ទស្សនាវដ្ដី«Forbes» ផ្សាយឲ្យដឹងកាលពីពេល ថ្មីៗកន្លងមកថា លោកម៉ៃឃើល ជែកសុន ដែលស្លាប់បាត់បង់ជីវិតកាលពីឆ្នាំ២០០៩ នៅតែរក្សាតំណែងរកចំណូលបានខ្ពស់ ទោះបីជាបានចែកឋានពីលោកនេះក៏ដោយ ។ ក្នុងមួយឆ្នាំលោកជែកសុន…
ទស្សនាវដ្ដី«Forbes» ផ្សាយឲ្យដឹងកាលពីពេល ថ្មីៗកន្លងមកថា លោកម៉ៃឃើល ជែកសុន ដែលស្លាប់បាត់បង់ជីវិតកាលពីឆ្នាំ២០០៩ នៅតែរក្សាតំណែងរកចំណូលបានខ្ពស់ ទោះបីជាបានចែកឋានពីលោកនេះក៏ដោយ ។ ក្នុងមួយឆ្នាំលោកជែកសុន រកចំណូលបាន៣៩៩លានដុល្លារក្លាយជាតារាចម្រៀងដែលស្លាប់រកចំណូលបានខ្ពស់៦ឆ្នាំជាប់គ្នា។
ជាសរុបចាប់តាំងពីលោកជែកសុន ស្លាប់បាត់បង់ជីវិតរយៈពេល៩ឆ្នាំមក លោករកប្រាក់បានខ្ពស់ដល់ទៅ១.៨០០លានដុល្លារ ។ ចំណាត់ថ្នាក់ទី២នៅក្នុងឆ្នាំនេះគឺ លោកElvis Presey អតីតឪពុកក្មេករបស់លោកជែកសុន រកចំណូលប្រចាំឆ្នាំបាន៣៩,៥លានដុល្លារ ។
ក្រៅពីនេះនៅមានសិល្បករដែលស្លាប់បាត់បង់ជីវិតក្នុងឆ្នាំកន្លងមក ដែលជាប់ចំណាត់ថ្នាក់នៅក្នុងបញ្ជីរបស់ទស្សនាវដ្ដីជាលើកដំបូង មានលោកHugh Hefner អ្នកបង្កើតទស្សនាវដ្ដី«Playboy» ដែលស្លាប់កាលពីខែកញ្ញាឆ្នាំមុន ជាប់នៅចំណាត់ថ្នាក់ទី៧ ។ រីឯអ្នកចម្រៀងរ៉េបលោកXXXTENTACION ដែលលាចាកលោកក្នុងអាយុ២០ឆ្នាំ កាលពីខែមិថុនាកន្លងមកអាចរកប្រាក់បាន១១លានដុល្លារជាប់ក្នុងចំណាត់ថ្នាក់ទី១១នៃចំនួនអ្នកស្លាប់ដែលមានកេរ្ដិ៍ឈ្មោះល្បីនៅក្នុងឆ្នាំនេះ ។
បញ្ជីឈ្មោះរបស់តារាចម្រៀង និងសិល្បករដែលស្លាប់អាចរកចំណូលបានខ្ពស់នៅក្នុងឆ្នាំ២០១៨ ៖ ១-លោកម៉ៃឃើល ជែកសុន បាន៤០០លានដុល្លារ ។ ២-លោកអេលវីស ប្រេស្ល៊ី បាន៤០លានដុល្លារ ។ ៣-លោកអាណុល ផាលម័រ បាន៣៥លានដុល្លារ ។ ៤-លោកឆាល សាជួល បាន៣៤លានដុល្លារ ។ ៥-លោកបុប ម៉ាឡេ រកចំណូលបាន២៣លានដុល្លារ ។
៦-លោកស៊ូស រកចំណូលបាន១៦លានដុល្លារ ។ ៧-លោកហ៊ូស ហេហ្វន័រ បាន១៥លានដុល្លារ ។ ៨-លោកស្រីម៉ារីលីន ម៉ុនរ៉ូ រកបាន១៤លានដុល្លារ ។ ៩-លោកព្រីន រកចំណូលបាន១៣លានដុល្លារ ។ ១០-លោកចន លេនណុន រកចំណូលបាន១២លានដុល្លារ ៕
ចែករំលែកព័តមាននេះ