ខេត្តកោះកុង ៖ នឹកឃើញថា បវេសនកាលឆ្នាំថ្មីមកដល់កុមារ និងសិស្សានុស្សជាច្រើនត្រូវការមានសម្ភារៈរៀនសូត្រ ហើយតារា១ក្រុមស្រាប់តែនឹកឃើញដល់ភាពលំបាករបស់ក្មេងៗ និងអ្នករស់នៅតំបន់សែនឆ្ងាយពីប្រជុំជន។ ដូចនេះហើយពួកគេក៏បង្កើតកម្មវិធីចុះជួយដល់ទីតាំង ទោះផ្លូវពិបាកយ៉ាងណាក៏ដោយ។ សម្រាប់ទឹកចិត្តរបស់តារាចម្រៀង…
ខេត្តកោះកុង ៖ នឹកឃើញថា បវេសនកាលឆ្នាំថ្មីមកដល់កុមារ និងសិស្សានុស្សជាច្រើនត្រូវការមានសម្ភារៈរៀនសូត្រ ហើយតារា១ក្រុមស្រាប់តែនឹកឃើញដល់ភាពលំបាករបស់ក្មេងៗ និងអ្នករស់នៅតំបន់សែនឆ្ងាយពីប្រជុំជន។ ដូចនេះហើយពួកគេក៏បង្កើតកម្មវិធីចុះជួយដល់ទីតាំង ទោះផ្លូវពិបាកយ៉ាងណាក៏ដោយ។
សម្រាប់ទឹកចិត្តរបស់តារាចម្រៀង និងកំប្លែង នាយ 4G និងក្រុមការងារ ដែលបានពុះពារធ្វើដំណើរពីភ្នំពេញទៅកាន់ទឹកដីនៃតំបន់អារ៉ែង ដែលជាតំបន់ដាច់ស្រយាល ដើម្បី ចែកអំណោយដល់សិស្សានុសិស្សដែលមានជីវភាពក្រីក្រ និងលោកគ្រូ អ្នកគ្រូដែលកំពុងបង្រៀងនៅសាលាបឋមសិក្សាចំនួន៣នាតំបន់នោះ។
នាយ 4G បានបញ្ជាក់ថា នេះគឺជាកម្មវិធីសិល្បៈនៃការចែករំលែកដែលបានបង្កើតឡើងដោយក្រុមហ៊ុនពុះដីឡូតិ៍ និងផ្ទះល្វែងមួយកន្លែង។ ហើយជាទឹកចិត្តអាណិតស្រលាញ់ក្មេង និងគោរពលោកគ្រូ អ្នកគ្រូ ដែលបានលះបង់ក្នុងការបង្រៀនពួកគាត់ ទោះជាលំបាកបន្តិច ក៏នៅតែជម្នះ ។
លោកបញ្ជាក់ថា តំបន់ខ្លះកុំថាឡើយឡាន ម៉ូតូជិះទៅដល់ សូម្បីតែដើរដោយជើងក៏ពិបាក និងមានភ្លៀងផងក៏ដោយ។ លោកថា ថ្នាក់ដឹកនាំក្រុមហ៊ុន និងបុគ្គលិកជិត៣០នាក់ បានធ្វើដំណើរទៅកាន់ទឹកដីនោះដោយផ្ទាល់ ដើម្បីចែកជាសម្ភារៈសិក្សាដល់ប្អូនៗ និងផ្តល់ជាគ្រឿងឧបភោគ បរិភោគ និងថវិកាលោកគ្រូ អ្នកគ្រូក្នុងម្នាក់ៗ៤០ម៉ឺនរៀលផងដែរ។
លោកបន្តថា ជាដើមឆ្នាំសិក្សាថ្មីទើបជួយសម្រួលដល់ពួកគាត់ខ្លះ ដែលសរុបនៃការចំណាយគឺប្រមាណជាង១ម៉ឺនដុល្លារអាមេរិក ។ ហើយទោះឆ្លងកាត់ការលំបាកក៏ក្រុមការងារថ្នាក់ដឹកនាំបានបង្ហាញពីអារម្មណ៍សប្បាយរីករាយដែលបានរួមចំណែកជួយដល់កិច្ចការងារសង្គម បើទោះបីជាចំនួននេះមិនច្រើនក៏ពិតមែន ប៉ុន្តែវាបានឆ្លុះបញ្ចាំងពីការជួយគ្នាទៅវិញទៅមក និងបណ្តុះស្មារតី និងសិល្បៈនៃការចែករំលែក។
លោករំពឹងថា ការចែកក្តីស្រលាញ់ ថវិកានេះនឹងក្លាយជាទៅជាកម្លាំងចិត្តសម្រាប់ប្អូនៗបន្តការខិតខំតស៊ូសិក្សារៀនសូត្រ និងបន្តយកចំណេះដឹងនោះជួយខ្លួនឯង គ្រួសារ និងសង្គមជាតិនៅថ្ងៃអនាគត៕
ចែករំលែកព័តមាននេះ