រាជធានីភ្នំពេញ ៖ លោកស្រីហេង ថុល អនុប្រធានសមាគមនារីខណ្ឌសែនសុខ ជួសមុខឱ្យលោកស្រីមួង សុខសត្យា ប្រធានសមាគមនារី ដែលជាភរិយាលោកអភិបាលខណ្ឌសែនសុខ ព្រមទាំងមានការចូលរួមពីលោកជំទាវឃុន បុញ្ញសិរី, លោកស្រីក្រហម ផានី និងលោកស្រីឈាន សុខេង ដែលពួកគេជាសមាជិកកិត្តិយស កាលពីវេលាម៉ោង៤ និង៣០នាទីរសៀលថ្ងៃទី១៧ មិថុនា
រាជធានីភ្នំពេញ ៖ លោកស្រីហេង ថុល អនុប្រធានសមាគមនារីខណ្ឌសែនសុខ ជួសមុខឱ្យលោកស្រីមួង សុខសត្យា ប្រធានសមាគមនារី ដែលជាភរិយាលោកអភិបាលខណ្ឌសែនសុខ ព្រមទាំងមានការចូលរួមពីលោកជំទាវឃុន បុញ្ញសិរី, លោកស្រីក្រហម ផានី និងលោកស្រីឈាន សុខេង ដែលពួកគេជាសមាជិកកិត្តិយស កាលពីវេលាម៉ោង៤ និង៣០នាទីរសៀលថ្ងៃទី១៧ មិថុនា ២០១៣ បានចុះទៅមន្ទីរពេទ្យកាល់ម៉ែត ដើម្បីសួរសុខទុក្ខ និងផ្តល់អំណោយជូនស្ត្រីជាម្តាយឈ្មោះសម ផល្លា អាយុ៦២ឆ្នាំ និងស្ត្រីឈ្មោះកែវ សុផាន់ណារី អាយុ៤១ឆ្នាំ ដែលជាប្រពន្ធចុងរបស់លោកកឹម សុខា រងគ្រោះដោយអំពើហិង្សាកាលពីវេលាព្រឹកថ្ងៃទី១៣ មិថុនា ២០១៣ កន្លងមក នៅភូមិទី៨ សង្កាត់កំពង់លាវ ក្រុងព្រែវែង ។
លោកស្រីហេង ថុល បាននិយាយថា ដោយមានការអាណិតអាសូរ និងជាស្ត្រីដូចគ្នាពីលោកស្រីមួង សុខសត្យា ប្រធានសមាគមនារី ដែលជាភរិយាលោកអភិបាលខណ្ឌសែនសុខ បានឱ្យនាំអំណោយជាថវិកាចំនួន១លានរៀលរបស់សមាគមនារីជូនអ្នកទាំង២។ ស្ត្រីរងគ្រោះទាំង២បានលើកដៃសំពះអរគុណចំពោះសប្បុរសជនទាំងអស់ដែល បានជួយផ្តល់ជាអំណោយ និងការគាំទ្រចំពោះពួកគាត់៕
ចែករំលែកព័តមាននេះ