ខេត្តបន្ទាយមានជ័យ ៖ នៅវេលាម៉ោង២និង៣០នាទីរសៀលថ្ងៃទី១០ ខែកញ្ញា ឆ្នាំ២០១៨ កម្លាំងជំនាញប្រឆាំងគ្រឿងញៀននៃអធិការដ្ឋាននគរបាលក្រុងប៉ោយប៉ែតបានចុះល្បាតភូមិសាស្ត្រក្រុងប៉ោយប៉ែតក៏ប្រទះឃើញជនសង្ស័យមុខសញ្ញាចំនួន២នាក់ នៅចំណុចខាងជើងបុរីហ្គូតឡាក់ ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែតពេលនោះកម្លាំងជំនាញក៏បានធ្វើការសាកសួរ…
ខេត្តបន្ទាយមានជ័យ ៖ នៅវេលាម៉ោង២និង៣០នាទីរសៀលថ្ងៃទី១០ ខែកញ្ញា ឆ្នាំ២០១៨ កម្លាំងជំនាញប្រឆាំងគ្រឿងញៀននៃអធិការដ្ឋាននគរបាលក្រុងប៉ោយប៉ែតបានចុះល្បាតភូមិសាស្ត្រក្រុងប៉ោយប៉ែតក៏ប្រទះឃើញជនសង្ស័យមុខសញ្ញាចំនួន២នាក់ នៅចំណុចខាងជើងបុរីហ្គូតឡាក់ ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែតពេលនោះកម្លាំងជំនាញក៏បានធ្វើការសាកសួរ និងត្រួតពិនិត្យរកឃើញថ្នាំញៀនប្រភេទម្សៅក្រាមសថ្លាចំនួន ១កញ្ចប់តូច។
ជនសង្ស័យទាំង២នាក់ ម្នាក់ឈ្មោះ ឈួន ហួ ភេទប្រុស អាយុ១៥ឆ្នាំ មុខរបរមិនពិតប្រាកដ រស់នៅភូមិតាសួន សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ និងម្នាក់ទៀតឈ្មោះសី ឡា ភេទប្រុស អាយុ១៥ ឆ្នាំ មុខរបរមិនពិតប្រាកដ រស់នៅភូមិតាសួន សង្កាត់ក្រុងប៉ោយប៉ែត ខេត្តបន្ទាយមានជ័យ ។
បន្ទាប់មក នៅវេលាម៉ោង២និង ៥០នាទីយប់ថ្ងៃទី១០ ខែ កញ្ញា ឆ្នាំ២០១៨ កម្លាំងជំនាញប្រឆាំងគ្រឿង
ញៀន នៃអធិការដ្ឋាននគរបាលក្រុងប៉ោយប៉ែតបានចុះល្បាតភូមិសាស្ត្រក្រុងប៉ោយប៉ែតបានប្រទះឃើញជនសង្ស័យជាមុខសញ្ញាចំនួន៣នាក់ទៀត នៅចំណុចតាមផ្លូវជាតិលេខ៥ មុខផ្លូវចូលវិទ្យាល័យអូរជ្រៅ ស្ថិតក្នុងភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែតខេត្តបន្ទាយមានជ័យ។
ជនសង្ស័យទាំង៣នាក់រួមមាន ១-ឈ្មោះ ម៉ៅ ជា ភេទប្រុស អាយុ១៧ ឆ្នាំ មុខរបរមិនពិតប្រាកដ រស់នៅភូមិប្រជាធម្ម សង្កាត់ក្រុងប៉ោយប៉ែត ខេត្តបន្ទាយមានជ័យ ២-ឈ្មោះ ទូច ចាន់រ៉ាត ភេទប្រុស អាយុ១៨ឆ្នាំ មុខរបរមិនពិតប្រាកដ រស់នៅភូមិថ្មី សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ និង៣-ឈ្មោះ ផាត វណ្ណេត ភេទប្រុស អាយុ១៦ឆ្នាំ មុខរបរមិនពិតប្រាកដ រស់នៅភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។ ក្នុងនោះកម្លាំងជំនាញក៏បានធ្វើការសាកសួរ និងត្រួតពិនិត្យរកឃើញថ្នាំញៀនប្រភេទម្សៅក្រាមសថ្លាចំនួន១កញ្ចប់តូច និងដែកកេះចំនួន១។
បច្ចុប្បន្ន ជនសង្ស័យទាំង៥នាក់ខាងលើត្រូវបានកម្លាំងជំនាញនាំមកអធិការដ្ឋានដើម្បីធ្វើការសាកសួរ៕
ចែករំលែកព័តមាននេះ