ថ្ងៃនេះគឺជាថ្ងៃទី០២ហើយ នៃសម័យប្រជុំពេញអង្គលើកទី៣៧ នៃគណៈកម្មាធិការបេតិកភណ្ឌពិភពលោក ដែលបានបា្ររព្ឋធ្វើក្នុងរាជធានីភ្នំពេញ ។ តាមកម្មវិធីនៅយប់ថ្ងៃទី១៧ មិថុនា២០១៣នេះ នឹងមានការសម្ពោធពិព័រណ៏រូបថតរបស់កម្ពុជា បេតិកភណ្ឌធម្មជាតិ និង មនុស្ស នៅជាន់ទី១ សាលរំដួលក្នុងវិមានសន្តិភាពទីស្តីការនាយករដ្ឋមន្រ្តី ។
ថ្ងៃនេះគឺជាថ្ងៃទី០២ហើយ នៃសម័យប្រជុំពេញអង្គលើកទី៣៧ នៃគណៈកម្មាធិការបេតិកភណ្ឌពិភពលោក ដែលបានបា្ររព្ឋធ្វើក្នុងរាជធានីភ្នំពេញ ។ តាមកម្មវិធីនៅយប់ថ្ងៃទី១៧ មិថុនា២០១៣នេះ នឹងមានការសម្ពោធពិព័រណ៏រូបថតរបស់កម្ពុជា បេតិកភណ្ឌធម្មជាតិ និង មនុស្ស នៅជាន់ទី១ សាលរំដួលក្នុងវិមានសន្តិភាពទីស្តីការនាយករដ្ឋមន្រ្តី ។
កាលពីយប់ថ្ងៃម្សិលមិញពិធីបើកសម័យប្រជុំបានបា្ររព្ឋធ្វើនៅវិមានសន្តិភាពក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ។
ក្នុងសុន្ទរកថាបើករបស់លោកឧបនាយករដ្ឋមន្រ្តី សុខ អាន រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី និង ជាប្រធានសម័យប្រជុំពេញអង្គលើកទី៣៧ នៃគណៈកម្មាធិការបេតិកភណ្ឌពិភពលោកកាលពីថ្ងៃទី១៦មិថុនាម្សិលមិញនេះដែរបានបង្ហាញថា រហូតមកដល់ពេលនេះ ចំនួនរដ្ឋភាគីនៃអនុសញ្ញាបេតិកភណ្ឌពិភពលោក បានឈានដល់១៩០ប្រទេស ។ ដោយសារអង្គការយូណេស្កូមានសមាជិក១៩៥ប្រទេសនេះ មានន័យថាអនុសញ្ញាបេតិកភណ្ឌពិភពលោកនេះ ស្ទើរតែក្លាយជាលិខិតូបករណ៏គតិយុត្តិសកលទៅហើយនាពេលឥឡូវនេះ ។ ដូច្នេះបេសកកម្មរបស់គណៈកម្មាធិការអន្តររដ្ឋាភិបាល គឺជាបេសកកម្មសកល ។ អំណាចរបស់គណៈកម្មាធិការមានលក្ខណៈទូលំទូលាយ ចម្រុះនិងមានសារៈសំខាន់យ៉ាងខ្លំាងសម្រាប់ផ្នែកវប្បធម៌ធម្មជាតិ និងសង្គម ។
សុន្ទរកថារបស់លោកឧបនាយករដ្ឋមន្រ្តី សុខ អាន ក៏បានបន្ថែមទៀតថា គណៈកម្មាធិការមានកាតព្វកិច្ចក្នុងការធ្វើសេចក្តីសម្រេចចិត្តចុងក្រោយ ដោយផ្អែកលើលក្ខណៈវិនិច្ឆ័យដែលបានកំណត់ ថាតើគួរចុះបញ្ជី ឬ មិនចុះបញ្ជីសម្បត្តិណាមួយក្នុងបញ្ជីបេតិកភណ្ឌពិភពលោក ។ គណៈកម្មាធិការក៏មានកាតព្វកិច្ចផងដែរក្នុងការសិក្សាលើស្ថានភាពអភិរក្សនៃសម្បត្តិបេតិកភណ្ឌដែលបានចុះបញ្ជីហើយ ដែលជួនកាលអាចត្រូវប្រកាសថា ជាសម្បត្តិបេតិកភណ្ឌកំពុងរងគ្រោះថ្នាក់។ ក្នុងករណីដែលសម្បត្តិបេតិកភណ្ឌមានការគំរាមកំហែងយ៉ាងធ្ងន់ធ្ងរ និង ជាក់លាក់ណាមួយ និងនៅពេលដែលលែងមានភាពគ្រោះថ្នាក់ សម្បត្តិបេតិកភណ្ឌនោះ នឹងត្រូវដកចេញពីបញ្ជីបេតិកភណ្ឌកំពុងរងគ្រោះថ្នាក់ ។
គួរបញ្ជាក់ថា គណៈប្រតិភូដែលមកចូលរួមក្នុសម័យប្រជុំលើកទី៣៧ នៃគណៈកម្មាធិការបេតិកភណ្ឌពិភពលោកនេះមានប្រមាណ១៣០០នាក់ មកពីជាង១២០ប្រទេស ហើយកម្ពុជាជាប្រទេសទី៤ ក្នុងតំបន់អាស៊ី ដែលមានមោទនភាពបានធ្វើជាម្ចាស់ផ្ទះរៀបចំសម័យប្រជុំនៃគណៈកម្មាធិការបេតិកភណ្ឌពិភពលោកឆ្នាំ២០១៣នេះ៕
ចែករំលែកព័តមាននេះ