រាជធានីភ្នំពេញ ៖ រដូវក្ដៅនៅកម្ពុជាបានបង្កឱ្យមានផលប៉ះពាល់ខ្លាំងដល់សរសៃសក់ និងស្បែកក្បាល ។ នេះបើយោងតាមអ្នកឯកទេសថែរក្សាសរសៃសក់លំដាប់ថ្នាក់អន្ដរជាតិរបស់ក្រុមហ៊ុន យូនីលីវើ ។ ទោះជាយ៉ាងណាក៏ដោយ ដើម្បីការពារការខូចគល់សក់ ដែលបណ្ដាលឱ្យសក់មិនលូតលាស់ ពួកគេគួរតែជ្រើសរើសផលិតផលដែលត្រូវតាមប្រភេទសក់ និងស្បែកក្បាល និងការ
រាជធានីភ្នំពេញ ៖ រដូវក្ដៅនៅកម្ពុជាបានបង្កឱ្យមានផលប៉ះពាល់ខ្លាំងដល់សរសៃសក់ និងស្បែកក្បាល ។ នេះបើយោងតាមអ្នកឯកទេសថែរក្សាសរសៃសក់លំដាប់ថ្នាក់អន្ដរជាតិរបស់ក្រុមហ៊ុន យូនីលីវើ ។ ទោះជាយ៉ាងណាក៏ដោយ ដើម្បីការពារការខូចគល់សក់ ដែលបណ្ដាលឱ្យសក់មិនលូតលាស់ ពួកគេគួរតែជ្រើសរើសផលិតផលដែលត្រូវតាមប្រភេទសក់ និងស្បែកក្បាល និងការផ្លាស់ប្ដូរអាកាសធាតុ ។ ការម៉ាស្សាលើស្បែកក្បាល ដើម្បីបង្កើនចលនាឈាមរត់បានស្រួល និងកក់សក់ឱ្យបានទៀតទាត់យ៉ាងហោចណាស់ក្នុងរយៈពេល២ថ្ងៃម្ដង គឺអាចជួយកម្ចាត់ធូលី និងស្បែកក្បាលដែលមានប្រេងច្រើនផងដែរ ។
យោងតាមលោក Vilaphanh Khiammanivong អ្នកឯកទេសថែរក្សាសរសៃសក់លំដាប់ថ្នាក់អន្ដរជាតិមកពីប្រទេសថៃបានឱ្យដឹងថា ផលប៉ះពាល់នៃរដូវក្ដៅនៅកម្ពុជា អាចបណ្ដាលឱ្យស្បែកក្បាលខូច ។ អ្នកឯកទេសថែរក្សាសរសៃសក់របស់ក្រុមហ៊ុន យូនីលីវើ ដែលបានធ្វើដំណើរមកកម្ពុជា ដើម្បីផ្ដល់ការណែនាំក្នុងនាមផលិតផលសាប៊ូកក់សក់ Clear អះអាងថា កម្ដៅថ្ងៃ ធូលី និងការបែកញើសច្រើននៅរដូវក្ដៅអាចធ្វើឱ្យសក់ និងស្បែកក្បាលខូច ។ ដើម្បីការពារសក់ខូចដែលបណ្ដាលមកពីរដូវក្ដៅនៅកម្ពុជា លោក Vilaphanh Khiammanivong បានណែនាំដល់បុរស និងស្រ្ដីឱ្យជ្រើសរើសផលិតផលថែរក្សាសក់ណាដែលអាចសម្អាតដល់ប្រទាប់ក្នុង និងជួយឱ្យសក់មានភាពរស់រវើក ។
លោក Vilaphanh Khiammanivong មានប្រសាសន៍ថា ការផ្លាស់ប្ដូរអាកាសធាតុនៅក្នុងប្រទេសកម្ពុជា គឺដូចនៅក្នុងប្រទេសដទៃទៀតក្នុងតំបន់អាស៊ីដែរ ។ ការទុកឱ្យសក់ខូចដោយមិនព្យាបាល និងការមិនយកចិត្ដទុកដាក់ចំពោះការថែរក្សាសក់ និងស្បែកក្បាលអាចបណ្ដាលឱ្យស្បែកក្បាលឡើងប្រេង និងបង្កឱ្យកើតអង្គែ ។ លោក Vilaphanh Khiammanivong បន្ថែមថា ដើម្បីចៀងវាងរាល់បញ្ហាទាំងនេះនៅរដូវក្ដៅ ក្នុងនាមក្រុមហ៊ុន យូនីលីវើ សូមណែនាំលោកអ្នកឱ្យប្រើប្រាស់ផលិតផលសាប៊ូកក់សក់ Clearដែលមានសារធាតុចិញ្ចឹម Nutrium10 និងជីអង្កាមក្នុងការជួយឱ្យស្បែកក្បាលត្រជាក់ និងកាត់បន្ថយភាពរមាស់ផងដែរ ។
ក្រុមហ៊ុន យូនីលីវើ កម្ពុជា បាននិងកំពុងបើកកម្មវិធីអប់រំពីការថែរក្សាសក់ និងព្យាបាលសក់ជាបន្ដបន្ទាប់ទូទាំងប្រទេស ។ កម្មវិធីនេះ មានការចូលរួមទាំងបុរស និងស្រ្ដីជាច្រើននាក់ ។
ក្រុមហ៊ុន យូនីលីវើ គឺជាក្រុមហ៊ុនផ្គត់ផ្គង់ផលិតផលប្រើប្រាស់ឈានមុខគេមួយនៅលើពិភពលោក ដែលមានប្រតិបត្ដិការរឹងមាំនៅក្នុងប្រទេសជាង១០០ និងលក់ផលិតផលនៅក្នុងប្រទេសចំនួន១៩០ ។ ផលិតផលរបស់ក្រុមហ៊ុន យូនីលីវើ ត្រូវបានប្រជាពលរដ្ឋប្រើប្រាស់ជាង ២.០០០លានដងក្នុងមួយថ្ងៃនៅទូទាំងពិភពលោក ហើយក្រុមហ៊ុនខិតខំដើម្បីបង្កើតអនាគតល្អប្រសើរជារៀងរាល់ថ្ងៃ និងជួយប្រជាជនឱ្យមានអារម្មណ៍ល្អ មានសម្ផស្សស្រស់ស្អាត និងរីករាយនឹងជីវភាពរស់នៅជាមួយនឹងផលិតផល និងសេវាដែលល្អសម្រាប់ខ្លួនឯងផង និងល្អសម្រាប់អ្នកដទៃផង ។
ក្រុមហ៊ុន យូនីលីវើ ចាប់ផ្ដើមប្រតិបត្ដិការនៅក្នុងប្រទេសកម្ពុជាតាំងពីខែវិច្ឆិកា ឆ្នាំ២០០៣។ ក្រុមហ៊ុនមានមោទនភាពក្នុងការដើរតួនាទីយ៉ាងសកម្មនៅក្នុងសង្គមកម្ពុជា ស្ទើរតែគ្រប់វិស័យក្នុងនោះរួមមានតាំងពីការផ្គត់ផ្គង់ផលិតផលអាហារបំប៉ន រហូតដល់ផលិតផលលើកកម្ពស់អនាម័យ ៕
ចែករំលែកព័តមាននេះ