នៅទៅស្នាក់ការកណ្តាលសហជីពសេរីកម្មករនៃព្រះរាជាណាចក្រកម្ពុជា ស្ថិតនៅតាមបណ្តោយផ្លូវលេខ ៣៦០ ក្នុងសង្កាត់បឹងកេងកងទី២ ខណ្ឌចំការមន នាម៉ោង២រសៀលថ្ងៃទី០៤ មិថុនា ២០១៣នេះ មានរៀបចំធ្វើសន្និសីទកាសែតស្តីពីករណីសមត្ថកិច្ចបានចាប់ខ្លួនកម្មករ៨នាក់ ដែលធ្វើការនៅរោងចក្រសាប៊្រីណា ក្នុងស្រុកសំរោងទងខេត្តកំពង់ស្ពឺកាលពីថ្ងៃទី០៣ មិថុនា ម្សិលមិញនេះ ។
នៅទៅស្នាក់ការកណ្តាលសហជីពសេរីកម្មករនៃព្រះរាជាណាចក្រកម្ពុជា ស្ថិតនៅតាមបណ្តោយផ្លូវលេខ ៣៦០ ក្នុងសង្កាត់បឹងកេងកងទី២ ខណ្ឌចំការមន នាម៉ោង២រសៀលថ្ងៃទី០៤ មិថុនា ២០១៣នេះ មានរៀបចំធ្វើសន្និសីទកាសែតស្តីពីករណីសមត្ថកិច្ចបានចាប់ខ្លួនកម្មករ៨នាក់ ដែលធ្វើការនៅរោងចក្រសាប៊្រីណា ក្នុងស្រុកសំរោងទងខេត្តកំពង់ស្ពឺកាលពីថ្ងៃទី០៣ មិថុនា ម្សិលមិញនេះ ។
សន្និសីទកាសែតដែលដឹកនំាដោយលោក ជា មុនី ប្រធានសហជីពសេរីកម្មករនៃព្រះរាជាណាចក្រកម្ពុជានាពេលនេះ ក៏មានកម្មករកម្មការិនីរោងចក្រខាងលើចូលរួមជាច្រើននាក់ផងដែរ ។
សូមរំលឹកថា ក្រុមកម្មករជាច្រើនរយនាក់នៅរោងចក្រសាប៊្រីណា កាលពីព្រឹកថ្ងៃទី០៣ មិថុនា ២០១៣ បានប្រមូលផ្តុំគ្នាតវ៉ាសារជាថ្មី ប្រយោជន៏ដើម្បីទាមទារឲ្យមានការដំឡើងបា្រក់ខែបន្ថែមចំនួន១៤ ដុល្លារ ក៏ដូចជាទាមទារលក្ខខណ្ឌការងារមួយចំនួនទៀត ។
នៅក្នុងការតវ៉ានោះ ក្រុមកម្មករក៏បានប្រឈមមុខនិងប៉ះទង្គិចជាមួយសមត្ថកិច្ចចំរុះខេត្ត ហើយក៏មានការចាប់ខ្លួនតំណាងនិងសមាជិកសហជីពចំនួន៨នាក់ ក្នុងនោះក៏មានតំណាងសហជីពសេរីកម្មករនៃព្រះរាជាណាចក្រកម្ពុជា៥នាក់ផងដែរ ។
គួរបញ្ជាក់ថា ក្រុមកម្មកររោងចក្រសាប៊្រីណានេះ បានផ្ទុះបាតុកម្មតំាងពីថ្ងៃទី២១ឧសភា ២០១៣មកម្ល៉េះ ដោយទាមទារការដំឡើងបា្រក់ខែនិងលក្ខខណ្ឌការងារមួយចំនួនទៀត ក្នុងនោះក្រុមកម្មករបានធ្វើការបិទផ្លូវជាតិលេខ៤ និងកាលពីសបា្តហ៏មុនក្រុមកម្មករ ក៏បានប៉ះទង្គិចជាមួយសមត្ថកិច្ចរហូតដល់មានអ្នករបួសជាច្រើននាក់ ក្នុងនោះក៏មានសេចក្តីរាយការណ៏ថា ស្រ្តីម្នាក់ក៏ត្រូវរលូតកូនផងដែរ ៕
ចែករំលែកព័តមាននេះ