រាជធានីភ្នំពេញ ៖ សាលាដំបូងរាជធានីភ្នំពេញបានសម្រេចអនុវត្តដីការឹបអូសចាប់ត្រីលក់ឡៃឡុង ដើម្បីយកប្រាក់សងម្ចាស់បំណុលតាមផ្លូវច្បាប់ កាលពីព្រឹកថ្ងៃទី១២ មិថុនា ២០១៣ ក្នុងសង្កាត់សំរោង ខណ្ឌសែនសុខ ។ ការចុះអនុវត្តដីកានេះដឹកនាំដោយលោក ហៀង សុភ័ក្ត្រ ព្រះរាជអាជ្ញារងអមសាលាដំបូងរាជធានីភ្នំពេញ និងមានការចូលរួមពីមន្ត្រីអាជ្ញាធរថ្នាក់ខណ្ឌ និង
រាជធានីភ្នំពេញ ៖ សាលាដំបូងរាជធានីភ្នំពេញបានសម្រេចអនុវត្តដីការឹបអូសចាប់ត្រីលក់ឡៃឡុង ដើម្បីយកប្រាក់សងម្ចាស់បំណុលតាមផ្លូវច្បាប់ កាលពីព្រឹកថ្ងៃទី១២ មិថុនា ២០១៣ ក្នុងសង្កាត់សំរោង ខណ្ឌសែនសុខ ។ ការចុះអនុវត្តដីកានេះដឹកនាំដោយលោក ហៀង សុភ័ក្ត្រ ព្រះរាជអាជ្ញារងអមសាលាដំបូងរាជធានីភ្នំពេញ និងមានការចូលរួមពីមន្ត្រីអាជ្ញាធរថ្នាក់ខណ្ឌ និងសង្កាត់ និងមានការការពារសុវត្ថិភាពដោយកម្លាំងសមត្ថកិច្ចកងរាជអាវុធហត្ថខណ្ឌ និងប៉ូលិសប្រចាំមូលដ្ឋាននោះផងដែរ ។
លោកព្រះរាជអាជ្ញារង ហៀង សុភ័ក្ត្រ មានប្រសាសន៍ឱ្យដឹងថា យើងបានចុះអនុវត្តរឹបអូសចាប់ត្រីពីភាគីកូនបំណុលឈ្មោះ ជាវ ដាវ និងប្តីឈ្មោះ ណុប ហេង ចំនួន៣ដងរួចមកហើយ ប៉ុន្តែពុំបានសម្រេចដោយសារលោកយោគយល់ ទុកពេលឱ្យគាត់តាមការស្នើសុំថា ចាំទុកឱ្យត្រីធំសិន ។ ផ្ទុយទៅវិញ បែរជាប្តីប្រពន្ធជាកូនបំណុលនេះបានលួចចាប់ត្រីក្នុងស្រះដឹកចេញទៅលក់នៅពេលយប់ជាញឹកញាប់ដោយក្បត់កិច្ចសន្យា ។
លោកបន្តថា ដោយសារតែទង្វើមិនស្មោះត្រង់របស់ប្តីប្រពន្ធកូនបំណុលនេះ ទើបលោកសម្រេចចុះអនុវត្តលើកទី៤ ដើម្បីចាប់ត្រីលក់ឡៃឡុងយកប្រាក់តម្កល់ទុកនៅធនាគារ និងត្រៀមប្រគល់ឱ្យម្ចាស់បំណុលឈ្មោះ អុឹង សៀហួត ឱ្យគ្រប់ចំនួនវិញនៅពេលដំណើររឿងក្តីនេះត្រូវបានបញ្ចប់នោះ ។
យោងតាមការសំអាងរបស់លោក អ៊ឹង សៀហួត អាយុ៥០ឆ្នាំ មានទីលំនៅក្នុងភូមិបឹងឈូក សង្កាត់គីឡូម៉ែត្រលេខ៦ ខណ្ឌឫស្សីកែវឱ្យដឹងថា កាលពីថ្ងៃទី១ កក្កដា ឆ្នាំ២០១០ ខ្លួននិងកូនបំណុលបានព្រមព្រៀងគ្នាខ្ចីប្រាក់ជាមួយគ្នាដោយក្នុងកិច្ចព្រមព្រៀងនោះ ខ្លួនបានឱ្យកូនបំណុលខ្ចីប្រាក់ចំនួន២០ម៉ឺនដុល្លារសហរដ្ឋអាមេរិក ក្នុងគោលបំណងឱ្យកូនបំណុលប្រកបអាជីវកម្មចិញ្ចឹមត្រី ហើយក៏ព្រមព្រៀងគ្នាឱ្យភាគលាភមកឱ្យខ្លួនវិញក្នុង១ខែ២.៥០០ដុល្លារសហរដ្ឋអាមេរិកជារៀងរាល់ដើមខែនីមួយៗ រហូតដល់សងប្រាក់គ្រប់ចំនួន តែផ្ទុយទៅវិញគេបានរំលោភលើកិច្ចសន្យា ។ មន្ត្រីតុលាការឱ្យដឹងថា ការចាប់ត្រីប្រកាសលក់ឡៃឡុងនេះគឺមានអ្នកហ៊ានទិញក្នុងតម្លៃ៤ពាន់រៀលក្នុង១គីឡូក្រាម ហើយកំពុងដំណើរចុះចាប់លក់រហូតគ្រប់ចំនួននៃប្រាក់ដែលជំពាក់ម្ចាស់បំណុល ៕
ចែករំលែកព័តមាននេះ