រាជធានីភ្នំពេញ៖ ជំនឿ និងការព្យាបាលទូទៅដែលហួសពីការគិតរបស់យើង គួរឱ្យចាប់អារម្មណ៍ ហើយក៏គ្រោះថ្នាក់ផងដែរ។ នេះគឺជាជំនឿទាំង១០ដ៏ចម្លែក និងគ្រោះថ្នាក់ដែលទាក់ទងនឹងការព្យាបាលជំងឺគ្រុនក្តៅ និងការឈឺក្បាលដែលអ្នកប្រហែលជាធ្លាប់ឮពីមុនមក។
Credit: Giphy
ជំនឿ ៖ ប៉ារ៉ាសេតាមុលអាចស្ថិតនៅក្នុងថ្លើមរយៈពេល ៧ ឆ្នាំ។
ការពិត ៖ ៩៨% នៃថ្នាំប៉ារ៉ាសេតាម៉ុលមួយគ្រាប់ត្រូវបានកម្ចាត់ចេញពីរាងកាយអ្នកក្នុងរយៈពេល២៤ ម៉ោង!
ជំនឿ៖ គ្របភួយច្រើនជាន់អោយបែកញើសដើម្បីឆាប់ជាពីជំងឺគ្រុនក្តៅ។
ការពិត ៖គ្របភួយច្រើនជាន់ពេលគ្រុនក្តៅធ្វើអោយសីតុណ្ហភាពរាងកាយរបស់អ្នករឹតតែក្តៅជាងមុនវាមិនបានជួយអោយអ្នកធូរស្រាលឡើយ។
Credit: Mumsnet
ជំនឿ ៖ នៅក្នុងប្រទេសហ្វីលីពីនគេមានជំនឿមួយឈ្មោះថា «usog»ដែលគេជឿថា ប្រសិនបើយើងសំពះកូនក្មេងក្មេងម្នាក់នោះនឹងក្តៅខ្លួនហើយឈឺក្យាល។ ដើម្បីព្យាបាលក្មេងម្នាក់នោះអ្នកត្រូវលាបទឹកមាត់របស់អ្នកដាក់លើម្រាមដៃ ហើយយកទៅជូតលើថ្ងាស់ក្មេងម្នាក់នោះដោយនិយាយថា «Puwera usog» ។
ការពិត ៖ ក្មេងៗអាចនឹងធ្លាក់ខ្លួនឈឺដោយសារទឹកមាត់ដែលពោរពេញដោយបាក់តេរីមកជូតលើពួកគេ។
Credit: Awkward Yeti
ជំនឿ ៖ ប៉ារ៉ាសេតាមុលបំផ្លាញថ្លើមរបស់អ្នក។
ការពិត ៖ ថ្នាំប៉ារ៉ាសេតាមុលមានសុវត្ថិភាពនៅពេលដែលបានប្រើនៅក្នុងកម្រិតដែលត្រូវបានណែនាំ និងមិនលើសពី ៤ ក្រាមក្នុងមួយថ្ងៃចំពោះមនុស្សពេញវ័យ។
Credit: Healthline
ជំនឿ៖ ប្រើថ្នាំអង់ទីប៊ីយោទិចដើម្បីកម្ចាត់គ្រុនក្តៅ។
ការពិត៖ ថ្នាំអង់ទីប៊ីយោទិចមិនត្រឹមតែបង្កើនកម្រិតប្រឆាំងរបស់បាក់តេរីទេវាថែមទាំងមិនធ្វើអោយយើងធូរស្រាលទៀតផង។ មិនមែនគ្រុនក្តៅទាំងអស់សុទ្ធតែត្រូវបានបង្កឡើងដោយបាក់តេរីនោះទេ ហើយថ្នាំអង់ទីប៊ីយោទិចប្រឆាំងតែបាក់តេរីប៉ុណ្ណោះទេ វាមិនបានប្រឆាំងនឹងវីរុសនិងមេរោគផ្សេងៗដែលបង្កជំងឺនោះទេ។
ជំនឿ ៖ ជូតអាល់កុលលើដងខ្លួនក្នុងកំឡុងពេលគ្រុនក្តៅ។
ការពិត ៖ អាល់កុលហួតលឿនណាស់ វាធ្វើឱ្យសីតុណ្ហភាពក្នុងរាងកាយធ្លាក់ចុះជាបណ្តោះអាសន្ន។ បើទោះបីជាវាមើលទៅដូចជាគំនិតល្អក្នុងពេលគ្រុនក្តៅក៏ដោយ ការធ្លាក់ចុះភ្លាមៗនៃសីតុណ្ហភាពរបស់ស្បែក អាចបណ្តាលឱ្យរងារញ័រដែលនឹងឱ្យរាងកាយរបស់អ្នកកាន់តែក្តៅ។ ដូច្នេះវាកាន់តែធ្វើអោយគ្រុនក្តៅធ្ងន់ធ្ងរទៅៗ។
ជំនឿ ៖ កំដៅ និងការម៉ាស្សា គឺជាវិធីល្អដើម្បីព្យាបាលការឈឺចាប់។
ការពិត ៖ ទោះបីជាការរួមបញ្ចូលគ្នានៃវិធីសាស្ត្រទាំងពីរនេះអាចកាត់បន្ថយការឈឺចាប់ក្នុងរយៈពេលខ្លីក៏ដោយតែវាមិនអាចកម្ចាត់ឫសគល់នៃការឈឺចាប់ដែរ ហើយក៏មិនអាចធ្វើអោយធូរស្បើយក្នុងរយះពេលយូរអង្វែងដែរ។
Credit: SecretWBusiness
ជំនឿ៖ ដាក់ខ្មៅដៃក្នុងមាត់របស់អ្នកដោយមិនខាំដើម្បីកាត់បន្ថយការឈឺក្បាលរបស់
អ្នក។
ការពិត៖ ការព្យាបាលនេះមិនមែនត្រឹមតែគ្មានភាពច្បាស់លាស់នោះទេ តែវាក៏ផ្តល់
ឲ្យមានភាពតានតឹងកាន់តែខ្លាំងទៀត។
Credit: Giphy
ជំនឿ ៖ ពិសឃ្មុំអាចសម្រាលការឈឺចាប់បាន។
ការពិត៖ ពុំមានភស្តុតាងខាងវិទ្យាសាស្ដ្រដើម្បីបញ្ជាក់ពីអត្ថប្រយោជន៍នៃការព្យាបាលនេះទេ ហើយចំណុចសំខាន់របស់សត្វឃ្មុំអាចបង្កឱ្យមានប្រតិកម្មអាឡែស៊ី និងប្រតិកម្មស្បែកមិនប្រក្រតី។
Credit: Giphy
ជំនឿ៖ ការទាញសក់រហូតដល់ឮសម្លេងខ្លឹកកាត់បន្ថយការឈឺក្បាលដែលបណ្តាល
មកពីការត្រូវកំដៅថ្ងៃយូរពេក។
ការពិត៖ វិធីសាស្ត្រនៃការទាញ ឬបំបែកសក់ត្រូវបានអនុវត្តជាទូទៅនៅអាមេរិកខាងត្បូង ប៉ុន្តែមិនមានភស្តុតាងដែលថា វាពិតជាអាចកាត់បន្ថយការឈឺក្បាលនោះទេ ហើយវាអាចបណ្តាលឱ្យមានអារម្មណ៍មិនស្រួលកាន់តែខ្លាំង ឬជ្រុះសក់ទៀត។
តើអ្នកធ្លាប់ឮជំនឿទាំងនេះពីមុនមកទេ? តើមានជំនឿអ្វីផ្សេងទៀតទាក់ទងនឹងការឈឺក្បាល និងគ្រុនក្ដៅដែលអ្នកបានឮ ឬធ្វើ? ចុចទីនេះ ដើម្បីទៅកាន់ទំព័រហ្វេសប៊ុករបស់យើង និងស្វែងយល់បន្ថែមពីរបៀបព្យាបាល ជំងឺគ្រុនក្ដៅ ឈឺក្បាល និងឈឺចាប់បន្តិចបន្តួច៕ ដោយសហការ
ចែករំលែកព័តមាននេះ