រាជធានីភ្នំពេញ ៖ សេចក្តីព្រាង​ច្បាប់ស្តីពីសហ​គមន៍កសិកម្ម ត្រូវបានរដ្ឋ​សភាអនុម័តហើយ​នៅម៉ោង១២ និង២០នាទីថ្ងៃត្រង់ ថ្ងៃទី​០៩ ឧសភា ២០១៣​​នេះ ក្នុងសំឡេង​គំាទ្រ៨០​លើ៨៣សំឡេង។

យោង​​តាមសេចក្តីថ្លែ​ង​​របស់រាជរដ្ឋាភិបាលកម្ពុជាបានឲ្យដឹងថា សេចក្តីព្រាងច្បាប់ស្តីពីសហគមន៍កសិកម្ម ដែលមាន៩ជំពូក ចែក​ចេញ​ជា​១១២មាត្រា នេះ គឺជា​សមិទ្ធិផលថ្មីមួយទៀត ក្នុងការ​អភិវឌ្ឍក្របខណ្ឌគតិយុត្តរបស់​រាជរដ្ឋាភិបាល ដើម្បីគាំទ្រ​ដល់​​គោល​ន​យោ​បាយ វិស័យក​សិកម្ម យុទ្ធសាស្រ្តចតុកោណ​ដំណាក់កាលទី២ និងគោល​នយោ​បាយ​របស់រាជរដ្ឋាភិបាល​​ក្នុងការ​ជំរុញ​ផលិត​កម្ម​​ស្រូវ និងការនាំ​ចេញអង្ករបន្ថែម​ពីលើច្បាប់ស្តីពីការ​គ្រប់គ្រងថ្នាំកសិកម្ម និងជីក​សិកម្ម ដែលត្រូវបានព្រះ​មហាក្សត្រ ឡាយ​​​ព្រះ​ហស្ត​លេខា​ប្រកាសឲ្យប្រើ​កាលពីថ្ងៃទី​១៤ មករា ២០១២នេះ កន្លង​ទៅនេះ ៕