ខេត្តស្វាយរៀង ៖ រសៀលថ្ងៃទី១៩ កញ្ញា ប្រជាពលរដ្ឋមួយចំនួននៅស្រុករមាសហែក បាននាំគ្នាចូលព្រៃដើរកាប់វល្លិ៍ត្រីនិងដើមក្រពាត់ជ្រូក ដែលឈ្មួញវៀតណាមប្រមូលទិញយកទៅធ្វើឱសថបុរាណ ដើម្បីព្យាបាលជំងឺផ្សេងៗនៅប្រទេសវៀតណាម ។ បើតាមប្រជាពលរដ្ឋដែលកំពុងដឹកវល្លិត្រីនិងដើមក្រពាត់ជ្រូកតាមម៉ូតូចេញពីក្នុងព្រៃមកដាកលក់នៅមាត់…
ខេត្តស្វាយរៀង ៖ រសៀលថ្ងៃទី១៩ កញ្ញា ប្រជាពលរដ្ឋមួយចំនួននៅស្រុករមាសហែក បាននាំគ្នាចូលព្រៃដើរកាប់វល្លិ៍ត្រីនិងដើមក្រពាត់ជ្រូក ដែលឈ្មួញវៀតណាមប្រមូលទិញយកទៅធ្វើឱសថបុរាណ ដើម្បីព្យាបាលជំងឺផ្សេងៗនៅប្រទេសវៀតណាម ។
បើតាមប្រជាពលរដ្ឋដែលកំពុងដឹកវល្លិត្រីនិងដើមក្រពាត់ជ្រូកតាមម៉ូតូចេញពីក្នុងព្រៃមកដាកលក់នៅមាត់ កំពង់ទន្លេបត់ត្រាស់ ភូមិបត់ត្រាស់ ឃុំដូង ស្រុករមាសហែក បានឲ្យដឹងថា ពួកគាត់ប្រកបរបរដើរកាប់វល្លិនិងដើមក្រពាត់ជ្រូកក្នុងព្រៃនេះជាច្រើនឆ្នាំមកហើយ ឯកម្រៃដែលទទួលបានពីរបរនេះក៏គួរសមដែរ គ្រាន់ផ្គត់ផ្គង់ជីវភាពបានមួយកម្រិត ។
ប្រភពដដែលឲ្យដឹងទៀតថា វល្លិដែលត្រូវប៉ាន់ហើយឈ្មួញវៀតណាមទិញនោះ គឺដើមក្រពាត់ជ្រូកនិងវល្លិត្រី ។ រុក្ខជាតិទាំង២នេះ ភាគច្រើនដុះក្នុងព្រៃ ដែលត្រូវចំណាយពេលចូលទៅកាប់រយៈពេលមួយព្រឹក ឬមួយថ្ងៃទើបបានលក់ ព្រោះពុំសូវសម្បូរទេទាល់តែព្យាយាមដើររកបន្តិចទើបជួបប្រទះ ។ វល្លិនេះក្នុង១គីឡូក្រាមលក់បានពី៨០០រៀលទៅ១.០០០រៀល តែបើហាលឲ្យស្ងួតបាន១.២០០រៀលទៅ១.៤០០រៀល ហើយក្នុងមួយថ្ងៃអាចរកបានចាប់ពី៤០ទៅ៥០គីឡូក្រាម ។
ដូច្នេះឃើញថា បានប្រាក់គួរសមដែរ តែបើឈ្មួញវៀតណាមទិញជំពាក់វិញពិបាកទារលុយបន្តិចហើយ ដែលមិនដឹងថាកាលណាគេសងលុយទេ គឺយូរបន្តិចហើយ តែមិនដឹងជារករបរអី ទើបបានជាចេះតែនាំគ្នាទៅកាប់វល្លិមកលក់ទៅ ។
ទោះបីជាយ៉ាងណា ប្រជាពលរដ្ឋនៅស្រុករមាសហែកនេះមិនបានប្រាប់ឲ្យដឹងថា រុក្ខជាតិទាំង២ប្រភេទនេះ ឈ្មួញវៀតណាមទិញយកទៅធ្វើថ្នាំអី្វនោះទេ ប៉ុន្តែការទិញមានការកើនឡើង ឱ្យតែមានលក់គឺគ្មានសល់ទេ ៕
ចែករំលែកព័តមាននេះ