ឆែក​ឃើញ​ជិត​២០០​កេស​ក្នុងផ្ទះ​មួយ​កន្លែង


ខេត្ត​កំ​ពត​ ៖ ប៉ូលិស​ការិយាល័យ​ខេត្តកំពត ដោយ​មានការ​សម្របសម្រួល​ពី​លោក​ខាន់​សុផល​ព្រះរាជអាជ្ញា​រង​សាលាដំបូង​ខេត្ត បាន​ធ្វើកា​រឹបអូស​សាប៊ូ​ក្លែងក្លាយ​នាំ​ពី​ប្រទេស​វៀតណាម​ចំនួន​១៧៧​កេស ។

ការ​ចុះ​ឆែកឆេរ​ក​ឃើញ​សាប៊ូរ​ក្លែងក្លាយ​មិនមែន​ជា​សាប៊ូ​ក្រុមហ៊ុន​នេះ​បាន​ធ្វើ​ឡើង​កាលពី​រសៀល​ថ្ងៃ​ទី​២៧ កញ្ញា នៅផ្ទះ​លក់​ចាប់ហួយ​មួយ​កន្លែង ដែល​មាន​ម្ចាស់ផ្ទះ​ឈ្មោះ​យ៉ង់ ធី ភេទ​ប្រុស អាយុ​៣៤​ឆ្នាំ ផ្ទះ​លក់ដូ​នៅ​ជាប់​ផ្លូវជាតិ​លេខ​៣៣ ពី​ស្រុក​កំពង់ត្រាច​ទៅ​កាន់​ច្រក​ទ្វារ​ព្រំដែន​អន្តរជាតិ​ព្រែក​ចាក ស្ថិត​ក្នុងភូមិ​កំពូល​មាស ឃុំ​ឫស្សីស្រុក​ខាងលិច ស្រុក​កំពង់ត្រាច​។

បន្ទាប់​ពី​ប៉ូ​ល​លិ​សបាន​ជញ្ជូន​សាប៊ូ​ដាក់​ក្នុង​រថយន្ត​រួច លោក​ខាន់ សុផល ព្រះរាជអាជ្ញា​រង​បាន​អញ្ជើញ​ម្ចាស់ផ្ទះ​ទៅ​សួរនាំ​នៅ​សាលាដំបូង​ខេត្ត តែ​ម្ចាស់ផ្ទះ​រុញ​រា​មិន​ចង់ទៅ​នោះ​ទេ ហើយ​ម្ចាស់ផ្ទះ​បាន​និយាយ​ថា គេ​បាន​ដឹក​សាប៊ូ​យក​មក​ផ្ញើ​ផ្ទះ​របស់​ខ្លួន ។

លោក​ពេ​ជ អេ​លី នាយការិយាល័យ​ប៉ូ​ល​លិ​ស​សេដ្ឋកិច្ច​បាន​ប្រាប់​អោយ​ដឹង​នៅ​រសៀល​ថ្ងៃ​ទី​២៧ កញ្ញា នេះ​ថា សាប៊ូ​វៀតណាម​នេះ​គេ​ដឹក​ឆ្លង​តាម​ច្រក​ទ្វារ​ភ្នំ​ដិ​ន​ក្នុង​ខេត្តតាកែវ ប៉ុន្តែ​អ្នក​រកស៊ី​ដឹក​ជញ្ជូន​សាប៊ូ​នេះ​ដឹក​មក​ដល់​ផ្សា​ទូក​មាស ក្នុងស្រុក​បន្ទាយមាស​។

លោក​ពេ​ជ អេ​លី នាយការិយាល័យ​ប៉ូ​ល​លិ​ស​សេដ្ឋកិច្ច​បាន​ប្រាប់​អោយ​ដឹង​ថា ប៉ូលិស​ធ្វើ​បែប​នេះ​យោង​ទៅ​តាម​ពាក្យបណ្ដឹង​របស់​ក្រុម​ហ៊ុន​ដែល​អ្នក​រកស៊ី​តែងតែ​រំលោភ​លើ​កម្ម​សិទ្ធ​បញ្ញា​។

លោក​ពេ​ជ ​អេ​លី ​និយាយ​ថា ព្រោះ​របស់​អស់ទាំង​នេះ​ក៏​មិន​បាន​បង់ពន្ធ​ចូល​ដល់​រដ្ឋ​ផង​ដែរ ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ