ក្រុងប៉ោយប៉ែត ៖ ទាហានឈុតខ្មៅថៃប្រចាំការនៅច្រកខ្លងលឹក ស្រុកអារញ្ញ បានយកគ្រឿងចក្រមកកាយយកអាចម៍ដីចេញវិញហើយ នាព្រឹកថ្ងៃទី៣១ ឧសភា បន្ទាប់ពីពួកគេបានចាក់លុបមាត់អូរព្រំដែននៅចំណុចខាងក្រោយកាស៊ីណូហូលីដេ ក្រុងប៉ោយប៉ែត កាលពីថ្ងៃទី១៦ ខែឧសភា ដែលជាការលួចចាក់លុបមាត់អូរកន្លងមកស្រេចតែចិត្ត ដោយបំពានខ្សែព្រំដែន ។
ក្រុងប៉ោយប៉ែត ៖ ទាហានឈុតខ្មៅថៃប្រចាំការនៅច្រកខ្លងលឹក ស្រុកអារញ្ញ បានយកគ្រឿងចក្រមកកាយយកអាចម៍ដីចេញវិញហើយ នាព្រឹកថ្ងៃទី៣១ ឧសភា បន្ទាប់ពីពួកគេបានចាក់លុបមាត់អូរព្រំដែននៅចំណុចខាងក្រោយកាស៊ីណូហូលីដេ ក្រុងប៉ោយប៉ែត កាលពីថ្ងៃទី១៦ ខែឧសភា ដែលជាការលួចចាក់លុបមាត់អូរកន្លងមកស្រេចតែចិត្ត ដោយបំពានខ្សែព្រំដែន ។
តាមប្រភពព័ត៌មានពីក្រុមមន្ត្រីយោធាទំនាក់ទំនងព្រំដែនកម្ពុជា-ថៃ ប្រចាំការនៅក្រុងប៉ោយប៉ែតបានឱ្យដឹងថា វាជាការពិតណាស់ដែលភាគីថៃគ្រប់គ្រងដោយទាហានឈុតខ្មៅបានលួចចាក់ដីនៅពេលយប់ លុបមាត់អូរតាមព្រំដែននៅចំណុចខាងត្បូងស្ពានមិត្តភាពកម្ពុជា-ថៃ ចម្ងាយប្រមាណ១៥០ម៉ែត្រដែលមានទទឹងប្រមាណ២ទៅ៥ម៉ែត្រ និងបណ្តោយប្រមាណជាង២០០ម៉ែត្រនៅចំណុចខាងក្រោយកាស៊ីណូហូលីដេ មាត់អូរខាងថៃ ។ ការលួចចាក់ដីលុបមាត់អូរព្រំដែននេះ ក្រុមការងាររបស់លោកបានដឹង និងបានរាយការណ៍ជូនដល់ថ្នាក់លើជាបន្តបន្ទាប់ ទើបខាងក្រុមការងារយោធា ទំនាក់ទំនងព្រំដែនកម្ពុជា-ថៃ បានចូលទៅប្រជុំរកដំណោះស្រាយជាមួយភាគីថៃ ឱ្យមានការកាយចេញវិញតាមកិច្ចព្រមព្រៀង ព្រោះការធ្វើនេះបានរំលោភជាក់ស្តែង ។ ដោយសារមានប្រតិកម្ម ទើបពេលនេះខាងភាគីថៃដែលគ្រប់គ្រងដោយទាហានឈុតខ្មៅនោះបានដឹងពីកំហុសរបស់ខ្លួន ក៏បានយកគ្រឿងចក្រអេស្កាវ៉ាទ័រ១គ្រឿង និងរថយន្តកង់១០ ចំនួន២គ្រឿងមកកាយយកអាចម៍ដីដែលពួកគេបានចាក់លុបតាមមាត់អូរព្រំដែននោះដឹកចេញ ទុកមាត់អូរឱ្យនៅរក្សាភាពដើមវិញ ។
គួររំលឹកថា កន្លងមក កាស៊ីណូហ្គោលឌិនក្រោនធ្លាប់បានចាក់ដីធ្វើកន្លែងផលិតទឹកបរិសុទ្ធនៅជាប់មាត់អូរព្រំដែនកម្ពុជា-ថៃ និងធ្វើឱ្យអាចម៍ដីហូរចូលក្នុងអូរព្រំដែនបន្តិចបន្តួចត្រូវទាហានឈុតខ្មៅថៃដែលឈរជើងនៅតាមខ្សែក្រវាត់ព្រំដែនមករារាំង និងហាមឃាត់មិនឱ្យខាងកម្ពុជាចាក់អាចម៍ដី លុបអូរព្រំដែននោះឡើយ ដោយពួកគេនិយាយថា អូរព្រំដែននេះជាតំណាងឱ្យព្រំដែនរវាងកម្ពុជា-ថៃផងដែរ ដូច្នេះមិនអនុញ្ញាតឱ្យភាគីណាមួយចាប់ដីរំលោភបំពានតាមមាត់អូរព្រំដែននេះឡើយ ។
ការចាក់ដីនេះដែរ ក្នុងអំឡុងទសវត្សឆ្នាំ៩០សម័យលោកឈួន លីកផៃ ធ្វើជានាយករដ្ឋមន្ត្រី ធ្លាប់បានទាមទារឱ្យកាយដីចេញពីមាត់អូរព្រំដែនទៀតផង ពេលមានការចាក់ដីធ្វើកាស៊ីណូ ដូចគ្នានេះដែរមិនទាន់ដឹងថា ភាគីថៃមានឥរិយាបថបែបណានៅឡើយទេ ៕
ចែករំលែកព័តមាននេះ