ខេត្តបន្ទាយមានជ័យ ៖ លំនៅឋានប្រជាពលរដ្ឋជាង១០០ខ្នង នៅក្នុងស្រុកចំនួន៣នៃខេត្តបន្ទាយមានជ័យ បានរងការខូចខាតដោយសារខ្យល់កន្ត្រាក់ កាលពីវេលាម៉ោង២ ថ្ងៃទី៥ និង៦ឧសភា ។តាមប្រភពព័តមានពីនគរបាលស្រុកម៉ាឡៃនាថ្ងៃទី៧ ឧសភា នេះថា នៅឃុំតាគង់ ស្រុកម៉ាឡៃ មានភូមិចំនួន៣គឺ ភូមិបល្ល័ង្កចំណុចប្រសាទ រាំងរងនូវផលប៉ះពាល់ចំនួន៥៤ខ្នង ខូចខាតទាំង
ខេត្តបន្ទាយមានជ័យ ៖ លំនៅឋានប្រជាពលរដ្ឋជាង១០០ខ្នង នៅក្នុងស្រុកចំនួន៣នៃខេត្តបន្ទាយមានជ័យ បានរងការខូចខាតដោយសារខ្យល់កន្ត្រាក់ កាលពីវេលាម៉ោង២ ថ្ងៃទី៥ និង៦ឧសភា ។តាមប្រភពព័តមានពីនគរបាលស្រុកម៉ាឡៃនាថ្ងៃទី៧ ឧសភា នេះថា នៅឃុំតាគង់ ស្រុកម៉ាឡៃ មានភូមិចំនួន៣គឺ ភូមិបល្ល័ង្កចំណុចប្រសាទ រាំងរងនូវផលប៉ះពាល់ចំនួន៥៤ខ្នង ខូចខាតទាំងស្រុងចំនួន១៩ខ្នង ចំណុចបុស្បធំជើង រងនូវផលប៉ះពាល់ចំនួន២៤ខ្នង ខូចខាតទាំងស្រុងចំនួន៣ខ្នងចំណុចបុស្បធំត្បូងចំនួន៣០ខ្នង ខូចខាតទាំងស្រុងចំនួន២ខ្នង ភូមិស្រះភ្លោះ ចំនួន៥ខ្នង ខូចខាតទាំងស្រុង១ខ្នងនិងភូមិខ្ជាយខូចខាតចំនួន៤ខ្នងរបើកដំបូល សរុបចំនួន១១៧ខ្នងក្នុងនោះខូចខាតទាំងស្រុកចំនួន២៥ខ្នង និងរបើកដំបូល ជញ្ជាំងចំនួន៩២ខ្នង ។ ហេតុការណ៍ដ៏អាក្រក់នេះបានកើតឡើងកាលពីវេលាម៉ោង៥ និង១៥នាទីល្ងាចថ្ងៃទី៥ ឧសភា មានខ្យល់កន្ត្រាក់ ។ ក្នុងហេតុការណ៍នោះបណ្តាលឲ្យប្រជាពលរដ្ឋចំនួន៨នាក់ ស្រីម្នាក់ រងរបួសមធ្យម និងម្នាក់ត្រូវរងរបួសធ្ងន់ដោយសាររន្ទះបាញ់ ។
ប្រភពព័ត៌មានដដែលបានបន្តថា ក្រោយពេលកើតហេតុរួចមក នៅព្រឹកថ្ងៃទី៦ ឧសភា កម្លាំងនគរបាលវរសេនាតូច នគរបាលការពារព្រំដែនគោកបានចុះទៅជួយរុះរើផ្ទះប្រជាពលរដ្ឋដែលរងនូវការខូចខាតទាំងស្រុង និងប្រមូលឈើស័ង្កសីគរទុកដាក់ឱ្យទៀតផង ។ដោយឡែកនៅស្រុកមង្គលបូរី នាល្ងាចថ្ងៃទី៥ ឧសភា កន្លងទៅនេះមានឃុំចំនួន២គឺឃុំចំណោម និងឃុំគោកបល័្លង្ក ត្រូវបានខ្យល់កន្រ្តាក់បោកបក់បណ្តាលឲ្យខូចខាតលំនៅឋានប្រជាពលរដ្ឋចំនួន១៣ខ្នង ។ ក្នុងនោះឃុំចំណោមរងការខូចខាតផ្ទះ៧ខ្នង ឃុំគោកបល្ល័ង្ករងការខូចខាតផ្ទះចំនួន៦ខ្នង និងខូចខាតទាំងស្រុងចំនួន៤ខ្នង រីឯនៅស្រុកព្រះនេត្រព្រះនៅវេលាម៉ោង៤ល្ងាច ថ្ងៃទី៦ ឧសភា លំនៅឋានរបស់ប្រជាពលរដ្ឋចំនួន៩ខ្នង នៅឃុំភ្នំលៀប ត្រូវរងការខូចខាតដោយសារខ្យល់កន្ត្រាក់នេះផងដែរ ។
សូមបញ្ជាក់ថា យោងតាមការប្រកាសរបស់ក្រសួងធនធានទឹក និងឧតុនិយម កាលពីខែមុនបានឱ្យដឹងថា ផ្គរ រន្ទះ និងខ្យល់កន្ត្រាក់នឹងថមថយឥទ្ធិពលនៅពាក់កណ្ដាលខែសីហាខាងមុខ ។ តាមការឱ្យដឹងនេះឃើញថា មានការប្រឈមដោយគ្រោះធម្មជាតិក្នុងរដូវស្សាច្រើនខែទៅមុខទៀតផង ៕
ចែករំលែកព័តមាននេះ