រាជធានីភ្នំពេញ ៖ កម្លាំងអនុរក្សពន្ធនាគារព្រៃស បានធ្វើការសហការជាមួយនឹងកម្លាំងមានសមត្ថកិច្ច ខណ្ឌដូនពេញ បានធ្វើការឡោមព័ទ្ធការដ្ឋានសង់អគារមួយកន្លែងរាប់ម៉ោង ទម្រាំនឹងរកឃើញ និងចាប់ខ្លួនស្ត្រីជាអ្នកទោសថ្នាំញៀនម្នាក់មកវិញបាន ក្រោយពីរូបនាង ត្រូវបានគេនាំខ្លួនមកពិនិត្យ ផ្ទៃពោះនៅមន្ទីរពេទ្យជប៉ុន ហើយព្យាយាមរត់គេចខ្លួននោះ។ ហេតុការណ៍នេះបានបង្កការភ្ញាក់ផ្អើល នៅពីវេលម៉ោង៥ និង៣០នាទីល្ងាច ថ្ងៃទី០៤ ខែតុលា ឆ្នាំ២០១៨ នៅចំណុចកាងដ្ឋានសំណង់អគារដ៏ ធំមួយកន្លែង ដែលមានទីតាំងនៅក្នុងវាលខ្សាច់បឹងកក់ ក្នុងសង្កាត់ស្រះចក ខណ្ឌដូនពេញ។
តាមប្រភពព័ត៌មានពីសម្ថកិច្ចបានប្រាប់ឱ្យដឹងថា ស្ត្រីជាអ្នកទោសដែលព្យាយាមរត់គេចខ្លួននោះ មានឈ្មោះ វ៉ាន់ ស្រីរ័ត្ន ដែលត្រូវបានកម្លាំងមានសម្ថកិច្ចចាប់ធ្វើការចាប់ឃាត់ខ្លួនកាលពីថ្ងៃទី៣១ ខែ សីហា ឆ្នាំ២០១៨ កន្លងមកនេះ ពីបទជួញដូរ និងប្រើប្រាស់ថ្នាំញៀន។ នៅមុនពេលកើតហេតុ កាលពីវេលាម៉ោង ប្រមាណជា១២ថ្ងៃត្រង់ ថ្ងៃទី០៤ ខែតុលា ឆ្នាំ២០១៨នេះ ដោយសារតែស្ត្រីជា អ្នកទោសម្នាក់ខាងលើមានអាការៈធ្លាក់ឈាមនោះ កម្លាំងក្រុមអនុរក្ស(ម២) នៃពន្ធនាគារព្រៃសមួយក្រុម បានដឹកនាងតាមរថយន្តមួយគ្រឿងយកមកកាន់មន្ទីរពេទ្យជប៉ុន ដើម្បីឲ្យក្រុមគ្រូពេទ្យធ្វើពិនិត្យផ្ទៃពោះ របស់នាង។
តាមប្រភពដដែលក៏បានប្រាប់បន្តទៀតថា ពេលដែលកម្លាំងអនុរក្សបាននាំខ្លួននាងមកដល់ មន្ទីរពេទ្យ ដើម្បីឲ្យគេពិនិត្យផ្ទៃពោះឲ្យរូបនាងហើយនោះ នាងក៏ប្រាប់ថា <<នាងចុកពោះ និង សុំចូលបន្ទប់ទឹកមួយភ្លែត>> ក៏ស្រាប់តែបាត់ខ្លួននាងឈឹងតែម្តង។ ភ្លាមនោះ កម្លាំងអនុរក្សព្រៃគុកស ក៏បានធ្វើការសហការជាមួយនឹងកម្លាំងនគរបាលប៉ុស្តិ៍ស្រះចក និងខណ្ឌដូនពេញ ធ្វើការស្រាវជ្រាវរកនាង ទើបដឹងថា នាងបានជិះម៉ូតូឌុបមួយគ្រឿងរត់ចេញពីមន្ទីរពេទ្យជនប៉ុន និងព្យាយាម រត់គេចខ្លួនមកចូល សម្ងំក្នុងការដ្ឋានសំណង់អគារដ៏ធំមួយកន្លែង និងធ្វើការឡោមទ័ព្ធអស់រយៈពេលជាច្រើនម៉ោង ទើបបានរកឃើញរូបនាង។
ក្រោយពីកម្លាំងមានសម្ថកិច្ចជាច្រើននាក់បាននាំគ្នាធ្វើការឡឡោមព័ទ្ធ ការដ្ឋានសំណង់អគារដ៏ធំមួយកន្លែងខាងលើ អស់រយៈពេលជាច្រើនម៉ោង ទើបរកឃើញ និងចាប់ឃាត់ខ្លួនស្ត្រីជាអ្នកទោសគ្រឿងញៀនម្នាក់ខាងលើដែលព្យាយាមរត់គេចខ្លួនបានវិញនោះ ទើបធ្វើការបញ្ជូនទៅកាន់ពន្ធនាគារព្រៃសវិញ ដើម្បីអនុវត្តទោសជាបន្តទៅទៀត៕
https://youtu.be/-k127MscDlM
ចែករំលែកព័តមាននេះ