រាជធានីភ្នំពេញ ៖ រថយន្តដឹកទំនិញធុនធំបុករថយន្ត RAV4 មួយគ្រឿងបែកកញ្ចក់ក្រោយ កំពុងតែនាំគ្នាទៅរកកន្លែងដោះស្រាយក៏ស្រាប់តែទៅបុកម៉ូតូម៉ាក PCX មួយគ្រឿងទៀតកិនជាប់ខាង ក្រោម ។…
រាជធានីភ្នំពេញ ៖ រថយន្តដឹកទំនិញធុនធំបុករថយន្ត RAV4 មួយគ្រឿងបែកកញ្ចក់ក្រោយ កំពុងតែនាំគ្នាទៅរកកន្លែងដោះស្រាយក៏ស្រាប់តែទៅបុកម៉ូតូម៉ាក PCX មួយគ្រឿងទៀតកិនជាប់ខាង ក្រោម ។
ករណីគ្រោះថ្នាក់ចរចរណ៍ខាងលើដែលបង្កឡើងដោយរថយន្តដឹកទំនិញធន់ធំមួយគ្រឿងរបស់កងដឹកជញ្ជូន H.C បានបើកទៅបុកពីក្រោយរថយន្តម៉ាក RAV4 មួយគ្រឿង បណ្តាលឱ្យក្រពិតទ្វារ និងបែកកញ្ចក់រងការខូចខាតយ៉ាងធ្ងន់ធ្ងរ ខណៈដែលកំពុងតែនាំគ្នាបើកអែបខាងទៅរកកន្លែងដោះស្រាយគ្នានោះក៏ស្រាប់តែបានបើកទៅបុកម៉ូតូម៉ាក PCX មួយគ្រឿងទៀតរបស់ស្ត្រីម្នាក់ជិះទៅយកកូនៗរបស់គាត់ចេញពីសាលាកិនជាប់ខាងក្រោម តែសំណាងល្អនាងឃើញមិនស្រួល និងផ្តួលម៉ូតូលោតចេញទាន់កុំអីមិនដឹងជាយ៉ាងណាទេ ។ ករណីគ្រោះថ្នាក់បុកជាបន្តបន្ទាប់នេះដែរបានកើតឡើង កាលពីវេលាម៉ោង០៥និង០០នាទីល្ងាចថ្ងៃទី១៣ ខែ វិច្ឆិកា ឆ្នាំ២០១៨ នៅចំណុចផ្លូវលេខ៤៣០កែងផ្លូវលេខ៤៦៤ (ក្រោយសាលាភូមិ៦) ក្នុងសង្កាត់ទួលទំពូងទី១ ខណ្ឌចំការមន ។
តាមប្រភពព័ត៌មានពីនគរបាលបានប្រាប់ឱ្យដឹងថា មុនពេលកើតហេតុគេបានឃើញមានរថយន្តម៉ាក RAV4 ពណ៌ទឹកប្រាក់ ពាក់ស្លាកលេខភ្នំពេញ 2H-4685 មួយគ្រឿងដែលបើកបរស្ត្រីម្នាក់ដឹកកូនតូចៗចំនួន២នាក់ ចេញពីសាលារៀនទៅផ្ទះវិញ តាមបណ្តោយផ្លូវលេខ៤៣០ ក្នុងទិសដៅពីជើងទៅត្បូង ។ លុះមកដល់ចំណុចខាងលើក៏ស្រាប់តែមានរថយន្តដឹកទំនិញធន់ធំមួយគ្រឿងម៉ាកហ៊ីយាន់ដាយ ពណ៌ស ពាក់ស្លាកលេខព្រះសីហនុ 3A-1921 ដែលមានដឹកទំនិញពេញក្នុងរថយន្តនោះបានបើកមកបុកពីក្រោយបណ្តាលឱ្យក្រពិតទ្វារ និងបែកកញ្ចក់ខាងក្រោយរងការខូចខាតយ៉ាងដំណំ ។
តាមប្រភពដដែលបានប្រាប់បន្តទៀតថា ក្រោយពីរថយន្តដឹកទំនិញធន់ធំបុកពីក្រោយរថយន្តម៉ាក RAV4 បណ្តាលឲ្យរងការខូចខាតផ្នែកខាងក្រោយហើយនោះ ភាគីទាំង២ក៏បានបើកអែបខាង ក្នុងបំណងនិយាយដោះស្រាយគ្នាបញ្ចប់រឿង ។ ពេលនោះក៏ស្រាប់តែរថយន្តដឹកទំនិញធន់ធំមួយគ្រឿងនោះក៏បានបើកទៅបុកម៉ូតូម៉ាក PCX ពណ៌ស ពាក់ស្លាកលេខភ្នំពេញ 1GI-3240 មួយគ្រឿងរបស់នារីម្នាក់ទៀតជិះមកយកកូនចេញពីរៀននៅសាលាភូមិ៦នេះមួយគ្រឿងទៀតកិនជាប់ពីក្រោមតែម្តង ។
ពាក់ពន្ធ័ទៅនឹងករណីគ្រោះថ្នាក់ចរាចរណ៍ដែលបង្កដោយរថយន្តដឹទំនិញធន់ធំមួយគ្រឿងបុករះជាបន្តបន្ទាប់នេះដែរ គឺកើតឡើងដោយសារ តែរថយន្តបង្កមានបញ្ហាតាប៉ែនហ្វ្រាំងជាន់មិនស៊ី ទើបទៅបុករថយន្តមួយគ្រឿង ហើយទៅបុកម៉ូតូមួយគ្រឿងជាប់ពីក្រោមទៀត និងសំណាងល្អដែលនារីជាអ្នកជិះម៉ូតូបានឃើញសភាពមិនស្រួល និងផ្តួលម៉ូតូលោតចេញ ហើយ បង្កឲ្យមានគ្រោះថ្នាក់នោះ ។
ក្រោយពេលកើតហេតុកម្លាំងមានសមត្ថកិច្ចមូលដ្ឋានក៏បានចុះមកដល់កន្លែងកើតហេតុ និង មានភាគីខាងតំណាងរថយន្តដឹកទំនិញធន់ធំបង្កចេញមុខមកធ្វើការដោះស្រាយដោយព្រមសងថ្លៃខូចខាតទៅដល់ម្ចាស់រថយន្តម៉ាក RAV4 ចំនួន២២០ដុល្លារ និងនារីម្ចាស់ម៉ូតូម៉ាក PCX ចំនួន២០០ដុល្លារ បញ្ចប់រឿងភ្លាមៗផងដែរ ៕
ចែករំលែកព័តមាននេះ