ខេត្តបន្ទាយមានជ័យ ៖ មន្ត្រីការិយាល័យផលិតកម្ម និងបសុព្យាបាលខេត្ត បានចុះចាក់វ៉ាក់សាំងដល់សត្វគោក្របីចំនួន៣.៦៨៥ក្បាលនៅឃុំទឹកជោរ ស្រុកព្រះនេត្រព្រះ កាលពីថ្ងៃទី១៧ មិថុនា ។លោក ហ៊ុយ ទូច ប្រធានការិយាល័យផលិតកម្ម និងបសុព្យាបាលខេត្តថ្លែងថា ដោយមានការណែនាំពីប្រធាននាយកដ្ឋានផលិតកម្ម និងបសុព្យាបាល ក៏ដូចជាការណែនាំពីប្រធានមន្ទីរ
ខេត្តបន្ទាយមានជ័យ ៖ មន្ត្រីការិយាល័យផលិតកម្ម និងបសុព្យាបាលខេត្ត បានចុះចាក់វ៉ាក់សាំងដល់សត្វគោក្របីចំនួន៣.៦៨៥ក្បាលនៅឃុំទឹកជោរ ស្រុកព្រះនេត្រព្រះ កាលពីថ្ងៃទី១៧ មិថុនា ។លោក ហ៊ុយ ទូច ប្រធានការិយាល័យផលិតកម្ម និងបសុព្យាបាលខេត្តថ្លែងថា ដោយមានការណែនាំពីប្រធាននាយកដ្ឋានផលិតកម្ម និងបសុព្យាបាល ក៏ដូចជាការណែនាំពីប្រធានមន្ទីរកសិកម្មខេត្ត បានឱ្យមន្ត្រីការិយាល័យផលិតកម្មនិងបសុព្យាបាលខេត្តចុះផ្សព្វផ្សាយ និងចាក់វ៉ាក់សាំងដល់គោក្របីរបស់ប្រជាកសិករនៅឃុំទឹកជោរ ស្រុកព្រះនេត្រព្រះ ព្រោះថាពេលនេះរដូវវស្សាចូលមកដល់មានភ្លៀងធ្លាក់ជោកជាំ គោក្របីនឹងអាចកើតមានជំងឺឆ្លងដូចជា ជំងឺសាទឹក និងជំងឺអុតក្តាមជាដើម ទើបតម្រូវឱ្យមានការចាក់វ៉ាក់សាំងការពារជាមុន ។
លោក ហ៊ុយ ទូច បានបន្តថា នៅខេត្តបន្ទាយមានជ័យ គោក្របីដែលប្រជាកសិករចិញ្ចឹមមានជាង១០.០០០ក្បាល គឺចិញ្ចឹមសម្រាប់លក់ មិនមែនទុកសម្រាប់អូសទាញធ្វើស្រែចម្ការទេ ព្រោះថាបច្ចុប្បន្នជាទូទៅប្រជាកសិករធ្វើស្រែដោយប្រើគ្រឿងយន្តដូចជាគោយន្ត និងត្រាក់ទ័រជាដើម ហើយការចិញ្ចឹមគោក្របីដោយលក្ខណៈបច្ចេកទេស និងជាពូជនាំចូលពីក្រៅប្រទេស ព្រមទាំងមានការណែនាំពីមន្ត្រីជំនាញផង ។
លោកប្រធានការិយាល័យផលិតកម្ម និងបសុព្យាបាលខេត្ត បានសំណូមពរដល់ប្រជាកសិរកទាំងអស់ បើសត្វមានជំងឺគឺត្រូវរាយការណ៍ជូនភ្នាក់ងារពេទ្យសត្វភូមិជាបន្ទាន់ ព្រោះជំងឺនេះអាចឆ្លងដល់មនុស្សបង្កគ្រោះថ្នាក់បាន ៕
ចែករំលែកព័តមាននេះ