រាជធានីភ្នំពេញ ៖ គ្រោះថ្នាក់ចរាចរណ៍ទូទាំងប្រទេសរយៈពេលពីរថ្ងៃ គិតពីថ្ងៃទី១៣-១៤ ខែតុលា ឆ្នាំ២០១៨ កើតឡើង៧លើក(យប់៣លើក)ស្លាប់ប្រុស៥នាក់ របួសធ្ងន់៨នាក់(ស្រី៣នាក់) របួសស្រាលប្រុសម្នាក់។ នេះបើយោងតាមរបាយការណ៍នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ។ មូលហេតុគ្រោះថ្នាក់ ល្បឿន៣លើក ស្លាប់១នាក់, មិនប្រកាន់ស្តាំ៤លើក ស្លាប់៤នាក់។
សរុបស្លាប់៥នាក់ ម៉ូតូ៤នាក់(មិនពាក់មួក៤នាក់) រថយន្តតូច១នាក់។ គ្រោះថ្នាក់ប៉ះទង្គិច ម៉ូតូ នឹងម៉ូតូ១លើក ស្លាប់១នាក់,ម៉ូតូនឹងរថយន្តតូច៣លើក ស្លាប់២នាក់, ម៉ូតូនឹងរថយន្តធំ១លើក ស្លាប់១នាក់,រថយន្តតូចនឹងរបាំងថ្ម១លើក,រថយន្តតូចនឹងគោយន្ត១លើក ស្លាប់១នាក់។ បណ្តាលឲ្យខូចខាតយាន១១គ្រឿង ក្នុងនោះមាន ម៉ូតូ៥គ្រឿង,រថយន្តតូច៥គ្រឿង,រថយន្តធំ១គ្រឿង។
យានយន្តបង្កហេតុ ម៉ូតូ៣លើក,រថយន្តតូច៣លើក,រថយន្តធំ១លើក។ គ្រោះថ្នាក់លើផ្លូវ ផ្លូវជាតិ២លើក, ផ្លូវខេត្ត៤លើក,ផ្លូវលំ១លើក។ រាជធានី-ខេត្តមានគ្រោះថ្នាក់ និងរងគ្រោះច្រើន ខេត្តកំពត១លើក ស្លាប់២នាក់,ភ្នំពេញ២លើក ស្លាប់១នាក់របួស៣នាក់,កណ្តាល១លើក ស្លាប់១នាក់ របួស២នាក់ និងខេត្តព្រះវិហារ១លើក ស្លាប់១នាក់ របួស១នាក់៕
ចែករំលែកព័តមាននេះ