ខេត្តបាត់ដំបង ៖ មកដល់វេលាម៉ោង១១និង៣០នាទីថ្ងៃត្រង់ថ្ងៃដដែលប៉ូលិសក្រសួងមហាផ្ទៃ និងចៅក្រមសាលាដំបូងខេត្តបាត់ដំបង ព្រមទាំងមន្ត្រីអាជ្ញាធរបានធ្វើការឆែកឆេរភូមិគ្រឹះរបស់ថៅកែហាងកាហ្វេស៊ីធីកាហ្វេនៅក្រុងបាត់ដំបង ដែលជាប់ពាក់ព័ន្ធបទល្មើសជាច្រើន… ប៉ុន្តែលទ្ធផលយ៉ាងណានោះនៅមិនទាន់ដឹងទេ ត្រូវរង់ចាំបន្តិចទៀត ។
ខេត្តបាត់ដំបង ៖ មកដល់វេលាម៉ោង១១និង៣០នាទីថ្ងៃត្រង់ថ្ងៃដដែលប៉ូលិសក្រសួងមហាផ្ទៃ និងចៅក្រមសាលាដំបូងខេត្តបាត់ដំបង ព្រមទាំងមន្ត្រីអាជ្ញាធរបានធ្វើការឆែកឆេរភូមិគ្រឹះរបស់ថៅកែហាងកាហ្វេស៊ីធីកាហ្វេនៅក្រុងបាត់ដំបង ដែលជាប់ពាក់ព័ន្ធបទល្មើសជាច្រើន… ប៉ុន្តែលទ្ធផលយ៉ាងណានោះនៅមិនទាន់ដឹងទេ ត្រូវរង់ចាំបន្តិចទៀត ។
សូមបញ្ជាក់ថា បុរសថៅកែហាងកាហ្វេស៊ីធីម្នាក់នេះត្រូវបានចាប់ខ្លួននៅក្នុងហាងកាហ្វេយីហោស៊ីធីកាហ្វេ មានទីតាំងភូមិរតនៈ សង្កាត់រតនៈ ក្រុងបាត់ដំបង នាព្រឹកម៉ោង៩និង២០នាទីថ្ងៃទី៣១ ឧសភា ២០១៣ ។
ប្រភពព័ត៌មានឱ្យដឹងថា ថៅកែហាងកាហ្វេដែលត្រូវសមត្ថកិច្ចចាប់ខ្លួននេះឈ្មោះហ៊ុយ ហេង អាយុ៣៦ឆ្នាំ គឺចាប់តាមដីកាបង្គាប់ឱ្យចាប់ខ្លួនលេខ២១៩ ចុះថ្ងៃទី៩ ឧសភា ២០១៣ ដោយចៅក្រមស៊ើបសួរលោកគឹម ម៉េង ក្រោមបទចោទប្រកាន់ប្រើប្រាស់អាវុធខុសច្បាប់ និងបំផ្លិចបំផ្លាញទ្រព្យអ្នកដទៃ (មានពាក្យបណ្តឹង) និងបទល្មើសផ្សេងៗទៀតជាច្រើនទៀត ។
ថៅកែហាងកាហ្វេខាងលើជាមន្ត្រីយោធាស៊ីឈ្មោះគេ ហើយធ្លាប់បង្កបញ្ហាជាច្រើនដែលខណៈពេលនេះរងការចោទប្រកាន់ពីដើម បណ្តឹង២នាក់ និងជាប់បទល្មើសជាច្រើនទៀត ។ កន្លងមកសមត្ថកិច្ចនៅខេត្តបាត់ដំបង ធ្វើអីគេមិនកើតសោះ ពីព្រោះថា លោកហ៊ុយ ហេង ថៅកែហាងកាហ្វេម្នាក់នេះមានខ្នងបង្អែកក្រាស់ៗនៅក្រុងបាត់ដំបង ដូចជា ប៉េអឹមកាងជាដើម ។
ប្រតិបត្តិការចាប់ខ្លួននេះធ្វើឡើងដោយកម្លាំងនាយកដ្ឋានសន្តិសុខផ្ទៃក្នុងរបស់ក្រសួងមហាផ្ទៃដែលទទួលបញ្ជាផ្ទាល់ពីសម្តេចតេជោនាយករដ្ឋមន្ត្រី និងអគ្គស្នងការនគរបាលជាតិសហការជាមួយចៅក្រមសាលាដំបូងខេត្តបាត់ដំបង និងមន្ត្រីអាជ្ញាធរ ព្រមទាំងមានការយកចិត្តទុកដាក់ចាត់ចែងពីសំណាក់លោកជីវ កេង ប្រធានសាលាដំបូងរាជធានីភ្នំពេញ៕
ចែករំលែកព័តមាននេះ