ខេត្តកំពត ៖ បុរសជាអ្នកបើកបរ រថយន្តម្នាក់បានចាប់កូនស្រីម្ចាស់យានដ្ឋានដែលជាមនុស្សគ រំលោភសេពសន្ថវៈក្នុងបន្ទប់ទឹករហូតបានសម្រេច ខណៈនាងចូលងូតទឹកនៅចម្ងាយដប់ម៉ែត្រខាងក្រៅផ្ទះ ហើយត្រូវឪពុកនារីរងគ្រោះដាក់ពាក្យបណ្តឹងមកកាន់ការិយាល័យព្រហ្មទណ្ឌនគរបាលក្រុងកំពត កាលពីថ្ងៃទី១១ មិថុនា ។
ខេត្តកំពត ៖ បុរសជាអ្នកបើកបរ រថយន្តម្នាក់បានចាប់កូនស្រីម្ចាស់យានដ្ឋានដែលជាមនុស្សគ រំលោភសេពសន្ថវៈក្នុងបន្ទប់ទឹករហូតបានសម្រេច ខណៈនាងចូលងូតទឹកនៅចម្ងាយដប់ម៉ែត្រខាងក្រៅផ្ទះ ហើយត្រូវឪពុកនារីរងគ្រោះដាក់ពាក្យបណ្តឹងមកកាន់ការិយាល័យព្រហ្មទណ្ឌនគរបាលក្រុងកំពត កាលពីថ្ងៃទី១១ មិថុនា ។ ក្រោយពីមានពាក្យបណ្តឹងពីឪពុកស្ត្រីរងគ្រោះ សមត្ថកិច្ចការិយាល័យព្រហ្មទណ្ឌក្រុងបានចុះស្រាវជ្រាវកន្លែងកើតហេតុ រួចបាននាំខ្លួនជនជាប់ចោទទៅកាន់អធិការដ្ឋានក្រុងដើម្បីចាត់ការតាមច្បាប់ ។
ឈ្មោះស៊ិន វាសនា ហៅញ៉ាញ់ ភេទប្រុស អាយុ២៩ឆ្នាំ បានសារភាពប្រាប់សមត្ថកិច្ចថា ស្ត្រីគម្នាក់នេះកន្លងមក ខ្លួនធ្លាប់មានទំនាក់ទំនងក្នុងន័យស្នេហាជាមួយនាងអស់រយៈពេលមួយឆ្នាំមកហើយ តាមរយៈការខូចរថយន្ត ហើយចូលមកជួសជុលក្នុងយានដ្ឋានរបស់ឪពុកនាង ហើយខ្លួនបានខ្ចីលុយនារីរងគ្រោះបានចំនួនបីលើក តែបានសងវិញរួចអស់ទៅហើយ ។ ជនជាប់ចោទសារភាពបន្តថា នៅក្នុងរយៈពេលដែលរូបគេនិងនារីគទំនាក់ទំនងនឹងគ្នានោះ រូបគេបានរួមភេទជាមួយគ្នាចំនួនពីរលើករួចមកហើយ ប៉ុន្តែគ្រាន់តែឱ្យនាងបៀមប្រដាប់ភេទប៉ុណ្ណោះ ។ លុះនៅថ្ងៃទី១១ មិថុនា វេលាម៉ោង៨ព្រឹកពេលរូបគេកំពុងមើលជាងជួសជុលរថយន្តដូចសព្វដង ឃើញនារីគដើរចូលក្នុងបន្ទប់ទឹកខាងក្រោយផ្ទះ រូបគេក៏បានលបចូលតាមពីក្រោយរួចចាប់រំលោភនាងរហូតបានសម្រេចតែម្តង ។
យោងតាមចម្លើយសារភាពរបស់ជនជាប់ចោទទាំងនៅអធិការដ្ឋានក្រុងរហូតដល់ការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្ត សមត្ថកិច្ចបានកសាងសំណុំរឿងបញ្ជូនជនជាប់ចោទឈ្មោះស៊ិន វាសនា ហៅញាញ់ ទៅកាន់សាលាដំបូងខេត្ត នៅរសៀលថ្ងៃទី១៤ មិថុនា ដើម្បីចាត់ការតាមផ្លូវច្បាប់ ។ ជនសង្ស័យឈ្មោះស៊ិន វាសនា ហៅញ៉ាញ់ ជាអ្នកបើករថយន្តដឹកដីនិងថ្មឱ្យក្រុមហ៊ុនស៊ឹម វុឌ្ឍី អភិវឌ្ឍន៍មានទីលំនៅក្នុងភូមិបរិវាស ឃុំសំរោងលើ ស្រុកបន្ទាយមាស ខេត្តកំពត ៕
ចែករំលែកព័តមាននេះ