រាជធានីភ្នំពេញ ៖ ក្រុមហ៊ុនCellcard ដែលជាបណ្ដាញទូរស័ព្ទចល័តដ៏ធំជាងគេនៅក្នុងប្រទេសកម្ពុជា នឹងផ្ដល់ជូននូវរង្វាន់ដ៏ពិសេស មិនធ្លាប់មាននៅក្នុងប្រទេសកម្ពុជា គឺរង្វាន់ឈ្នះទឹកប្រាក់១លានរៀលក្នុង១ខែពេញមួយជីវិតរបស់អតិថិជន ។ រង្វាន់នេះនឹងផ្ដល់ជូនអតិថិជនចំនួន៤រូបដែលបានប្រើប្រាស់ប្រព័ន្ធទូរស័ព្ទចល័ត Cellcard ហើយការចាប់រង្វាន់នេះ នឹង ធ្វើឡើងនៅ
រាជធានីភ្នំពេញ ៖ ក្រុមហ៊ុនCellcard ដែលជាបណ្ដាញទូរស័ព្ទចល័តដ៏ធំជាងគេនៅក្នុងប្រទេសកម្ពុជា នឹងផ្ដល់ជូននូវរង្វាន់ដ៏ពិសេស មិនធ្លាប់មាននៅក្នុងប្រទេសកម្ពុជា គឺរង្វាន់ឈ្នះទឹកប្រាក់១លានរៀលក្នុង១ខែពេញមួយជីវិតរបស់អតិថិជន ។ រង្វាន់នេះនឹងផ្ដល់ជូនអតិថិជនចំនួន៤រូបដែលបានប្រើប្រាស់ប្រព័ន្ធទូរស័ព្ទចល័ត Cellcard ហើយការចាប់រង្វាន់នេះ នឹង ធ្វើឡើងនៅក្នុងខែមិថុនា ឆ្នាំ២០១៣ គឺមួយសប្ដាហ៍ចាប់ម្ដង និងមួយដងយកអតិថិជនម្នាក់ សរុបគឺជ្រើសរើសយកបួននាក់ក្នុងកម្មវិធីនេះ ។
លោក Ian Watson នាយកប្រតិបត្តិក្រុមហ៊ុន Cellcardបានមានប្រសាសន៍ក្នុងកិច្ចសម្ភាសន៍មួយកាលពីរសៀលថ្ងៃទី៤ មិថុនា ឆ្នាំ ២០១៣ ឱ្យដឹងថា ក្រុមហ៊ុនបានអនុវត្តនូវកម្មវិធីពិសេសៗជាច្រើនរួចមកហើយសម្រាប់អតិថិជន ដូចជាការផ្ដល់រង្វាន់១ម៉ឺនដុល្លារក្នុងមួយថ្ងៃ និងការផ្ដល់ជូនរថយន្តជាដើម ។ ដោយសារការផ្ដល់នូវរង្វាន់ជាច្រើននេះហើយទើបក្រុមហ៊ុនចង់ផ្ដល់នូវរង្វាន់ ដែលមានរយៈពេលវែងផងដែរសម្រាប់អតិថិជន ។
លោកបន្តថា លក្ខខណ្ឌនៃការចូលរួមក្នុងកម្មវិធីពិសេស ដើម្បីឈ្នះរង្វាន់១លានរៀលក្នុង១ខែពេញមួយជីវិតនេះបាន គឺអតិថិជនគ្រាន់តែបញ្ចូលទឹកប្រាក់ក្នុងទូរស័ព្ទដៃប្រព័ន្ធCellcardយ៉ាងតិច១ដុល្លារឡើង លេខទូរស័ព្ទនោះនឹងត្រូវបានរាប់បញ្ចូលទៅក្នុងការចាប់រង្វាន់ដោយស្វ័យប្រវត្តិ ដែលការចាប់រងា្វន់នេះនឹងធ្វើឡើងនៅរៀងរាល់ថ្ងៃអាទិត្យវេលាម៉ោង៦និង៤៥នាទីដល់ម៉ោង៧ល្ងាច នៅស្ថានីយទូរទស្សន៍ស៊ីធីអិន ។ ហើយអតិថិជនដែលបានឈ្នះរង្វាន់ក្នុងកម្មវិធីនេះ នឹងត្រូវបានទទួលទឹកប្រាក់១លានរៀលជារៀងរាល់ខែ ដោយមានការចុះហត្ថលេខាព្រមព្រៀងពីក្រុមហ៊ុន និងអតិថិជនដែលឈ្នះនោះ ។ អតិថិជនដែលឈ្នះរង្វាន់ក្នុងកម្មវិធីនេះផងដែរ នឹងទទួលបានទឹកប្រាក់ហើយនិងអាចបើកប្រាក់នេះបាននៅធនាគារអេស៊ីលីដាទូទាំងប្រទេសកម្ពុជា ។
លោកនាយកប្រតិបត្តិរូបនេះបានបន្ថែមថា ទឹកប្រាក់នេះអាចបើកបានរៀងរាល់ខែ លុះត្រាតែអតិថិជនដែលឈ្នះក្នុងកម្មវិធីនៅតែប្រើប្រាស់បណ្ដាញប្រព័ន្ធទូរស័ព្ទ Cellcard តែបើក្នុងករណីបាត់បង់ទូរស័ព្ទ ឬក៏ស៊ីមដោយប្រការណាមួយដូចជាគ្រោះថ្នាក់ផ្សេងៗជាដើមនោះ អតិថិជនដែលឈ្នះរូបនោះត្រូវរាយការណ៍ជាបន្ទាន់មកការិយាល័យកណ្ដាល ដើម្បីឱ្យបុគ្គលិកក្រុមហ៊ុនធ្វើការបើកយកលេខថ្មីហើយនៅតែបន្តបើកប្រាក់១លានរៀលក្នុង១ខែដដែល ។ ហើយនៅរៀងរាល់ប្រាំមួយខែម្ដង អតិថិជនដែលឈ្នះរង្វាន់ត្រូវបានអញ្ជើញមកក្រុមហ៊ុន ដើម្បីធ្វើការសម្ភាសន៍ និងអាចផ្ដល់ឱកាសត្រួតពិនិត្យពីទម្រង់បែបបទរបស់អតិថិជន ។
អតិថិជនត្រូវតែនៅប្រើប្រាស់លេខទូរស័ព្ទរបស់ប្រព័ន្ធCellcard ដើម្បីធានាថា អតិថិជននៅតែអាចបើកប្រាក់១លានរៀលរៀងរាល់ខែបាន បើសិន ជាអតិថិជនមិនបានមកតាមការកំណត់នោះទេ ប្រាក់នោះមិនអាចផ្ទេរចូលទៅក្នុងគណនីធនាគារបានទេ ។
គួរបញ្ជាក់ថា ប្រាក់រង្វាន់១លានរៀលសម្រាប់អតិថិជនក្នុងមួយខែ អាចបើកបានរហូតនៅក្នុងពេលដែលអតិថិជននោះនៅមានជីវិត នៅពេលដែលអតិថិជនឈ្នះរង្វាន់ណាម្នាក់បាត់បង់ជីវិត ប្រាក់នោះនឹងបញ្ចប់ដោយមិនអាចឱ្យអ្នកផ្សេងណាម្នាក់មកបើកជំនួសបាននោះទេ ៕
ចែករំលែកព័តមាននេះ