ខេត្ដកំពង់ស្ពឺ ៖ រថយន្ដតូចធំ និងគោយន្ដជាច្រើនគ្រឿង បានសម្រុកដឹកជញ្ជូនឈើអារ និងឈើប្រណីតចេញពីស្រុកឱរ៉ាល់ ក្នុងខេត្ដកំពង់ស្ពឺ ឆ្ពោះទៅតាមបណ្ដោយផ្លូវលេខ៥១ស្រុកថ្ពង និងស្រុកឧដុង្គយ៉ាងគគ្រឹកគគ្រេង ។ ផ្លូវទាំងនោះមានស្ថាប័នគ្រប់ជំនាញ ជាពិសេសមន្ដ្រីរដ្ឋបាលព្រៃឈើក៏ប្រចាំការនៅទីនោះ ប៉ុន្ដែបទល្មើសនាំឈើចេញនៅតែធ្វើសកម្មភាពបានយ៉ាងរលូន ។
ខេត្ដកំពង់ស្ពឺ ៖ រថយន្ដតូចធំ និងគោយន្ដជាច្រើនគ្រឿង បានសម្រុកដឹកជញ្ជូនឈើអារ និងឈើប្រណីតចេញពីស្រុកឱរ៉ាល់ ក្នុងខេត្ដកំពង់ស្ពឺ ឆ្ពោះទៅតាមបណ្ដោយផ្លូវលេខ៥១ស្រុកថ្ពង និងស្រុកឧដុង្គយ៉ាងគគ្រឹកគគ្រេង ។ ផ្លូវទាំងនោះមានស្ថាប័នគ្រប់ជំនាញ ជាពិសេសមន្ដ្រីរដ្ឋបាលព្រៃឈើក៏ប្រចាំការនៅទីនោះ ប៉ុន្ដែបទល្មើសនាំឈើចេញនៅតែធ្វើសកម្មភាពបានយ៉ាងរលូន ។
តាមព័ត៌មានឱ្យដឹងថា ចំពោះការដឹកជញ្ជូនឈើអារ និងឈើប្រណីតនេះធ្វើឡើងនៅលើដងផ្លូវលេខ៥១ ដោយឆ្លងកាត់សង្កាត់រដ្ឋបាលព្រៃឈើជាច្រើនកន្លែង ដែលតាមសេចក្ដីរាយការណ៍ឱ្យដឹងថា រថយន្ដដឹកជញ្ជូនឈើប្រណីតលើផ្លូវលេខ៥១ ឱរ៉ាល់-ថ្ពង និងស្រុកឧដុង្គនេះមានច្រើនប្រភេទដូចជា រថយន្ដកាមរី ឡង់គ្រីស្ស័រ និងរថយន្ដកូរ៉េជាដើម ។ បើតាមសេចក្ដីរាយការណ៍ គឺការចរាចរណ៍ឈើភាគច្រើននៅពេលយប់ ដោយក្រុមឈ្មួញទាំងនោះបានទាក់ទងជាមួយមន្ដ្រីជំនាញរួចអស់ហើយ ទើបចរាចរណ៍ឈើចេញទៅកាន់គោលដៅដែលគេគ្រោងទុក ។
ទោះបីជាបែបណា ពុំមានរថយន្ដរបស់ឈ្មួញណាមួយគេចផុតពីសមត្ថកិច្ចបានឡើយ បើហ៊ានបើករត់ប្រាកដជាត្រូវរងការដេញតាមក្របួចយកស្នាដៃមិនខាន ។ ជាក់ស្ដែងដូចនៅយប់ថ្ងៃទី ១១-១២-១៣-១៤ មិថុនាកន្លងមក មានរថយន្ដកាមរីគូទហើមមួយគ្រឿងរបស់ឈ្មួញម្នាក់នៅស្ពានដែកស្រុកឱរ៉ាល់ បានដឹកឈើក្រញូងពេញដែលធ្លាប់បង់លុយឱ្យមន្ដ្រីខិលខូចមួយចំនួន ប៉ុន្ដែបែបចង់ស៊ីដាច់គេចមិនបង់ ក៏ត្រូវរថយន្ដរបស់មន្ដ្រីជំនាញដេញតាមស្ទាក់រហូតដល់ម្ចាស់ឈើគ្រញូងនោះ ដឹងខ្លួនក៏ចូលមកចរចាតែម្ដង ទើបហ៊ានបន្ដដំណើរទៅមុខទៀត ។
ការចរចាឈើអារ និងឈើដុលយក្ស(គ្រឿងសិប្បកម្ម)វិញ គឺមានឈ្មោះ សឿង និងឈ្មោះ រុន ជាអ្នករត់ការបង់លុយឱ្យមន្ដ្រីជំនាញ ។ ចំពោះបញ្ហានេះត្រូវបានមជ្ឈដ្ឋានប្រជាពលរដ្ឋរិះគន់ថា មន្ដ្រីជំនាញ និងឈ្មួញរកស៊ីឈើខុសច្បាប់ទំនងជាត្រូវដងត្រូវផ្លែគ្នា ទើបអាចដំណើរការបាន ។ ទាក់ទិននឹងករណីខាងលើនេះ នៅមិនទាន់អាចទាក់ទងសុំការបំភ្លឺណាមួយបានទេ ពីលោកនាយខណ្ឌរដ្ឋបាលព្រៃឈើដែលទទួលខុសត្រូវតំបន់ខាងលើ ៕
ចែករំលែកព័តមាននេះ