បន្ទាប់ពីការស្រាវជ្រាវអស់រយៈពេលជាច្រើនឆ្នាំទៅលើទឹករ៉ែធម្មជាតិ ឥឡូវនេះទឹករ៉ែធម្មជាតិដ៏ល្អឥតខ្ចោះរបស់ប្រទេសកម្ពុជាបានកើតចេញជារូបរាងហើយ គឺទឹករ៉ែធម្មជាតិអូ គូលែន ដែលកើតចេញពីប្រភពទឹកធម្មជាតិដែលស្ថិតនៅយ៉ាងជ្រៅក្រោមភ្នំគូលែន ក្នុងខេត្តសៀមរាប ។ ក្រុមហ៊ុនគូឡារ៉ា វ៉ធើរ គឺជាក្រុមហ៊ុនដែលបានសិក្សាលើគម្រោងនេះ ហើយត្រូវបានបង្កើតឡើងដោយវិនិយោគិនមកពីប្រទេសបារាំងដោយលោកប៊ើណាត ហ្វររ៉េ (Bernard Forey) ដែលលោកមានបទពិសោធន៍ជាយូរឆ្នាំលើវិស័យទឹករ៉ែធម្មជាតិ និងទទួលបានជោគជ័យលើទឹករ៉ែនាពេលកន្លងទៅរួចមកហើយ រួមមាននៅក្នុងប្រទេសវៀតណាម ដែលលោកជាអ្នករកឃើញទឹករ៉ែមានឈ្មោះថា« La Vie» និងផលិតផលជាច្រើនទៀតក្នុងប្រទេសអូស្ត្រាលីមានដូចជា Palm Spring , Koala Spring and Cotton Wood Valley ។
ទឹករ៉ែធម្មជាតិ អូ គូលែន កើតចេញពីប្រភពទឹកធម្មជាតិ និងមានសារធាតុរ៉ែធម្មជាតិដ៏ល្អបំផុត ហើយសារធាតុកាល់ស្យូម និងម៉ាញេ៉ស្យូមដ៏ច្រើនវិសេសក៏មាននៅក្នុងនោះផងដែរ ។ ដើម្បីដឹងថាតើសារធាតុរ៉ែប៉ុន្មានដែលមាននៅក្នុងទឹកសម្រាប់ជំនួយដល់សុខភាពរបស់យើង ដូច្នេះយើងអាចធ្វើការប្រៀបធៀបសារធាតុរ៉ែជាមួយនឹងការណែនាំដោយអង្គការសុខភាពពិភពលោកហៅកាត់ថា «WHO» ។ អូ គូលែន គឺជាទឹករ៉ែធម្មជាតិដែលបានផលិតឡើងដំបូងគេនៅក្នុងប្រទេសកម្ពុជា វារួមផ្សំនូវសមាសធាតុជាច្រើនជាមួយអត្តសញ្ញាណវប្បធម៌និងប្រវត្តិសាស្ត្រ ។
អូ គូលែន កើតចេញពីទឹករ៉ែធម្មជាតិដែលមានជម្រៅយ៉ាងជ្រៅក្រោមភ្នំគូលែនដ៏ល្បីល្បាញ ហើយជាភ្នំដ៏ស័ក្តិសិទ្ធបំផុតនិងជាប្រភពកំណើតនៃទឹកដីអាណាចក្រខ្មែរ ។ តំបន់ការពារនេះផ្តល់នូវភាពបរិសុទ្ធល្អ ធម្មជាតិ និងបរិមាណសមាសធាតុរ៉ែមានក្នុងទឹកដែលបានកប់ក្នុងប្រភពទឹកក្រោមស្រទាប់ដីយ៉ាងជ្រៅ ។ អូ គូលែន ត្រូវបានផលិតឡើងដោយផ្ទាល់នៅប្រភពដើមក្នុងស្លាកសញ្ញាថ្មីមួយដែលបញ្ជាក់យ៉ាងត្រឹមត្រូវក្រោមបទដ្ឋាននៃការចម្រោះទឹកនិងការច្រកដបដែលមានទីតាំងស្ថិតនៅខាងជើងឆៀងខាងកើតទីក្រុងសៀមរាបអង្គរ ។
អូ គូលែន ផលិតឡើងក្រោមស្តង់ដាអន្តរជាតិដោយក្រុមជំនាញមកពីប្រទេសបារាំងដ៏ល្អបំផុត ជាមួយការហូរច្រោះតាមថ្មនិងមិនមានការប្រើប្រាស់នូវសារធាតុគីមីផ្សេងៗ ។ ព្រោះយើងចង់រក្សានូវរសជាតិធម្មជាតិដើម្បីជាអត្ថប្រយោជន៍សម្រាប់ជំនួយដល់សុខភាពដែលផ្តល់ដោយទឹករ៉ែធម្មជាតិដ៏បរិសុទ្ធនេះ ។ ដំណើរការនៃការផលិតគោរពទៅតាមលក្ខខណ្ឌនានា-អង្គការសុខភាពពិភពលោក(WHO) សម្រាប់ការទទួលទានទឹក
-ការណែនាំពីទ្វីបអឺរ៉ុប
-លក្ខខណ្ឌផ្សេងៗចំពោះទឹករ៉ែធម្មជាតិ
ទឹករ៉ែធម្មជាតិអូ គូលែន មានសារធាតុរ៉ែដូចជា កាល់ស្យូម ប៊ីកាបូណាត ម៉ាញេ៉ស្យូម ប៉ូតាស្យូម សូដ្យូម និងសារធាតុសំខាន់ៗជាច្រើនទៀត ។ ការពិសាទឹករ៉ែធម្មជាតិ អាចជួយឱ្យរាងកាយរបស់យើងរឹងមាំ ។
មនុស្សចាស់សម័យមុនតែងដំណាលថា អ្នកដែលមានជំងឺបើបានពិសាទឹកភ្នំគូលែននឹងអាចជាសះស្បើយ បច្ចុប្បន្នទឹករ៉ែភ្នំគូលែន បានផលិតឡើងមកហើយ និងបានកំពុងតែបានធ្វើចរាចរណ៍លក់ទៅលើទីផ្សារក្នុងព្រះរាជាណាចក្រកម្ពុជាយើងហើយដែលជាផលិតផលរបស់ក្រុមហ៊ុន គូឡារ៉ា វ៉ធើរនៅភូមិត្បែងខាងកើត ឃុំត្បែង ស្រុកបន្ទាយស្រី ខេត្តសៀមរាប ជារោងចក្រផលិតទឹករ៉ែធម្មជាតិតែមួយគត់របស់កម្ពុជាគ្មានពីរដែលបានទទួលស្គាល់ដោយអង្គការសុខភាពពិភពលោក (WHO) ។ គួរបញ្ជាក់ផងដែរថា ទឹករ៉ែអូ គូលែនត្រូវបានស្រាវជ្រាវរកឃើញនៅឆ្នាំ២០១០ ហើយទើបតែចេញលក់នៅខេត្តសៀមរាបរយៈពេល២ខែមុននេះប៉ុណ្ណោះ ៕
ចែករំលែកព័តមាននេះ