នៅពេលដែលអ្នកមករដូវ ម្តងៗ ប្រសិនជាអ្នកមិនចង់ប្រឈមមុខនឹងអាការឈឺពោះ អ្នកគួរតែចៀសកុំញ៉ាំនូវផ្លែឈើមួយចំនួន ព្រោះបើអ្នកពិសា វានឹងធ្វើឲ្យអ្នកឈឺពោះជាមិនខាន ។ តើមានផ្លែឈើអ្វីខ្លះទៅ ?
១-ផ្លែទន្លាប់ ៖ នៅក្នុងផ្លែឈើទន្លាប់មានសារធាតុម្យ៉ាងដែលរារាំងមិនឲ្យរាងកាយអ្នកស្រូបយកសារធាតុដែកបានទេ ដូចនេះនៅពេលដែលអ្នកមករដូវ អ្នកមិនគួរពិសាឡើយ ដោយសារតែអ្នកបានបាត់បង់ឈាមច្រើន ហើយត្រូវការសារធាតុដែកដើម្បីប៉ូវឈាមមកវិញ ។ ម្យ៉ាងទៀតវាក៏អាចពន្យារពេលនៃការមករដូវអ្នកយូរជាងមុនដែរ ហើយមិនសូវមកច្រើនឡើយ ។
២-ផ្លែប្លូប៊័ររី ៖ នៅក្នុងផ្លែឈើនេះមានសារធាតុម្យ៉ាងដែលអាចធ្វើឲ្យអ្នកឈឺពោះកាន់តែខ្លាំងប្រសិនជាអ្នកញ៉ាំវាច្រើននៅពេលដែលអ្នកកំពុងមករដូវ ។
៣-ផ្លែទទឹម ៖ ក្រោយពេលដែលអ្នកពិសារវារួច វានឹងអាចធ្វើឲ្យអ្នកមានអាការមិនស្រួលជាខ្លាំងពេលមករដូវ ព្រោះវាមានសារធាតុជាច្រើនដែលធ្វើឲ្យអ្នកមិនស្រួលខ្លួន ។ ដូចនេះអ្នកគួរតែកុំញ៉ាំឲ្យសោះក្នុងចន្លោះពេលមករដូវ ។
៤-ផ្លែទំពាំងបាយជូរ ៖ ក្រោយពេលដែលអ្នកញ៉ាំទំពាំងបាយជូររួច វានឹងបង្អាក់ការរំលាយអាហាររបស់អ្នក ធ្វើឲ្យឈាមដើរមិនស្រួល ជាហេតុដែលអាចធ្វើឲ្យអ្នកមករដូវតិចជាងមុន ហើយឈឺពោះទៀតផង។
ដូចនេះ អ្នកគួរតែប្រយ័ត្នឲ្យបានខ្ពស់ពីផ្លែឈើទាំងនេះ ទើបអាចការពារមិនឲ្យអ្នកប្រឈមមុខនឹងអាការៈឈឺពោះនេះ (ប្រភពពី៖ Health.com.kh) ៕
ចែករំលែកព័តមាននេះ