លៀងមកលិច ព្រោះកន្លែងនោះជាទំនាប ហើយក្រោយពេលបោះឆ្នោតរួច ខេត្ដនឹងរៀបចំកែលម្អឱ្យមានសោភ័ណភាពឡើងវិញ ។ ចំពោះបញ្ហាសំរាមវិញ លោកអភិបាលខេត្ដ បានអំពាវនាវស្វែងរកក្រុមហ៊ុនច្បាស់លាស់ក្នុងការប្រមូលសំរាមនេះ ដោយមិនទុកដូចសព្វថ្ងៃនេះទេ ៕
ចែករំលែកព័តមាននេះ