រាជធានីភ្នំពេញ ៖ ម៉ូតូសេ១២៥ ស៊េរី ២០០៨ ពណ៌ខ្មៅ មួយគ្រឿងជិះគ្នា៣នាក់ ស្រី២នាក់ ដោយជិះលឿនពេកចាប់ហ្វ្រាំងមិនទាន់ជ្រុលទៅបុកពីក្រោយម៉ូតូវីវ៉ា ស៊េរី ២០០៤ ពណ៌ខ្មៅ បណ្ដាលឱ្យដួលរងរបួសធ្ងន់ម្នាក់ និងស្រាល២នាក់ កាលពីវេលាម៉ោង៩ និង១៥នាទី យប់ថ្ងៃទី១៦ មិថុនា ២០១៣ នៅតាមបណ្ដោយផ្លូវជាតិលេខ៧០ សង្កាត់ស្រះចក ខណ្ឌដូនពេញ។
រាជធានីភ្នំពេញ ៖ ម៉ូតូសេ១២៥ ស៊េរី ២០០៨ ពណ៌ខ្មៅ មួយគ្រឿងជិះគ្នា៣នាក់ ស្រី២នាក់ ដោយជិះលឿនពេកចាប់ហ្វ្រាំងមិនទាន់ជ្រុលទៅបុកពីក្រោយម៉ូតូវីវ៉ា ស៊េរី ២០០៤ ពណ៌ខ្មៅ បណ្ដាលឱ្យដួលរងរបួសធ្ងន់ម្នាក់ និងស្រាល២នាក់ កាលពីវេលាម៉ោង៩ និង១៥នាទី យប់ថ្ងៃទី១៦ មិថុនា ២០១៣ នៅតាមបណ្ដោយផ្លូវជាតិលេខ៧០ សង្កាត់ស្រះចក ខណ្ឌដូនពេញ។
ប្រភពព័ត៌មានពីកន្លែងកើតហេតុបានឱ្យដឹងថា ម៉ូតូវីវ៉ា បើកពីកើតទៅលិចតាមផ្លូវលេខ៧០ បត់ឆ្វេងចូលតាមផ្លូវលំ ស្រាប់តែម៉ុតូសេ១២៥ ជិះលឿនពេកចាប់ហ្វ្រាំងមិនទាន់ក៏ជ្រុលទៅបុកពីក្រោយម៉ូតូវីវ៉ាដួលបណ្ដាលឱ្យអ្នកបើកម៉ូតូសេ១២៥ របួសធ្ងន់ និងស្រី២នាក់របួសស្រាល ចំណែកអ្នកបើកម៉ូតូវីវ៉ាមិនមានរងរបួសទេ។ ក្រោយពេលកើតហេតុជនរងគ្រោះត្រូវគេបញ្ជូនទៅកាន់មន្ទីរពេទ្យគ្លីនិក ហើយម៉ូតូទាំង២គ្រឿងត្រូវសមត្ថកិច្ចយកទៅរក្សាទុកនៅអធិការដ្ឋានខណ្ឌដូនពេញ៕
ចែករំលែកព័តមាននេះ