ខេត្តកណ្តាល ៖ ពិធីសម្ពោធផ្សារវត្តកៀនស្វាយក្រៅដែលជារមណីយដ្ឋានធម្មជាតិ និងផ្លូវបេតុងជាច្រើនខ្សែទៀតក្នុងឃុំភូមិធំ កាលពីវេលាម៉ោង៨ និង៣០នាទីព្រឹកថ្ងៃទី១៧ មិថុនា ២០១៣ ស្ថិតក្នុងឃុំភូមិធំ ស្រុកកៀនស្វាយ ក្រោមអធិបតីភាពលោកឧត្តមសេនីយ៍បណ្ឌិតឌុល គឿន ទីប្រឹក្សាផ្ទាល់របស់សម្តេចអគ្គមហាសេនាបតីតេជោ អនុប្រធានទី១គណៈអចិន្ត្រៃយ៍ គណៈពង្រឹងមូល
ខេត្តកណ្តាល ៖ ពិធីសម្ពោធផ្សារវត្តកៀនស្វាយក្រៅដែលជារមណីយដ្ឋានធម្មជាតិ និងផ្លូវបេតុងជាច្រើនខ្សែទៀតក្នុងឃុំភូមិធំ កាលពីវេលាម៉ោង៨ និង៣០នាទីព្រឹកថ្ងៃទី១៧ មិថុនា ២០១៣ ស្ថិតក្នុងឃុំភូមិធំ ស្រុកកៀនស្វាយ ក្រោមអធិបតីភាពលោកឧត្តមសេនីយ៍បណ្ឌិតឌុល គឿន ទីប្រឹក្សាផ្ទាល់របស់សម្តេចអគ្គមហាសេនាបតីតេជោ អនុប្រធានទី១គណៈអចិន្ត្រៃយ៍ គណៈពង្រឹងមូលដ្ឋានខេត្តកណ្តាល និងជាប្រធានក្រុមការងារគណៈពង្រឹងមូលដ្ឋានចុះជួយស្រុកកៀនស្វាយ ។
នៅក្នុងពិធីនោះដែរ ក៏មានអញ្ជើញចូលរួមអមដំណើរពីសំណាក់លោកឧកញ៉ា លោកជំទាវ ដែលជាក្រុមការងារគណៈពង្រឹងរបស់គណបក្សប្រជាជនកម្ពុជាចុះជួយមូលដ្ឋានថ្នាក់ខេត្ត-ស្រុក-ឃុំ ព្រមទាំងប្រជាពលរដ្ឋក្នុងឃុំភូមិធំចំនួន៤៦០០នាក់ផងដែរ។
ផ្សារវត្តកៀនស្វាយក្រៅមានទំហំ២៨៥០ម៉ែត្រការ៉េ ប្រវែង១៩០ម៉ែត្រ និងជួលជុលផ្លូវបេតុងក្នុងឃុំភូមិធំ ដែលចំណាយថវិកាសរុបអស់ចំនួន៧៥ម៉ឺនដុល្លារ ដែលជាមរតកអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ក្រោមការផ្តួចផ្តើមពីសំណាក់លោកបណ្ឌិតឌុល គឿន និងលោកម៉ក់ ពេជ្ជរិទ្ធ ដែលជាប្រធានគណៈពង្រឹងឃុំភូមិធំ ។ នៅក្នុងនោះ ក៏មានការចែកអំណោយជូនដល់បងប្អូនប្រជាពលរដ្ឋក្នុងម្នាក់ៗទទួលបានក្រណាត់១ដុំ, ក្រមា១ និងថវិកា១ម៉ឺនរៀល ៕
ចែករំលែកព័តមាននេះ