ខេត្តបាត់ដំបង ៖ ប្រតិភូថៃប្រមាណ៥០នាក់ ក្នុងនោះមានអ្នកសារព័ត៌មាន៣៤នាក់ និងមន្ត្រីរាជការក្នុងខេត្តចន្ទបូរីផង បានធ្វើដំណើរចូលមកខេត្តបាត់ដំបងតាមច្រកដូងក្នុងស្រុកកំរៀង កាលពីវេលាថ្ងៃត្រង់ ទី២៦ ឧសភា ដោយមានការអនុញ្ញាត និងទទួលរៀបចំពីមន្ត្រីសាលាខេត្ត ដើម្បីពង្រឹងសម្ព័ន្ធមេត្រីភាពរវាងខេត្តច័ន្ទបូរីរបស់ថៃ និងខេត្តបាត់ដំបង ដែលមានភូមិផងរបងជាប់គ្នា
ខេត្តបាត់ដំបង ៖ ប្រតិភូថៃប្រមាណ៥០នាក់ ក្នុងនោះមានអ្នកសារព័ត៌មាន៣៤នាក់ និងមន្ត្រីរាជការក្នុងខេត្តចន្ទបូរីផង បានធ្វើដំណើរចូលមកខេត្តបាត់ដំបងតាមច្រកដូងក្នុងស្រុកកំរៀង កាលពីវេលាថ្ងៃត្រង់ ទី២៦ ឧសភា ដោយមានការអនុញ្ញាត និងទទួលរៀបចំពីមន្ត្រីសាលាខេត្ត ដើម្បីពង្រឹងសម្ព័ន្ធមេត្រីភាពរវាងខេត្តច័ន្ទបូរីរបស់ថៃ និងខេត្តបាត់ដំបង ដែលមានភូមិផងរបងជាប់គ្នាតាំងពីយូរលង់ណាស់មកហើយ ។
លោក សំនុក វិសុទ្ធ តំណាងអ្នកកាសែតថៃថ្លែងថា នេះជាលើកទីមួយហើយដែលក្រុមលោកបានមកកាន់ខេត្តបាត់ដំបង ដោយមានទាំងអំណោយបន្តិចបន្តួចជាតំណាងនៃទឹកចិត្តស្រឡាញ់រាប់អានគ្នាយកមកចែកជូនដល់ជនក្រីក្រ និងកុមារកំព្រានៅក្នុងខេត្តបាត់ដំបងនេះ ។ ប៉ុន្តែគោលបំណងសំខាន់ធំនោះ គឺការរួមគ្នាលើវិស័យព័ត៌មានដែលតែងតែកើតមានជាហូរហែមកនោះនៅតាមខ្សែបន្ទាត់ព្រំដែននៃប្រទេសទាំងពីរឱ្យទទួលបាននូវព័ត៌មានពិតៗ និងមានដំណោះស្រាយរាល់បញ្ហាដែលកើតមានឡើងឱ្យចំចំណុច ។ ចំណែកផ្នែកមួយទៀតគឺជួយជំរុញវិស័យសេដ្ឋកិច្ចឱ្យកាន់តែមានភាពល្អប្រសើរឡើងដល់ប្រជាពលរដ្ឋដែលកំពុងរកស៊ីដោះដូរជាមួយគ្នាតាមព្រំដែន ។
លោក សំនុក វិសុទ្ធ បានបន្តទៀតថា ក្នុងពេលជួបជុំគ្នានៅសាលាខេត្តបាត់ដំបង លោកបានព្យាយាមរកជួបអ្នកកាសែតកម្ពុជាដែលមានអាជីពដូចគ្នា ដើម្បីពង្រឹងវិស័យព័ត៌មានជាមួយគ្នា តែពុំបានជួបឬស្គាល់អ្នកណាម្នាក់ឡើយ។ ដោយែឡក កម្មវិធីបានជំរុញឱ្យមានទស្សនកិច្ចសិក្សានៅប្រាសាទបាណន់ ក្នុងស្រុកបាណន់ ខេត្តបាត់ដំបង និងជាការបញ្ចប់ដំណើរទស្សនកិច្ចនេះដែរ ទើបបានជួបតំណាងកាសែតកោះសន្តិភាពម្នាក់ដើម្បីធ្វើការប្រាស្រ័យទាក់ទងគ្នា និងបញ្ជាក់ពីគោលបំណងលើវិស័យព័ត៌មាននេះរួមជាមួយគ្នា ។
លោក ហួត សុងហាក់ តំណាងសារព័ត៌មានកោះសន្តិភាពបញ្ជាក់ថា នេះជាលើកទីមួយហើយដែលមានអ្នកសារព័ត៌មានខេត្តចន្ទបូរីបានមកដល់ទីនេះបន្ទាប់ពីមានផ្លូវថ្នល់ស្រួល និងមានទំនាក់ទំនងល្អរវាងប្រទេសយើងទាំងពីរ ។ យើងបានព្យាយាមជួបផ្លាស់ប្តូរព័ត៌មានគ្នាទៅវិញទៅមកឱ្យទទួលបាននូវសុក្រឹតភាព និងលឿនរហ័ស ទទួលបានគុណភាពដើម្បីជាប្រយោជន៍រៀងៗខ្លួន ។ លោកបន្តទៀតថា កន្លងមកមានតែប្រតិភូខេត្តស្រះកែវ និងក្រុងបាងកកមកដល់ទីនេះ តែពេលនេះយើងបានទទួលខេត្តចន្ទបូរីមួយទៀតគឺជាមិត្តសារព័ត៌មានដ៏ល្អសម្រាប់យើងរួមសហការគ្នា ៕
ចែករំលែកព័តមាននេះ