រាជធានីភ្នំពេញ ៖ រថយន្ត ឡិចស៊ីស570 មួយគ្រឿងបានបើកបោះពួយគេច ម៉ូតូមួយគ្រឿង ក៏បានជ្រុលទៅបុកចូលផ្ទះប្រជាពលរដ្ឋ បណ្តាលឲ្យបាក់អស់មួយផ្ទាំងធំរងការខូចខាតធ្ងន់ធ្ងរ ហើយ ម្ចាស់រថយន្តបានដោះស្លាកលេខរថយន្តចេញ។…
រាជធានីភ្នំពេញ ៖ រថយន្ត ឡិចស៊ីស570 មួយគ្រឿងបានបើកបោះពួយគេច ម៉ូតូមួយគ្រឿង ក៏បានជ្រុលទៅបុកចូលផ្ទះប្រជាពលរដ្ឋ បណ្តាលឲ្យបាក់អស់មួយផ្ទាំងធំរងការខូចខាតធ្ងន់ធ្ងរ ហើយ ម្ចាស់រថយន្តបានដោះស្លាកលេខរថយន្តចេញ។ នៅក្នុងគ្រោះថ្នាក់នេះបណ្តាលឲ្យស្ត្រីម្នាក់ ដែលជិះម៉ូតូក៏បានរងរបួសស្រាលផងដែរ។
ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោង១ និង២០នាទីរសៀល ថ្ងៃទី២១ ខែតុលា ឆ្នាំ២០១៨ ដែលស្ថិតនៅតាមផ្លូវលំ ភូមិទួលសំពៅ សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ។ រថយន្តដែលបុករបងផ្ទះនោះម៉ាកឡិចស៊ីស570 ពណ៌ខ្មៅ ពុំត្រូវបានស្គាល់ស្លាកលេខឡើយ ដោយអ្នកបើកបរដោះស្លាកលេខចេញភ្លាមៗ។ តាមព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញរថយន្តខាងលើបានធ្វើដំណើរតាមផ្លូវបេតុង ក្នុងទិសដៅពីត្បូងទៅជើង។
ខណៈពេលបើកបរមកដល់ចំណុចកើតហេតុដែលជាផ្លូវកោង មិនដឹងមូលហេតុអ្វីនោះទេស្រាប់តែ រថយន្តមិនបានបត់តាមផ្លូវកោងក៏បានទៅត្រង់បុករបងផ្ទះពេញទំហឹងតែម្តង បណ្តាលឲ្យរបងថ្ម និងទ្វារបាក់រងការខូចខាតយ៉ាងខ្លាំង។ ទាក់ទិនការគ្រោះថ្នាក់នេះអ្នកបើកបរបានប្រាប់អ្នកស្រុកថា មូលហេតុដែលបណ្តាលឲ្យជួបគ្រោះថ្នាក់ដោយសាតែ គេចម៉ូតូស្ត្រីម្នាក់ក៏បានជ្រុល ទៅបុករបងផ្ទះតែម្តង។
នៅក្នុងគ្រោះថ្នាក់ស្ត្រីម្នាក់ក៏បានដួលម៉ូតូរងរបួសស្រាលផងដែរ។ បន្ទាប់ពីគ្រោះថ្នាក់អ្នកបើកបរ បានដោះស្លាកលេខគេចខ្លួន ទៅជួបម្ចាស់ផ្ទះសម្របសម្រួលសងការខូចខាត។ ទោះបីជាយ៉ាងណាគេពុំដឹងថា សងការខូចខាតប៉ុន្មានឡើយ ហើយរថយន្តត្រូវបានម្ចាស់ ស្ទួចយកទៅជួសជុលដោយខ្លួនឯង៕
https://www.youtube.com/watch?v=v6OEe4ZpJXA
ចែករំលែកព័តមាននេះ