នេះបាក់ផែ…ចុះបើបាក់ផ្ទះក្បែរហ្នឹងដែរ យ៉ាងណាទៅ?
- កំពង់ចាម
ខេត្តត្បូងឃ្មុំ ៖ ផែឯកជនមួយកន្លែងមានម្ចាស់ដីឈ្មោះ សុខ ជាតិ ភេទប្រុស អាយុ៤៦ឆ្នាំ នៅភូមិដូនម៉ៅ លើ ឃុំទន្លេបិទ…
ខេត្តត្បូងឃ្មុំ ៖ ផែឯកជនមួយកន្លែងមានម្ចាស់ដីឈ្មោះ សុខ ជាតិ ភេទប្រុស អាយុ៤៦ឆ្នាំ នៅភូមិដូនម៉ៅ លើ ឃុំទន្លេបិទ…
ខេត្តត្បូងឃ្មុំ ៖ ផែឯកជនមួយកន្លែងមានម្ចាស់ដីឈ្មោះ សុខ ជាតិ ភេទប្រុស អាយុ៤៦ឆ្នាំ នៅភូមិដូនម៉ៅ
លើ ឃុំទន្លេបិទ ស្រុកត្បូងឃ្មុំ បានបាក់ប្រវែង៣០ម៉ែត្រចូលទៅក្នុងទន្លេ រួមទាំងជើងរ៉ៃដឹកទំនិញ កាលពីវេលាម៉ោង៣រសៀលថ្ងៃទី១៥ តុលា កន្លងមក និងធ្វើឲ្យពលរដ្ឋរស់នៅក្បែរនោះ មានការព្រួយបារម្ភព្រោះខ្លាចបាក់ដល់ផ្ទះរបស់ពួកគាត់ទៀត ។ មូលហេតុនៃការបាក់ផែមាត់ច្រាំងទន្លេនេះ ត្រូវបានគេដាក់
ការសង្ស័យថា ពីការលួចបូមកខ្សាច់នៅក្បែរច្រាំងនោះ ។
ស្ត្រីចំណាស់ម្នាក់ឈ្មោះ ឆេង លាង អាយុ៦៥ឆ្នាំ និយាយថា កាលពីថ្ងៃទី១៤ ខែតុលា មានកាណូតធំៗមកបូមយកខ្សាច់នៅក្រោយភូមិដែលមើលទៅនៅមិនឆ្ងាយប៉ុន្មានពីច្រាំងទន្លេទេ ។ លុះមកដល់រសៀលថ្ងៃទី១៥ ខែតុលា ស្រាប់តែបាក់ច្រាំងទន្លេដោយទាំងទីតាំងផែសម្រាប់លើកដាក់ទំនិញ ចូលទៅក្នុងទន្លេរួមទាំងឫស្សីមួយគុម្ពធំនៅក្រោយផ្ទះគាត់ ក៏បាក់ចូលទន្លេដែរ ។
លោក គឺន ផល អាយុ៥៥ឆ្នាំ និយាយថា គាត់បានមកនៅភូមិដូនម៉ៅលើនេះតាំងពីឆ្នាំ១៩៨៩មកម្លេ៉ះ មិនដែលដឹងមិនដែលឮពីការបាក់ច្រាំងទេ ទើបតែរយៈពេលប៉ុន្មានឆ្នាំចុងក្រោយនេះដីក្រោយផ្ទះមានចម្ងាយប្រមាណ១៥០ម៉ែត្របានបាក់ចូលទៅក្នុងទន្លេជាបន្តបន្ទាប់ ។ កន្លងមក មានកាណូតធំៗបានលួចបូមខ្សាច់នៅវេលាទៀបភ្លឺនៅកៀកនឹងច្រាំងក្រោយផ្ទះ លុះពេលភ្លឺក៏បានបើកចុះទៅក្រោមបាត់ទៅ ។
មានការកត់សម្គាល់ថា កាលពី២ទៅ៣ថ្ងៃមុនបាក់ផែ ក៏មានកាណូតមកបូមខ្សាច់នៅមិនឆ្ងាយប៉ុន្មានពីច្រាំងទន្លេដែរ ហើយនៅថ្ងៃទី១៤ខែតុលា សាឡង់ដឹកគ្រាប់ពោតធុនធំ១គ្រឿង បានឃើញស្នាមប្រេះបេតុងនៅកំពង់ផែ ញែកហែកចេញពីគ្នា ។ ដោយដឹងថាមិនស្រួល ក៏បានបើកសាឡង់ចេញទៅចតជិតកណ្តាលទន្លេបាន១ថ្ងៃ ផែក៏បានបាក់ចូលទន្លេរួមទាំងជើងរ៉ៃសម្រាប់លើកដាក់ទំនិញក៏បាក់ធ្លាក់ចូលទៅអណ្តែត តែចុងចេញពីផ្ទៃទឹកប៉ុណ្ណោះ ។
ពួកគាត់សំណូមពរដល់ស្ថាប័នជំនាញ និងលោកលី ឡេង អភិបាលខេត្ត សូមមានវិធានការជួយអន្តរាគមន៍ដល់ពួកគាត់ ធ្វើយ៉ាងណាកុំឲ្យកាណូតមកបូមខ្សាច់នៅកៀកច្រាំងបន្តទៀត បើពុំនោះទេ នឹងបន្តបាក់ដល់លំនៅឋានរបស់ពួកគាត់មិនខាន ។ លោក ប៊ុន ធឿន ប្រធានមន្ទីររ៉ែ និងថាមពលខេត្ត ប្រាប់ឲ្យដឹងដែរថា កន្លងមករូបលោកធ្លាប់បានណែនាំដល់ពលរដ្ឋក្នុងឃុំទន្លេបិទ ស្រុកត្បូងឃ្មុំ បើសិនជាមានកាណូតណាមកបូមខ្សាច់នៅកៀកនឹងច្រាំងទន្លេ ត្រូវរាយការណ៍មកស្ថាប័នជំនាញ ។
ចំពោះទីតាំងដែលបាក់ផែឯកជនខាងលើ មិនមានអាជ្ញាប័ណ្ណរបស់ក្រុមហ៊ុនណាមួយមកបូមខ្សាច់នៅត្រើយទន្លេបិទនោះទេ គឺមានច្បាប់បូមតែនៅត្រើយខាងខេត្តកំពង់ចាម។ ខ្សាច់នៅខាងទន្លេបិទជាប្រភេទខ្សាច់ម៉ដ្ឋ មិនអាចយកមកប្រើការលើវិស័យសំណង់កើតទេព្រោះមានលាយភក់ច្រើន ៕
ចែករំលែកព័តមាននេះ