ឆក់​យក​ជីវិត​មនុស្ស​២​នាក់​យ៉ាង​រន្ធត់​លើ​ផ្លូវជាតិ​លេខ​៤


ខេត្ត​ព្រះ​សីហ​នុ ៖ តាម​សេចក្តីរាយការណ៍​បឋម​បានឱ្យ​ដឹង​ថា រថយន្ត​មួយ​គ្រឿង​បាន​បុក​គ្នា​ជាមួយ​ម៉ូតូ​មួយ​គ្រឿង បណ្តាល​ឱ្យ​ស្លាប់​មនុស្ស​២​នាក់​កាលពី​វេលា​ម៉ោង​១១​និង​៥​នាទី​យប់​ថ្ងៃ​ទី​៣១ ខែតុលា ឆ្នាំ​២០១៨ លើ​ផ្លូវជាតិ​លេខ​៤ ចន្លោះ​គីឡូម៉ែត្រ​១៩០-១៩១ ស្ថិត​ក្នុងភូមិ​ព្រៃ​នប់​១ ឃុំ​ព្រៃ​នប់ ស្រុក​ព្រៃ​នប់ ខេត្ត​ព្រះ​សីហ​នុ ។

ក្នុង​ករណី​គ្រោះថ្នាក់​ចរាចរណ៍​ដែល​កើតឡើង​ខាងលើ​នេះ​បង្ក​ដោយ​រថយន្ត​មួយ​គ្រឿង ពណ៌​ស ពាក់​ស្លាក​លេខ ភ្នំពេញ ៣C-២៥១៣ អ្នកបើកបរ​មិន​ត្រូវ​បាន​ស្គាល់​អត្តសញ្ញាណ ធ្វើ​ដំណើរ​ក្នុង​ទិស​ដៅ​ពី​ខេត្ត​ព្រះ​សីហ​នុ ឆ្ពោះទៅ​ភ្នំពេញ ។

លុះ​មក​ដល់​ចំណុច​កើតហេតុ​ខាងលើ​ក៏​បាន​វ៉ា​ជែង​បុក​នឹង​ម៉ូតូ​មួយ​គ្រឿង​ម៉ាក AREBLADE ពណ៌ ខ្មៅ គ្មាន​ផ្លា​ក​លេខ ជិះ​ដោយ​បុរស​២​នាក់ មិន​ស្គាល់​អត្តសញ្ញាណ មាន​ទិស​ដៅ​ផ្ទុយ​គ្នា បណ្ដាល​ឲ្យ​ភាគី​ខាង​ម៉ូតូ​ស្លាប់​ទាំង​២​នាក់​នៅ​នឹង​កន្លែង​កើតហេតុ ។ ចំណែក​អ្នកបើកបរ​រថយន្ត​បាន​រត់គេច​ខ្លួន​បាត់ ។

ក្រោយ​កើតហេតុ សមត្ថកិច្ច​ជំនាញ​កំពុង​ចាត់ចែង​ស្រាវជ្រាវ​រក​អត្តសញ្ញាណ និង​ក្រុម​គ្រួសារ​របស់​ជន​រង​គ្រោះ​។ សមត្ថកិច្ច​ជំនាញ​កំពុង​ស្រាវជ្រាវ​រក​អ្នកបើកបរ​រថយន្ត​រត់គេច​ខ្លួន​បាត់​ដើម្បី​នាំ​ខ្លួន​មក​ចាត់ការ​តាម​នីតិវិធី ។ រីឯ​រថយន្ត និង​ម៉ូតូ​ត្រូវ​បាន​សមត្ថកិច្ច​យក​មក​រក្សា​ទុក​នៅ​អធិការដ្ឋាន​នគរបាល​ស្រុក​ព្រៃ​នប់ ។ ព័ត៌មាន​លម្អិត​នឹង​មាន​ផ្សាយ​នៅ​លើ​ទំព័រ​កាសែត​កោះសន្តិភាព ៕

Facebook Google Twitter Email

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ