ខេត្តបន្ទាយមានជ័យ ៖ សម្ពោធដាក់ប្រើប្រាស់ផែទឹកតម្លៃជិត២ម៉ឺនដុល្លារសម្រាប់ប្រជាពលរដ្ឋទៅកំសាន្តនៅថ្ងៃបុណ្យអុំទូកដែលជាអំណោយលោកឧបនាយករដ្ឋមន្ត្រី កែ គឹមយ៉ាន លោកជំទាវ ម៉ៅ ម៉ាល័យ ត្រូវបានធ្វើឡើងនៅថ្ងៃទី០៥ ខែវិច្ឆិកា…
ខេត្តបន្ទាយមានជ័យ ៖ សម្ពោធដាក់ប្រើប្រាស់ផែទឹកតម្លៃជិត២ម៉ឺនដុល្លារសម្រាប់ប្រជាពលរដ្ឋទៅកំសាន្តនៅថ្ងៃបុណ្យអុំទូកដែលជាអំណោយលោកឧបនាយករដ្ឋមន្ត្រី កែ គឹមយ៉ាន លោកជំទាវ ម៉ៅ ម៉ាល័យ ត្រូវបានធ្វើឡើងនៅថ្ងៃទី០៥ ខែវិច្ឆិកា ឆ្នាំ២០១៨ នៅដងស្ទឹងទឹកផ្លាត្រើយម្ខាងសកលវិទ្យាល័យមានជ័យ ស្ថិតភូមិ-សង្កាត់ទឹកផ្លា ក្រុងសិរីសោភ័ណ ។
លោក ជីង ឡុង អ្នករៀបចំផែរទឹកបានប្រាប់ថា ផែទឹកដែលត្រូវបានដាក់សម្ពោធប្រើប្រាស់នេះជាអំណោយលោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀននិងលោកជំទាវ ម៉ៅ ម៉ាល័យ ដែលទិញពីខ្វាងចូវ ប្រទេសចិន មានប្រវែង៣៣ម៉ែត្រ ស្មើ១៧០ម៉ែត្រការ៉េ ដែលអាចទម្រមនុស្សជាទំងន់រហូតដល់ជាង៥៥តោន ។
លោក ហ៊ឹល រ៉ាយ៉ា អភិបាលក្រុងសិរីសោភ័ណបានបញ្ជាក់ថា៖ជាការយកចិត្តទុកដាក់ចំពោះបងប្អូនប្រជាពលរដ្ឋសម្រាប់ថ្ងៃបុណ្យអុំទូក បណ្តែតប្រទីប អកអំបុក សំពះព្រះខែ ដែលមានការណែនាំពីលោកឧបនាយករដ្ឋមន្ត្រី កែ គឹមយ៉ាន និងលោកជំទាវ ម៉ៅ ម៉ាល័យ អភិបាលនៃគណៈអភិបាលខេត្តបន្ទាយមានជ័យលោក សួន បវរ និងមន្ត្រីរាជការកងកម្លាំងប្រដាប់អាវុធទូរទាំងខេត្តបន្ទាយមានជ័យបានរៀបចំការប្រណាំងទូកនៅដងស្ទឹងទឹកផ្លាក្រោយសកលវិទ្យាល័យមានជ័យហើយរៀបចំផែទឹកដាក់ក្នុងដងស្ទឹងទឹកផ្លាសម្រាប់ប្រជាពលរដ្ឋទៅកំសាន្ត ។
ក្នុងឱកាសដែលដាក់សម្ពោធអោយប្រើប្រាស់ផែរទឹកក្រោមអថិបតីភាពលោកជំទាវ ម៉ៅ ម៉ាល័យ បានបញ្ជាក់ថា ដាក់ផែទឹកនេះសម្រាប់ប្រជាពលរដ្ឋក្នុងខេត្តបន្ទាយមានជ័យមកលេងកំសាន្តហើយអាចទាក់ទាញភ្ញៀវជាតិ និងអន្តរជាតិមកកំសាន្តថ្ងៃបុណ្យបុណ្យអុំទូក បណ្តែតប្រទីប អកអំបុក សំពះព្រះខែ ៕
ចែករំលែកព័តមាននេះ