កម្មករជិត១ពាន់នាក់បិទផ្លូវជាតិលេខ០៤…អត់ព្រមបើក​វិញទេ​


រាជធានី​ភ្នំពេញ ៖ សេចក្តីរាយការណ៍​បឋម​ឱ្យ​ដឹង​​ថា មាន​កម្មករ​-​កម្មការិនី​រោងចក្រ​«​ជី​ម លី​»ជិត​១​ពាន់​នាក់​បាន​​នាំ​គ្នា​ផ្ទុះ​ប្រតិកម្ម​សាជាថ្មី ដោយ​បាន​ធ្វើ​​បាតុកម្ម​​បិទផ្លូវ​ជាតិ​លេខ​០៤ ដើម្បី​សុំ​​ការ​​​ដោះ​ស្រាយ​ឱ្យ​​បាន​ច្បាស់ ខណៈ​ដែល​​ថៅកែ​ចក្រ​​មិន​​បាន​​ទទួលខុស​ត្រូវ និងមិន​បើកប្រាក់​​អតីតភាព​​ឱ្យ​​ពួកគាត់​ នៅ​ពេល​ដែល​រោងចក្រ​ត្រូវ​បិទទ្វារ​ ដូរ​យីហោ​ថ្មី ឬ​ដូរ​ថៅកែក្តី​ ។

ហេតុការណ៍​ដ៏​ភ្ញាក់ផ្អើលបិទផ្លូវនេះ បានបង្ក​​​ឱ្យ​មាន​​ការ​​កកស្ទះ​ចរាចរណ៍​យ៉ាងខ្លាំង​ដោយ​មិន​អាច​​ធ្វើ​​ដំណើរ បាន គឺ​​កើតឡើង​តាំងពី​វេលា​ព្រឹក​ថ្ងៃ​ទី​១៧ កញ្ញា ​មក​ម្លេ​៉ះ ដែល​រោងចក្រ​«​ជី​ម លី​» ខាងលើ​ គឺ​ស្ថិត​នៅ​មុខ​ទី​បញ្ជា​​ដ្ឋា​ន​កងទ័ពជើងគោក ក្នុងភូមិ​ត្រ​ពាង​ថ្លឹង សង្កាត់​កំ​បូល ខណ្ឌ​ពោធិ៍​សែន​ជ័យ ។

គួរ​បញ្ជាក់​ថា កម្មករ​រោងចក្រ «​ជី​ម លី​»នេះ ធ្លាប់​នាំ​គ្នា​ធ្វើ​បាតុកម្ម​ម្តង​រួច​មក​ហើយ ដោយ​បាន​លើក​គ្នា​​ទៅ​ដល់​​ក្រសួង​ការងារទៀតផង ក៏​ប៉ុន្តែ​ពួក​គេ​មិន​បាន​ទទួល​ដំណោះស្រាយ​ណាមួយ​នោះ​ទេ រហូត​មក​ទល់​ថ្ងៃ​ដែល​គាត់​ផ្ទុះ​ការ​តវ៉ា​បិទផ្លូវ​នៅ​ថ្ងៃនេះ ។

​គិត​មកទល់​​ម៉ោង​០៩ និង​៣០​នាទី​ព្រឹក​ថ្ងៃ​ដដែល គេ​បានឃើញ​មន្ត្រី​ក្រសួង​ការងារ រួមទាំង​អភិបាលរង​ខណ្ឌ បាន​ចុះ​មក​សម្រប​សម្រួល​ជាមួយ​ក្រុម​កម្មករ តែទោះជាយ៉ាងណា ​​ពួក​គេ​មិន​ព្រម​​បើកផ្លូវ​វិញទេ បើ​នៅ​តែគ្មាន​ដំណោះស្រាយ​ណាមួយនោះ​​ ។

ព័ត៌មាន​ល​ម្អឹ​ត​មាន​ផ្សាយ​ជូន​បន្ត ។

Facebook Google Twitter Email

Live

Sponsored News

ការស្ទង់មតិគេហទំព័រថ្មី




    សូម​អរគុណ