ខេត្តកំពត ៖ ហេតុការណ៍គ្រោះថ្នាក់ចរាចរណ៍២លើកបានកើតឡើងក្នុងម៉ោងតែ មួយ ។ ករណីទី១ វេលាម៉ោង១០និង២០នាទីព្រឹក ថ្ងៃទី១១ មិថុនា ដោយរថយន្តកុងតឺន័របុកជាមួយម៉ូតូស្មាសក្នុងទិសដៅបញ្ច្រាសគ្នា នៅចំណុចខាងកើតស្ពានត្រពាំងរពៅ២០ម៉ែត្រ ក្នុងភូមិត្នោត ឃុំព្រែកត្នោត ស្រុកទឹកឈូ ។
ខេត្តកំពត ៖ ហេតុការណ៍គ្រោះថ្នាក់ចរាចរណ៍២លើកបានកើតឡើងក្នុងម៉ោងតែ មួយ ។ ករណីទី១ វេលាម៉ោង១០និង២០នាទីព្រឹក ថ្ងៃទី១១ មិថុនា ដោយរថយន្តកុងតឺន័របុកជាមួយម៉ូតូស្មាសក្នុងទិសដៅបញ្ច្រាសគ្នា នៅចំណុចខាងកើតស្ពានត្រពាំងរពៅ២០ម៉ែត្រ ក្នុងភូមិត្នោត ឃុំព្រែកត្នោត ស្រុកទឹកឈូ ។
សាក្សីនិយាយថា ចំណុចកើតហេតុជាផ្លូវកោង ទើបបណ្តាលឱ្យរថយន្តបុកម៉ូតូកៀបជាប់ក្រោមអូសជិត១០ម៉ែត្រ រីឯអ្នកជិះម៉ូតូបានខ្ទាតចេញផុតពីមុខរថយន្ត រងរបួសធ្ងន់បាក់ត្រគាក ។ ក្រុមគ្រួសារជនរងគ្រោះឱ្យដឹងថា ជនរងគ្រោះឈ្មោះ ញា៉ មករា ភេទប្រុស អាយុ១៩ឆ្នាំ ជាកម្មករសំណង់ មានលំនៅភូមិបុះញិញ ឃុំកូនសត្វ ស្រុកទឹកឈូ ។ ក្រោយពេលកើតហេតុ សមត្ថកិច្ចចរាចរជួយអន្តរាគមន៍ហៅរថយន្តសង្គ្រោះជនរងគ្រោះទៅមន្ទីរពេទ្យ ឯអ្នកបើកបររថយន្តរត់គេចខ្លួនបាត់ ។ រថយន្តនិងម៉ូតូសមត្ថកិច្ចយកទៅរក្សាទុកនៅអធិការដ្ឋាននគរបាលស្រុកទឹកឈូ រង់ចាំការដោះស្រាយតាមច្បាប់ ។
ករណីទី២ កើតឡើងនៅវេលាម៉ោង១០និង៥៥នាទីព្រឹក លើកំណាត់ផ្លូវជ័យជំនះ តាមបណ្តោយឆ្នេរព្រែកកំពត ចំណុចផ្លូវបំបែកខាងត្បូងសាលារៀនភាសាចិន ស្ថិតក្នុងភូមិកំពង់បាយខាងត្បូង សង្កាត់កំពង់បាយ រវាងម៉ូតូបុកជាមួយម៉ូតូ បណ្តាលឱ្យរងរបួសធ្ងន់ដូចគ្នា ។ សាក្សីអ្នកឃើញហេតុការណ៍និយាយថា មុនពេលកើតហេតុ ម៉ូតូមួយគ្រឿងមា៉កឌ្រីមសេ១២៥ ស៊េរី២០០៧ បើកដោយបុរសម្នាក់ចេញពីផ្សារទីរួមខេត្តមកដល់ចំណុចផ្លូវបំបែក ក៏បុកគ្នាជាមួយម៉ូតូមួយគ្រឿងទៀតមា៉កស្មាស ពណ៌ខ្មៅ គ្មានស្លាកលេខ ជិះដោយសិស្សពីរឌុបគ្នា បណ្តាលឱ្យខ្ទាតមនុស្សទាំងបីនាក់បោកនឹងថ្នល់សន្លប់ស្តូកស្តឹងរងរបួសធ្ងន់ទាំងអស់គ្នា ត្រូវដឹកទៅសង្គ្រោះនៅគ្លីនិកឯកជនក្នុងក្រុងកំពត ។
សមត្ថកិច្ចឱ្យដឹងថា អ្នកបើកម៉ូតូឌ្រីមឈ្មោះ មា៉ត់ ឌាំ ភេទប្រុស អាយុ៣៣ឆ្នាំ ជាជនជាតិខ្មែរអ៊ិស្លាមរងរបួសធ្ងន់ មានលំនៅភូមិដូនតោក សង្កាត់ត្រើយកោះ ក្រុងកំពត ឯអ្នកបើកម៉ូតូស្មាសឈ្មោះ ម៉ូត ចាន់ដារា៉ ភេទប្រុស អាយុ២០ឆ្នាំ ជានិស្សិត ។ ម៉ូតូទាំងពីរគ្រឿងត្រូវសមត្ថកិច្ចយកទៅរក្សាទុកនៅការិយាល័យជំនាញដើម្បីដោះស្រាយ ៕
ចែករំលែកព័តមាននេះ