ខេត្តស្វាយរៀង ៖ មានបុរសចំណាស់ម្នាក់ជិះម៉ូតូឆ្លងថ្នល់មិនប្រយ័ត្នត្រូវរថយន្តបុកពេញទំហឹងចំកណ្តាលម៉ូតូ បណ្តាលឲ្យស្លាប់ភ្លាមៗយ៉ាងអាណោចអាធ័ម។ ករណីគ្រោះថ្នាក់ចរាចរនេះបានកើតឡើងនៅម៉ោង១០ព្រឹក ថ្ងៃទី២៥ ខែតុលា ឆ្នាំ២០១៨ នៅលើផ្លូវជាតិលេខ១៣ ស្ថិតក្នុងភូមិព្រះអង្កែវ…
ខេត្តស្វាយរៀង ៖ មានបុរសចំណាស់ម្នាក់ជិះម៉ូតូឆ្លងថ្នល់មិនប្រយ័ត្នត្រូវរថយន្តបុកពេញទំហឹងចំកណ្តាលម៉ូតូ បណ្តាលឲ្យស្លាប់ភ្លាមៗយ៉ាងអាណោចអាធ័ម។ ករណីគ្រោះថ្នាក់ចរាចរនេះបានកើតឡើងនៅម៉ោង១០ព្រឹក ថ្ងៃទី២៥ ខែតុលា ឆ្នាំ២០១៨ នៅលើផ្លូវជាតិលេខ១៣ ស្ថិតក្នុងភូមិព្រះអង្កែវ ឃុំជ្រុលពពេល ស្រុករំដួល ខេត្តស្វាយរៀង។
បើតាមសមត្ថកិច្ចបានឲ្យដឹងថា រថយន្តបង្កម៉ាកហ៊ីយ៉ាន់ដាយកូរ៉េពណ៌ស ពាក់ស្លាកលេខ ភ្នំពេញ 2AP-2092 បើកបរពីជើងទៅត្បូង លុះមកដល់កន្លែងកើតហេតុខាងលើក៏បានបុកជាមួយម៉ូតូជនរងគ្រោះ ម៉ាកហុងដាគូបមូលកំពុងជិះឆ្លងថ្នល់ពេញទំហឹងប៉ើងជិត១០ម៉ែត្របណ្តាលឲ្យស្លាប់ភ្លាមៗនៅនឹងកន្លែងតែម្តង។ ប្រភពដដែលបានបន្តទៀតថា ជនរងគ្រោះជិះម៉ូតូចេញពីផ្ទះឆ្លងថ្នល់មិនដឹងថាជាបម្រុងទៅណាទេក៏ជួបគ្រោះថ្នាក់ ស្លាប់តែម្តង។
បន្ទាប់មកសមត្ថកិច្ចបានមកធ្វើការវាស់វែងរួចបានយករថយន្ត និងម៉ូតូទៅរក្សាទុកនៅការិយាល័យ នគបាល ចរាចរស្នងការដ្ឋាននគបាលខេត្តដើម្បីរង់ចាំធ្វើការដោះស្រាយគ្នាតាមផ្លូវច្បាប់។ ចំណែក សពត្រូវបានសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ