រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានអះអាងថាអ្នកដែលហៅការដឹកនាំអាណត្តិរបស់រាជរដ្ឋាភិបាលជារបបផ្តាច់ការគឺស្មើរនឹងហៅមេដឹកនាំបណ្តាប្រទេសនានាលើពិភពលោកជាជនផ្តាច់ការអីញ្ចឹង ។ ការលើកឡើងរបស់អ្នកនាំពាក្យនេះបន្ទាប់ពីក្រុមអតីតគណបក្សប្រឆាំងបានចោទប្រកាន់របបដឹកនាំរបស់សម្តេចតេជោ ហ៊ុន សែន…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានអះអាងថាអ្នកដែលហៅការដឹកនាំអាណត្តិរបស់រាជរដ្ឋាភិបាលជារបបផ្តាច់ការគឺស្មើរនឹងហៅមេដឹកនាំបណ្តាប្រទេសនានាលើពិភពលោកជាជនផ្តាច់ការអីញ្ចឹង ។
ការលើកឡើងរបស់អ្នកនាំពាក្យនេះបន្ទាប់ពីក្រុមអតីតគណបក្សប្រឆាំងបានចោទប្រកាន់របបដឹកនាំរបស់សម្តេចតេជោ ហ៊ុន សែន បច្ចុប្បន្នជារបបផ្តាច់ការ ។ ទោះបីជាក្រុមអតីតបក្សប្រឆាំងបានលើកឡើយ៉ាងណាក្តីក៏បណ្តាមេដឹកនាំប្រទេសមហាអំណាចមួយចំនួនបានទទួល ស្គាល់ភាពស្របច្បាប់របស់កម្ពុជាជាបន្តបន្ទាប់ក្រោយពីការបោះឆ្នោតរួច ។
លោក សុខ ឥសាន អ្នកនាំពាក្យគណបក្សប្រជាជនកម្ពុជាបានឲ្យដឹងតាមប្រពន្ធតេឡេក្រាមនៅថ្ងៃទី២៥ ខែកញ្ញា ថាបណ្តាមេដឹកនាំបណ្តាប្រទេសលើពិភពលោកបានទទួលស្គាល់រាជរដ្ឋាភិបាលកម្ពុជាជាបន្តបន្ទាប់រួចហើយ រួមទាំងសហរដ្ឋអាមេរិក បារាំង អង់គ្លេស អាល្លឺម៉ង់ ចិន រុស្សី ឥណ្ឌា ភូមា ស្រីលង្ការយូក្រែន ផងដែរ ។
លោកបញ្ជាក់ថា «ពួកគេចោទថា រាជរដ្ឋាភិបាលកម្ពុជាផ្តាច់ការ ដូច្នេះក៏ជាការចោទរដ្ឋាភិបាលបណ្តាប្រទេសដែលទទួលស្គាល់នោះថា ជារដ្ឋាភិបាលផ្តាច់ការដែរ ។ នេះគឺជាការប្រមាថធ្ងន់ធ្ងរដល់មេដឹកនាំបណ្តាប្រទេសប្រជាធិបតេយ្យធំៗ និងប្រទេសដទៃទៀត» ។
អ្នកនាំពាក្យគណកាន់អំណាចក៏បានលើកឡើងថា អ្នកដែលចោទថា ការបោះឆ្នោតកន្លងទៅជាការបោះឆ្នោតក្លែងក្លាយ ដូច្នេះមានន័យថា បណ្តាប្រទេសទទួលស្គាល់ការបោះឆ្នោតក្លែងក្លាយឬ ។ ជាពិសេសលោកប្រធានាធិបតី ដូណាល់ ត្រាំ ឆ្កួតដែលទទួលស្វាគមន៍ និងទទួលសារតាំងពីលោកអគ្គរាជទូតប្រទេសកម្ពុជាដែលជាប្រទេសផ្តាច់ការ និងគ្មានប្រជាធិបតេយ្យ ។
ជាមួយគ្នានោះដែរលោក សុខ ឥសាន ក៏បានលើកឡើងថា ពួកអ្នកដែលចោទថា នៅកម្ពុជាមានការរំលោភសិទ្ធិមនុស្សធ្ងន់ធ្ងរបានន័យថា ពួកគេចោទគណៈកម្មាធិការសិទ្ធិមនុស្ស អង្កការសហប្រជាជាតិភ្លើដាក់ពិន្ទុខុសដែលគ្មានប្រទេសកម្ពុជានៅក្នុងបញ្ជីខ្មៅ ៕
ចែករំលែកព័តមាននេះ