រាជធានីភ្នំពេញ៖ យុវជនពីរនាក់រងរបួសធ្ងន់ធ្ងរ ក្នុងហេតុការណ៍គ្រោះថ្នាក់ចរាចរណ៍មួយដែលបានកើតឡើង នៅតាមបណ្តោយផ្លូវលេខ ៣៧១ ភូមិក្បាលទំនប់ សង្កាត់បឹងទំពុន ខណ្ឌមានជ័យ កាលពីវេលាម៉ោង ២៣នឹង ៤០ នាទីយប់ថ្ងៃទី០៨ ខែឧសភា ឆ្នាំ២០១៣ ។ គ្រោះថ្នាក់ចរាចរណ៍នេះបង្កឡើងដោយយុវជនពីនាក់ជិះម៉ូតូឌុបគ្នា ក្នុងល្បឿនលឿនជ្រុលទៅបុកនឹងរ៉ឺម៉កកង់បីដែលកំពុងជិះបញ្ច្រាសទិសគ្នាពេញទំហឹងតែម្តង ។
ប្រភពព័ត៌មានពីសាក្សីដែលបានឃើញហេតុការណ៍នេះបានឲ្យដឹងថា មុនពេលកើតហេតុ យុវជនពីរនាក់បានជិះម៉ូតូមួយគ្រឿងម៉ាកស្មាសរេវ៉ូ ពណ៌ខ្មៅ ឌុបគ្នា តាមបណ្តោយផ្លូវលេខ ៣៧១ ក្នុងទិសដៅពីត្បូងទៅជើង លុះពេលជិះមកដល់ចំណុចខាងលើនេះក៏ស្រាប់តែ រេចង្កូតបុកជាមួយរ៉ឺម៉កកង់បីដែលកំពុងជិះបញ្ច្រាសទិសគ្នាពេញទំហឹង បណ្តាលឲ្យយុវជនជាម្ចាស់ម៉ូតូ ស្មាសរេវ៉ូ ត្រូវរងរបួសធ្ងន់ធ្ងរ ដឹកបញ្ជូនទៅសង្គ្រោះនៅមន្ទីរពេទ្យភ្លាមៗ ។ ចំណែកម៉ូតូក៏ត្រូវរងការខូចខាតធ្ងន់ធ្ងរផងដែរ ។
ក្រោយពេលកើតហេតុ អ្នករងរបួសទាំងពីរនាក់ ត្រូវបញ្ជូនទៅសង្គ្រោះនៅមន្ទីរពេទ្យបាត់អស់ ដោយមិនទាន់ស្គាល់អត្តសញ្ញាណនៅឡើយទេ ចំណែកឯម៉ូតូស្មាសរេវ៉ូ នឹងរ៉ឺម៉កកង់បីត្រូវបានសមត្ថកិច្ចជំនាញចុះមកវាស់វែងអូសយកទៅរក្សាទុកនៅអធិការដ្ឋាននគរបាលខណ្ឌមានជ័យដើម្បីដោះស្រាយតាមផ្លូវច្បាប់៕ ម៉ម វ៉ាន
ចែករំលែកព័តមាននេះ