រាជធានីភ្នំពេញ ៖ ស្ត្រីម្នាក់បានធ្វើដំណើរចេញពីមន្ទីរពេទ្យ ហៅម៉ូតូឌុបជិះទៅហូបបាយ ស្រាប់តែ ជួបគ្រោះថ្នាក់ចរាចរ គឺត្រូវបានម៉ូតូមួយគ្រឿងផ្សេងទៀតបុកពេញទំហឹង បណ្តាលឲ្យស្ត្រីនោះដួលបោកសន្លប់ ស្តូកស្តឹងនៅនឹងកន្លែងកើតហេតុ បុរសម្នាក់ក៏សន្លប់មួយភាំងដែរ។…
រាជធានីភ្នំពេញ ៖ ស្ត្រីម្នាក់បានធ្វើដំណើរចេញពីមន្ទីរពេទ្យ ហៅម៉ូតូឌុបជិះទៅហូបបាយ ស្រាប់តែ ជួបគ្រោះថ្នាក់ចរាចរ គឺត្រូវបានម៉ូតូមួយគ្រឿងផ្សេងទៀតបុកពេញទំហឹង បណ្តាលឲ្យស្ត្រីនោះដួលបោកសន្លប់ ស្តូកស្តឹងនៅនឹងកន្លែងកើតហេតុ បុរសម្នាក់ក៏សន្លប់មួយភាំងដែរ។ ករណីនេះបានកើតឡើងនៅវេលាម៉ោង១១ និង១០នាទី ថ្ងៃត្រង់ទី២១ ខែវិច្ឆិកា ឆ្នាំ២០១៨ នៅជាប់នឹងរបងពេទ្យជប៉ុន ស្ថិតនៅតាមបណ្តោយផ្លូវលេខ៤៧ សង្កាត់ស្រះចក ខណ្ឌដូនពេញ។
តាមប្រភពព័ត៌មានពីនគរបាលបានប្រាប់ឱ្យដឹងថា មុនពេលកើតហេតុ គេបានឃើញស្ត្រីកូនខ្ចីរងគ្រោះហៅជិះម៉ូតូឌុបមួយគ្រឿងដើម្បីជិះចេញទៅរកទិញបាយហូប។ លុះពេលដែលរូបគាត់ បានជិះម៉ូតូឌុបមួយគ្រឿងនោះចេញមកដល់ខាងក្រៅបន្ទីរពេទ្យជប៉ុន បានបន្តិច មកដល់ខាងមុខក៏ស្រាប់ តែមានបុរសម្នាក់បើកម៉ូតូ ស្គូពីពណ៌ក្រហមមួយគ្រឿង ពាក់ស្លាកលេខ ភ្នំពេញ 1DF-1826 បើកបរក្នុងល្បឿនយ៉ាងលឿន ក្នុងទិសដៅពីជើងទៅត្បូង បញ្ច្រាសទិសគ្នាមកបុកពេញទំហឹង។
បណ្តាលឲ្យបុរសដែលជិះម៉ូតូ ស្គូពីនោះសន្លប់មួយសន្ទុះ រីឯស្ត្រីកូនខ្ចីនោះបានដួលបោកក្បាលទៅលើថ្នល់ សន្លប់បាត់មាត់ ឈឹង ត្រូវបានរថយន្តសង្គ្រោះដឹកទៅមន្ទីរពេទ្យកាលម៉ែត្រភ្លាមៗ។ ក្រោយពេលកើតហេតុសមត្ថកិច្ច បានចុះទៅដល់កន្លែងកើតហេតុខាងលើធ្វើការវាស់វែង និងបានយកម៉ូតូទាំង២គ្រឿងរក្សាទុកបណ្តោះអាសន្ន រង់ចាំភាគី ទាំងសងខាងធ្វើការដោះស្រាយគ្នាពេលក្រោយ៕
ចែករំលែកព័តមាននេះ