រាជធានីភ្នំពេញ ៖ ក្នុងគោលបំណងជួយដល់យុវជនកម្ពុជាដែលងាយរងគ្រោះ និងក្រីក្រ ក្រសួងការងារ និងបណ្តុះបណ្តាលវិជ្ជាជីវៈដែលជាសេនាធិការរបស់រាជរដ្ឋាភិបាល និង តំណាងអង្គការសហប្រជាជាតិ (UN) បានបើកកិច្ចប្រជុំពិភាក្សាជាលើកទី២…
រាជធានីភ្នំពេញ ៖ ក្នុងគោលបំណងជួយដល់យុវជនកម្ពុជាដែលងាយរងគ្រោះ និងក្រីក្រ ក្រសួងការងារ និងបណ្តុះបណ្តាលវិជ្ជាជីវៈដែលជាសេនាធិការរបស់រាជរដ្ឋាភិបាល និង តំណាងអង្គការសហប្រជាជាតិ (UN) បានបើកកិច្ចប្រជុំពិភាក្សាជាលើកទី២ នៃគម្រោងស្តីពីរួមគ្នា ដើម្បីមុខរប និងការងាររបស់យុវជននៅកម្ពុជា ។
ក្នុងកិច្ចសម្ភាសន៍ជាមួយអ្នកសារព័ត៌មានក្រោយកិច្ចប្រជុំនារសៀលថ្ងៃទី២៥ នៅទីស្តីការក្រសួងលោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានឲ្យដឹងថា ក្រសួងការងារ និងតំណាងអង្គការសហប្រជាជាតិ បើកកិច្ចប្រជុំនៅថ្ងៃនេះ ជាលើកទី២ ដើម្បីបូកសរុបការងារ និងអនុម័តផែនការ និងសកម្មភាពការសម្រាប់ជំហ៊ានទី២ សម្រាប់ឆ្នាំបន្តទៀត ។
លោករដ្ឋមន្ត្រីបានបញ្ជាក់ថា « អីញ្ចឹងទេគម្រោងសម្រាប់ឆ្នាំទី២នេះ យើងប្រមូលផ្តុំលើការងារនិងមុខរបរបស់យុវជនដែលក្នុងនឹងយើងសំខាន់ផ្តោតលើការអភិវឌ្ឍសហគ្រិនភាពរបស់យុវជន និងការអភិវឌ្ឍជំនាញវិជ្ជាជីវៈឲ្យទាន់សម័យកាលថ្មី ។ ពិសេសនោះដំណាក់កាលឌីជីថលតែម្តង» ។ លោករដ្ឋមន្ត្រីក៏បានលើកឡើងថា កិច្ចប្រជុំក៏បានផ្តោតសំខាន់ ដើម្បីពន្លឿនសមត្ថភាពរបស់យុវជនឲ្យដើរទាន់បដិវត្តន៍ឧស្សាហកម្ម៤.០ ក្នុងនោះមានការបណ្តុះបណ្តាលផ្នែក ព័ត៌មានវិទ្យាឲ្យទៅដល់ក្រុមយុវជនពិសេសនោះក្រុមយុវជនដែលជាគោលដៅដែលមានងាយរងគ្រោះ និងក្រីក្រជាដើម ។
លោករដ្ឋមន្ត្រីបានអះអាងថា គម្រោងដែលធ្វើឡើងនេះ គឺជាគម្រោងដ៏ល្អមួយដោយសារមានដៃគូរមកពីទីភ្នាក់ងារបស់អង្គការសហប្រជាជាតិទាំងអស់ដែលធ្វើការនៅក្នុងប្រទេសកម្ពុជារួមមាន យូអ៊ិនឌីភី, យូនីសេស ,អាយឡូ និងស្ថាប័នផ្សេងៗទៀត ។ គម្រោងក៏ស្ថិតក្នុងការជួយឧបត្ថម្ភផ្នែកហិរញ្ញវត្ថុរបស់ទីភ្នាក់ងារប្រទេសស្វីសចំនួន៥០% និងទីភ្នាក់ងារផ្សេងៗទៀ ត ក្នុងការផ្តល់ហិរញ្ញប្បទានផងដែរ ។ សម្រាប់គម្រោងនេះក៏ត្រូវបានលោករដ្ឋមន្ត្រីបានឲ្យដឹងថាភាគីរាជរដ្ឋាភិបាលកម្ពុជាក៏មានការចូលរួមផងដែរដូចជា ក្រសួងការងារ ក្រសួងអប់រំ និងក្រសួងផ្សេងៗទៀត ។ គម្រោងមានទិសដៅបណ្តុះបណ្តាលដល់យុវជនដែលងាយរងគ្រោះ យុវជនបោះបង់ការសិក្សា ដើម្បីទទួលឱកាសការងារឡើងវិញ ។ ជាងនេះគម្រោងនឹងក៏ធ្វើការបណ្តុះបណ្តាលដល់កម្មករទៅតាមបណ្តាផ្នែកអក្ខកម្ម (មិនចេះអក្សរ) និងបំនិនជីវិតផងដែរ ។
លោករដ្ឋមន្ត្រីក៏បានលើកឡើងថា គម្រោងនេះក៏នឹងបង្កើតឲ្យមានសហគ្រិនភាពកាន់តែច្រើន ។ លោកបញ្ជាក់ថា ៖«មិនមែនសំដៅសហគ្រិនភាពទេ គឺចង់និយាយថា មិនមែនតែបង្កើតការងារបានតែម្នាក់ទេ ? គឺម្នាក់នឹងអាចបង្កើតសហគ្រាសហើយ គាត់ទៅដឹកនាំគ្រប់គ្រងស ហគ្រាសដោយនាំជាការងារបន្តបន្ទាប់ទៀត» ។ យ៉ាងណាក្តីលោករដ្ឋមន្ត្រីបានអះអាងសម្រាប់គម្រោងទី១ បានទទួលជោគជ័យច្រើន ហើយជំហ៊ានទី២នេះនឹងសង្ឃឹមទទួលបានជោគជ័យថែមទៀត ។
លោករដ្ឋមន្ត្រីក៏បានឲ្យដឹងថា មូលហេតុដែលអង្គការសហប្រជាជាតិជួយកម្ពុជា ដោយផ្តោតលើការបណ្តុះបណ្តាលយុវជននៅកម្ពុជាដោយសារគោរពតាមគោលដៅសហវត្សរ៍របស់អង្គការសហប្រជាជាតិ ហើយគោលដៅនេះក៏ស្របនឹងគោលនយោបាយរបស់រាជរដ្ឋាភិបាលកម្ពុជាដូចជា មានគោលនយោបាយស្តីពីការអភិវឌ្ឍវិស័យឧស្សាហកម្ម , គោលនយោបាយស្តីពីមុខរប និងការងារ , គោលនយោបាយស្តីពីការអប់រំ បណ្តុះបណ្តាលវិជ្ជាជីវៈ , គោលនយោបាយស្តីពីការអប់រំបណ្តុះបណ្តាលបច្ចេកទេស និងវិជ្ជាជីវៈជាដើម ៕
ចែករំលែកព័តមាននេះ