ខេត្តកំពង់ស្ពឺ ៖ រយៈពេលតែមួយថ្ងៃមានមនុស្សស្លាប់២នាក់នៅក្នុងស្រុកគងពិសី ប៉ុន្តែគ្រាន់តែទីតាំងខុសៗគ្នា ដោយករណីទីមួយស្លាប់ដោយចង.កធ្វើអត្តឃាត និងករណីមួយទៀតស្លាប់ដោយលង់ទឹក ។ មន្ត្រីនគរបាល និងកងរាជអាវុធហត្ថស្រុកគងពិសី បានឱ្យដឹងថា កាលពីវេលាម៉ោង៣រសៀល ថ្ងៃទី៣១ ឧសភា យុវជនម្នាក់បានលង់ទឹកស្លាប់ក្នុងត្រពាំង ជិតផ្ទះរបស់ខ្លួន ស្ថិតក្នុងភូមិ
ខេត្តកំពង់ស្ពឺ ៖ រយៈពេលតែមួយថ្ងៃមានមនុស្សស្លាប់២នាក់នៅក្នុងស្រុកគងពិសី ប៉ុន្តែគ្រាន់តែទីតាំងខុសៗគ្នា ដោយករណីទីមួយស្លាប់ដោយចង.កធ្វើអត្តឃាត និងករណីមួយទៀតស្លាប់ដោយលង់ទឹក ។ មន្ត្រីនគរបាល និងកងរាជអាវុធហត្ថស្រុកគងពិសី បានឱ្យដឹងថា កាលពីវេលាម៉ោង៣រសៀល ថ្ងៃទី៣១ ឧសភា យុវជនម្នាក់បានលង់ទឹកស្លាប់ក្នុងត្រពាំង ជិតផ្ទះរបស់ខ្លួន ស្ថិតក្នុងភូមិក្រាំងង៉ង ឃុំជង្រុក ស្រុកគងពិសី ។
ហេតុការណ៍នោះបានកើតឡើង ខណៈពេលដែលយុវជនរូបនេះយកខោអាវទៅបោកគក់ក្បែរត្រពាំងអាង ហើយចុះទៅដងទឹកក៏ប្រកាច់ស្លាប់ក្នុងទឹកតែម្តង ។ សមត្ថកិច្ចបន្តថា ជនរងគ្រោះឈ្មោះ ជា ពិសី អាយុ២១ឆ្នាំ រស់នៅជាមួយឪពុកម្តាយ ជាកសិករ ។ តាមការធ្វើកោសល្យវិច័យរបស់សមត្ថកិច្ចបានឱ្យដឹងថា ជនរងគ្រោះពិតជាស្លាប់ដោយសារលង់ទឹកមែន ។ ក្រោយពីពិនិត្យសពរួច សមត្ថកិច្ចក៏ប្រគល់ឱ្យក្រុមគ្រួសារធ្វើបុណ្យតាមប្រពៃណី ។ បើតាមការរៀបរាប់របស់ឪពុកម្តាយ និងអ្នកជិតខាងបានឱ្យដឹងថា យុវជនរូបនេះមានជំងឺឆ្កួតជ្រូក តែងប្រកាច់ម្តងម្កាល ហើយគាប់ជួនគេទៅបោកគក់ខោអាវ ក៏ប្រកាច់ធ្លាក់ទឹក ដែលជាហេតុបណ្តាលឱ្យស្លាប់ ដោយសារលង់ទឹក ។
ករណីមួយទៀតកើតឡើងកាលពីវេលាម៉ោង៧យប់ ថ្ងៃទី៣១ ឧសភា នៅក្នុងភូមិត្របែកទូង ឃុំស្រង់ បុរសម្នាក់ឈ្មោះ ឆេង ឈីម អាយុ៥៦ឆ្នាំ ជាកសិករ រស់នៅក្នុងភូមិខាងលើ ដោយសារគិតតែពីផឹកស្រារហូតស្រវឹងជ្រុលពុំជួយធ្វើស្រែ ទើបប្រពន្ធកូនស្តីបន្ទោសឱ្យ ខណៈនោះបុរសជាប្តីក៏ តូចចិត្ត ហើយយកខ្សែពួរមកចង.កភ្ជាប់ទៅនឹងធ្នឹមផ្ទះរបស់ខ្លួនបណ្តាលឱ្យស្លាប់ ។ សមត្ថកិច្ចស្រុកបានធ្វើការត្រួតពិនិត្យសព ហើយជាលទ្ធផលបង្ហាញថា បុរសនេះពិតជាស្លាប់ដោយសារចង.កប្រាកដមែន ។ នេះជាទង្វើមិនគប្បីសម្រាប់បុរសយកស្រាធ្វើជាត្រីមុខ ទីបំផុតត្រូវស្លាប់យ៉ាងកំសាកបំផុត ៕
ចែករំលែកព័តមាននេះ