បុរសជាប្តីត្រូវមានធម៌សង្គ្រោះដល់ភរិយាជានិច្ច
នៅក្នុងវចនានុក្រមភាសាខ្មែររបស់សម្តេចព្រះសង្ឃរាជ ជួន ណាត បានពន្យល់ពាក្យថា ប្តី ជាភាសាបាលី បតិ ប្រែថា ម្ចាស់, បុរសជាម្ចាស់ផ្ទះ,…
នៅក្នុងវចនានុក្រមភាសាខ្មែររបស់សម្តេចព្រះសង្ឃរាជ ជួន ណាត បានពន្យល់ពាក្យថា ប្តី ជាភាសាបាលី បតិ ប្រែថា ម្ចាស់, បុរសជាម្ចាស់ផ្ទះ,…
នៅក្នុងវចនានុក្រមភាសាខ្មែររបស់សម្តេចព្រះសង្ឃរាជ ជួន ណាត បានពន្យល់ពាក្យថា ប្តី ជាភាសាបាលី បតិ ប្រែថា ម្ចាស់, បុរសជាម្ចាស់ផ្ទះ, ប្រុសជាគូគ្នានឹងស្រីជាប្រពន្ធ, បុរសដែលមានចិត្តស្មោះចំពោះប្រពន្ធ, បុរសដែលមានសេចក្តីស្រឡាញ់ស្មោះចំពោះភរិយា ។ សេចក្តីនេះក៏សូមបង្ហាញថា បុរសដែលបាននាមថាជាប្តីលុះណាតែបុរសនោះមានគុណធម៌៥ចំណុចចំពោះភរិយារបស់ខ្លួនគឺៈ
១-រាប់អាន លើកមុខភរិយា ថាជាភរិយារបស់ខ្លួនមែនៗ ។ ត្រង់ចំណុចនេះ យើងធ្លាប់ឮហើយថា មានអស់លោកបុរសៗខ្លះ ពេលគេសួរថាដើរជាមួយនរណា ក៏ប្រាប់គេថាជាប្អូនស្រី ជាបងស្រី ឬជាអ្នកបម្រើ ឬក៏ជាមិត្តភក្តិទៅវិញ ដែលជាហេតុធ្វើឲ្យនាងជាភរិយាពេញសិទ្ធិអាក់អន់ស្រពន់ចិត្ត និងខ្មាសគេបំផុត រហូតឈានទៅរកការប្រេះឆាគ្នាក៏មាន ។
២-មិនមើលងាយភរិយារបស់ខ្លួនដោយកាយ និងវាចា។ ស្វាមីមិនគួរវាយធ្វើបាបភរិយា ឬជេរស្ដី ប្រមាថកាតទាន តិះដៀលដោយប្រការផ្សេងៗឡើយ គួរអ្នកនិយាយស្ដីដោយគោរព និងប្រើពាក្យផ្អែមល្ហែមជំនួសវិញ ។
៣-មិនប្រព្រឹត្តកន្លងចិត្តភរិយារបស់ខ្លួនទៅមានស្រីថ្មី ឬប្រពន្ធថ្មីឡើយ។ តាមធម្មតាចិត្តស្រី្ត មិនដែលមាននរណាសប្បាយចិត្តទេ ពេលដែលស្វាមីរបស់ខ្លួនទៅមានស្រីថ្មី។ យើងជាប្រុសគួរគិតថា ចុះបើភរិយាយើងមានប្រុសថ្មី តើយើងសប្បាយចិត្តទេ0x017d7 គឺសុទ្ធតែជារឿងឈឺចាប់ដូចគ្នា ។
៤-ប្រគល់ភារកិច្ចជាធំក្នុងផ្ទះឲ្យទៅភរិយាផ្តាច់មុខដូចជា ការមើលទុកដាក់ទ្រព្យសម្បត្តិ រៀបចំតុបតែង មើលការខុសត្រូវក្នុងផ្ទះ ពិសេសផ្តល់ប្រាក់ដែលខ្លួនរកបានមកនោះទៅឱ្យនាងទុកដាក់ជារឿងល្អបំផុត។
៥-ផ្ដល់គ្រឿងអលង្ការឲ្យដល់ភរិយារបស់ខ្លួនតាមកាល និងតាមតម្រូវការដ៏សមគួរដល់ភរិយា ។
បុរសណាមានគុណធម៌ទាំង៥ប្រការនេះដល់ភរិយា បុរសនោះចាត់ថាជាប្តីល្អ ប្តីសង្គ្រោះដល់ភរិយា និងដើម្បីរក្សាវប្បធម៌ប្រពៃណីខ្មែរផង ដើម្បីលើកតម្កើងតម្លៃស្ត្រីក្នុងសង្គមផង ។
ចែករំលែកព័តមាននេះ